2021年3月28日 星期日

炸銀鱈魚

見到朋友用炸銀鱈魚再配柚子汁,於是我都買左包天富羅粉去試下,平時我係唔炸食物,不過氣炸做唔到呢個效果,見到朋整得好吸引,只好炸!

 


我先把魚起骨切粒,用鹽//黑椒略醃,再開漿粉就炸,最後煮個柚子汁!

 

呢個煮法好味又開胃,唔駛成日用西京燒方😁

2021年3月19日 星期五

滑蛋菜脯

 

朋友自家制菜脯比我,晚上即時煮個簡易滑蛋菜脯,老公好鐘意食!

我見到好多人用菜脯煎蛋角,既然手上仲有菜脯,下次都用佢煎蛋角,感覺更香更惹味!

 



材料:

4隻雞蛋

適量菜脯

 

做法:

下油後把蛋漿落鍋,用推既煮法,就成為一碟滑蛋煮菜脯

 

2021年3月17日 星期三

陶婚很快樂

今日係陶婚結婚紀念日,九年時間真係過得太快,晚餐時老公很認真說:希望我地未來日子也是幸福美滿。



婚後再一次唱婚禮當晚:分分鐘需要你。

他比我拍下但嚴正聲明只可以給我獨家欣賞😂


2021年3月14日 星期日

羽衣甘藍蘋果汁

 

假期既早餐想健康小小,打左杯羽衣甘藍、蘋果汁。

 


依家打汁好多時都鐘意用羽衣甘藍,因為佢含有維、葉酸、維他命及鐵質,而且低卡路里,飲下肚的確健康! 加上蘋果本身既甜味,呢杯蔬果汁好好飲架!

2021年3月13日 星期六

愛上玩手指

 

昨晚老公happy Friday,我就收工獨自去行街,最終在美麗華Amor逗留了差不多2小時。 買了七支甲油送了一部燈機、二支掃及一支甲挫。

 

一直好鐘意修甲,有段時間更加鐘意gel 甲,因為好靚又唔易整花,唯一缺點是拆甲後,指甲變得軟弱冇力像大病一樣,實在不忍心遭質原本健康的指甲。

 

今次Amor 真係幫到我,就算拆甲也不需要用專用卸甲水及磨甲,再次燃起我對修甲玩意。 店中提供大量款及不同色系,真係花多眼亂,幸好店員一直提供意見我,我對佢地既貓眼gel 愛不 手,仲配埋支磁石捧



 

今日我抽了時間試下自己gel 甲:

(1)   首先修好指甲

(2)   用火酒潔淨指甲表面

(3)   先塗上底油後照燈60

(4)   塗上第一層甲油後照燈60

(5)   再塗上第二層甲油後再照燈60

(6)   最後塗上面油照燈二次,每次60

 

第一次整唔算雞手鴨腳,只是塗的唔好,當塗另一隻手已經有明顯改善,相信多做一定有改善! 我已經愛上玩手指!

 


2021年3月11日 星期四

Fissler 壓力煲

 

唔見左幾日,因為胃炎所以每日乖乖食粥水休息。

 

唔舒服時期岩岩係Fissler 在祟光做優惠,幸好老公幫手去買我想要既煲。坦白說,外貌不像LC Staub 吸引,但亦都相當靚仔!

 


今次個優惠好吸引,因為買一個6L壓力煲就附送1個細煲,而煲蓋適合用左2個煲,咁我大煲可以用來煲湯,細煲就用來炆餸,更重要可以省電/省煤氣,因為平時煮1小時,現在只需10分鐘!我平時煲湯2-3小時,即是用20-30分鐘就攪掂。職員更說煲豆類糖水不用浸豆,真係要快快試下!

 




店員教老公回去要先用潔而亮洗煲,之後再用洗潔精,最後用一煲水加醋或檸檬。

 

好快我地晚晚都有靚湯飲!