2021年10月31日 星期日

琵琶蝦~原隻蒸

 今日路過觀塘,想起上次有檔海鮮好抵食,打算去望下有乜海鮮!  聽到好多人話訂左大閘蟹,不過今年都冇打算食!






見到有琵琶蝦,揀左一隻大既做晚餐,兩個人烚個菜食隻蝦加個湯已經好飽。我原隻蒸100度13分鐘,大隻真係冇得頂,啖啖肉啊~

 


2021年10月26日 星期二

杏仁咖啡曲奇

 之前整既biscotti 我喜歡配杯咖啡



今次整既咖啡味曲奇....  一於沖杯茶啦😁



2021年10月23日 星期六

蛋白糖 ~ Meringue ~ 馬令

上次出左蛋白糖既post 後,有些朋友問我可否分享食譜?



食譜是非常簡單:蛋白、糖、糖份都是1 : 1 : 1

朋友都是用這個份量但仍然失敗,等我分享自己既小小心得。

我列出幾點要注意既事項;

(1) 打蛋白既盤必須冇水冇油及乾淨

(2) 蛋白唔可以沾上蛋黃,否則會打唔起

(3) 蛋白要打到起勾

(4) 調色及唧花時都要手快

(5) 用低溫去焗及長時間去焗, (我自己用85度4D hot air 焗2-3小時,視乎大細)

有興趣既...加油~~

2021年10月20日 星期三

蛋白糖 ~ Meringue

 

早幾日在屋企整下蛋白糖,可能好小整所以效果未如理想。出爐之後左看右後都難以接受,最後只好往垃圾桶內。

 

雖然上次成品未如理想,但唧到最後時已經有所掌握,所以昨晚再試時已經控制到了,今次的紋路好清晰,秘訣就係手要定而且要快手。

 



蛋白糖真係好受小朋友歡迎,表妹個仔仔見到已經話要食,因為又靚又甜,哈哈!

2021年10月14日 星期四

Biscotti ~ 意式脆餅

 早上我再做了意式脆餅 - Biscotti!

係呀,係再做... 因為早幾日做了一次但效果唔太理想,研究問題所在後今早再做,滿意了。





Biscotti 的意思是要焗二次,所以入口很脆,放涼後我放入密實盒當作小吃,配上咖啡會更完美! 

芝士香草蒜蓉包

 八號風球不用返工,突如其來多了一天時間,什麼好呢?

 久違了的廚師機再次出動,記起幾年前朋友來我家教我做餐包,雖然好多做法都有點模糊,在外面狂風暴雨下大家都留在家中,所以whatassp 問功課真係好方便,最後包包出爐了,趕快手機先食... 之後就到我地吃了。


多謝朋友早幾天送給我的麵包食譜!

2021年10月10日 星期日

牛鰍魚、沙虫乾、豬展湯

老公買左三條牛鰍魚比我煲湯,佢話買時有位亞太同佢講,呢隻魚煲湯好甜,佢仲答人唔知,只識買!其實牛鰍魚具有高蛋白低脂,用來煲湯會很甜,而且補脾益氣,很合適身體虛弱人士飲用。我再加入沙虫乾等材料,個甜好甜好好飲!



 

材料:

准山 2

螺頭

沙虫乾 1

南北杏

茨實

牛鰍魚3

豬展1

陳皮1

2000ml

 

做法:
1. 南北杏、茨實浸洗

2. 螺頭浸軟去內臟

3. 沙蟲乾先用白鑊炒一陣,去頭及尾部,擦去沙再用水洗乾淨

4. 牛鰍魚洗乾淨,爆薑片後把魚煎好再入魚袋

5. 豬展

6. 陳皮浸軟用刀背去 

7. 所有食材煲滾再轉中小火煲2小時

 


八號風球下的酸種包

昨天掛了一整日八號風球,我又在家中做酸種包!  上次做的酸種包很成功,無論外貌及組織都很好,為了不知道是否"撞手神",所以昨天再試一次!


出爐了,証明我已掌握到😍



每次入爐都很緊張.... 等15分鐘打開蓋,笑了,成功了一半😁


再過八分鐘..... 靚呀😆








2021年10月5日 星期二

太郎居酒屋

公司對面開左間居酒屋,已經去了幾次。



我今日點了一客壽司八貫

份量看似很小,事實真的很飽!



因為除左壽司外,仲有一碗豚骨叉燒烏冬定食,烏冬好細滑。

另外蟹肉蟹膏軍艦,海謄軍艦及三文魚子軍艦也非常美味




138元一個餐,而且午餐不設加一服務費,非常抵食!

2021年10月4日 星期一

酸種包 ~ sourdough

 昨天非常開心,因為我終於整到一個滿意既酸種包!Yeah ~

 

記得打開焗爐一刻好緊張,當見到個包好圓而且高度充足,真係好感動,我終於得左喇!

 


第一步總算成, 跟住就係第二步睇包內組織!  當麵包放涼之後即時切開,哇~掂呀! 好多大大細細窿窿!

 


忍唔住即時同老公一人一片, 不得了! 皮脆而麵包好鬆軟,真係好好味!

 

原來整包可以咁滿足!

 

2021年10月3日 星期日

瑪德蓮貝殼蛋糕

 連續3日假期,我整左最近深受親朋好友喜歡既貝殼蛋糕!

 

一件小小蛋糕其實相當好味,我加了糖漬橙位,多點咬口感覺! 蛋糕質地濕潤軟棉棉而外皮脆邊。加上用了千代田貝殼模具,貝殼紋路清晰,每件蛋糕都見到肚臍








食材:

雞蛋2

上白糖40g

加拿大楓糖漿 8g

牛奶20g

麵粉100g

泡打粉optional

牛油100g

糖漬橙粒 隨意

 

做法:

1. 先把牛油座溶

2. 雞蛋打散後分2-3次加入糖打勻

3. 加拿大楓糖漿及牛奶

4. 加入已過粉及泡打粉

5. 加入牛油溶液

6. 最後加入糖漬橙粒

7. 麵糊要雪最少4小時

8. 預熱180度目測