上星期日朋友整好三色吐司比我睇，我覺得好靚！ 佢叫我都整下，仲比左個食譜我，但我從來無整過吐司。當晚見到另一個朋友仔在FB 分享佢整既吐司，佢話一整就愛上左！ 攪到我即時在網上搵下吐司模，我要求係要買淺井，因為戚風蛋糕都係用佢，我覺得好好用。搵到一間即時留言，店主好快回覆有貨，我付款後店主即日寄貨，第二日已經收到了，速度非常之快。
今日同個模剪綵，我跟店主指示：
(1) 先洗乾淨模印乾水再入焗爐170度焗20分鐘
(2) 之後再掃油200度焗10分鐘 (重覆3次)
準備好模之後就係整包了，其實吐司都未整過，仲要挑戰三色？ 想了又想，最後決定嘗試，如失敗便在錯誤中成長及學習！
材料：
流淚粉 / 原糖 / 鹽 / 酵母 / 蛋 / 牛奶 / 牛油 / 紫薯粉 / 五十鈴
我用廚師機打好麵團，完成一發一小時，之後把三色麵團卷好再二發45分鐘就入爐，焗到一半時好失望，好明顯我卷得唔好，所以見到爆口，切開睇睇又未至於太差，下次有信心再做更好！
明天早餐：三色吐司
Reference : 流淚粉 / 富澤紫薯粉 / 小山圓五十鈴
賣相很好。👍🏻
回覆刪除多謝你 ^^
刪除