上兩次整既南瓜包唔係太滿意,於是走左去烘焙店買再大少少既麵包底托,入爐前唧完蛋槳叫自己一定要記住放上南瓜籽,效果真係比之前好左好多!
我信所有事都要有檢討先有進步,拎左今次同之前既比較:之前我係用300g 粉分成8份,麵包底托比較細,效果就有點似大人穿了小孩衫,好迫好飽滿。 今次我又好似過份保守,一樣是用300g 粉但分成9份,雖然唔係差,但又估計分8份應該會更好效果。
要有滿意既效果,必須付出時間及心機! 如果你鐘意我整既包,請等我下次既分享!
上兩次整既南瓜包唔係太滿意,於是走左去烘焙店買再大少少既麵包底托,入爐前唧完蛋槳叫自己一定要記住放上南瓜籽,效果真係比之前好左好多!
我信所有事都要有檢討先有進步,拎左今次同之前既比較:之前我係用300g 粉分成8份,麵包底托比較細,效果就有點似大人穿了小孩衫,好迫好飽滿。 今次我又好似過份保守,一樣是用300g 粉但分成9份,雖然唔係差,但又估計分8份應該會更好效果。
要有滿意既效果,必須付出時間及心機! 如果你鐘意我整既包,請等我下次既分享!
前陣子人氣麵包店 bakehouse 在尖沙咀開張了,雖然要排隊但我亦幫襯了好幾次,包括有牛角包、蛋撻、酸種包,真心好喜歡佢既酸種包,真係好好味!
今次收到同事送比我既牛肉撻同埋菠蘿包,返到屋企焗返熱佢,牛肉撻好好味,非常正!
最近好忙加上身體唔舒服,變成三餐外賣,遲下大把時間會再慢慢整多些包點同大家分享。
整左2次南瓜包,第一次做完發現完成品太大個,而最敗筆之處在於唧蛋槳。
於是我又再做第二次,今次分成份,亦好小心唧蛋槳,見到個包一路升上黎,好似好靚咁啊,仲有一分鐘就可以出爐,天啊~ 我發現包面忘了放上南瓜籽,太遲喇..... 已經放唔到落去喇 >__<!!”
疫情下日煮夜煮,只是身心疲勞加上懶打字,所以失蹤了幾日!
今日我煮左焗豬扒飯,以為碟頭飯好快,其實先要煮飯、再炒飯、半煎炸豬扒、煮好茄汁。話難唔難,話易都算係易,只是煮完好多碗碟要洗,幸好家中有個好幫手。
街坊送我一個百香果,屋企有青檸,梳打水,蜜糖等,今晚晚餐加杯百香果特飲!
材料:
百香果一個
梳打水 200ml
青檸半個
蜜糖適量
薄荷葉
冰
做法:
(1) 百香果一開二,取出果籽
(2) 加入梳打水,青檸,薄荷葉,蜜糖及冰
呢段時間想買心水野真係有難度,換個角度去諗,買到野食用品真係算幸福同感恩,有呢個信念可以令自己過得比較舒服。
既然買唔到黃咖哩,手上又有一包紅咖哩,都係咁煮啦,總之有乜煮乜啦!
雞翼
椰槳
水少許
薯仔一個
甘筍一條
洋蔥半個
魚露適量
糖適量
做法:
(1) 下油落紅咖哩醬之後加椰槳煮開
(2) 放雞翼煮好
(3) 再加已烚薯仔及甘筍炒勻
(4) 最後加入洋蔥
(5) 有需要時可加入清水煮約10分鐘
(6) 加入魚露及糖 (自行試味)
今早烘焙時,餘下蛋白所以我晚餐用佢煮左賽螃蟹。
雪柜仲有少少黑豚肉,買左2條玉子豆腐加蛋蒸左佢
另外再蒸條魚,二人晚餐好豐富。
**玉子豆腐蒸滑蛋配黑豚肉**
雞蛋2隻
水/高湯200ml
玉子豆腐2條
豚肉100g
做法:
(1) 豚肉醃好備用
(2) 蛋2隻 + 少許鹽 + 水/高湯 (我用瑤柱水+高湯)
(3) 玉子豆腐切件鋪在碟上
(4) 加入已過篩蛋槳
(5) 豚肉放在中間
(6) 100度蒸12分鐘
**賽螃蟹**
西蘭花
蛋白3隻
瑤柱浸軟撕成絲
牛奶40ml
鹽/粟粉/胡椒粉少許
做法:
1.西蘭花烚熟
2.蛋白+牛奶+瑤柱絲及調味快炒 (用推方法)
3.食時再加鎮江醋
**魚**
做法:
(1) 店主劏好後需再清洗用廚紙印乾
(2) 魚肚及底面放上蔥
(3) 100度9-10分鐘 (視乎魚大細)
(4) 取走蔥再放薑及蔥讚熟油再加蒸魚豉油
見到朋友仔整既扭紋包好吸引,所以我膽粗粗又試下, 第一次唔算扭得差,下次試下減低少少爐溫,為求更加完美!
材料:
1高筋麵粉 300g
2糖20g
3鹽 3g
4酵母4g
5雞蛋1隻 + 牛奶混合共200克
6無鹽牛油 20g
7無糖朱古力粉15g + 水30g攪勻
8入爐朱古力釘 隨意
9橙皮粒 隨意
做法:
1. 材料1-5放入廚師機用1度打1分鐘,之後轉3度打幾分鐘,最後加入材料6 打至麵團光滑及能拉出膜
2. 把已打好麵團分成2份,1份原味;另1份加份材料7
3. 一發時間在45-60分鐘
4. 將2個麵團再分為2份及排氣,滾圓靜置15分鐘
5. 每個麵團擀成長方形狀一樣尺吋
6. 白色麵團放最底,平均放上適量朱古力釘和橙粒,再叠上第2層朱古力麵團上面,重覆放上適量朱古力釘及橙皮,然後再叠上第3層白色麵團,重覆平均放上適量朱古力釘和橙粒,最後叠上第4層朱古力麵團,用棒轆長同闊
7. 分成6-8條長麵團,然後拉長少少,扭麵團2-4次變成扭紋及打結
8. 放上焗盤上,二發30分鐘,入爐前在包上篩上高粉
9. 180度15分鐘及170度10分鐘
溫馨提示:
打好的麵團理想溫度在23-26度
高筋用了日本流淚粉
每個爐溫不同,請目測