2013年6月27日 星期四

意大利菜之夜 – 意大利雜菜湯 / Ossobuco 米蘭燴牛膝

係時候要交下功課…..
煲這個意大利雜菜湯唔難,不過在準備食材要買不少不同食材,在屋企又刨又洗又切,之後每個食材分先後次序落,炒到軟身,紅酒及不同香草當然少不了,少一點時間心機都不可以呀!
 

但出來效果真係好好飲


Ossobuco 米蘭燴牛膝
這個燴牛膝超過好食!我特意去買了意大利雲吞,其實可以考量跟法包或薯蓉。

做法好簡單,準備不同食材如洋蔥、西芹、意大利甘筍等等…. 當然還有香草及牛油,煮呀煮,煮呀煮,之後入焗爐約 1.5小時之後再煮....... 最後加其他步驟即成。我買了意大利檸檬,煮好後曬上面.... 邊食帶有點檸檬香味。




 

檸檬太多,於是用來作檸樂,檸檬好香好醒神!


這餐味道好好... 又易煮, 煮完食完... 我覺得好滿足
 
 

2013年6月23日 星期日

碎朱古力曲奇 Chocolate Chips Cookies (附食譜及過程)

想做朱古力曲奇,在綱上見到有個 為食貓網站,原來有好多做甜品的食譜,搵左一個好易做的試下,這就是我的成品,賣相總叫不過不失吧!
 


 
食材:
牛油 100g
糖霜 75g
雞蛋 1
麵粉 150g
可可粉 2湯匙
碎朱古力粒 適量
少許



100g 牛油




之後加入糖霜,不小心量多了 1g

 

牛油及糖霜拌勻

 

之後加入雞蛋一隻



把雞蛋拌勻



麵粉、可可粉及鹽篩勻






 



所有材料拌勻






之後就把曲奇料滾成球狀,放上碎朱古力在表面,跟住輕輕壓成塊狀
預熱焗爐之後用 170度焗 20分鐘


好易做啊~~~星期日下午茶食件餅飲杯茶,都幾爽

2013年6月19日 星期三

Cooking class@Miele - 准杞日月魚燉湯 / 陳皮蟲草花蒸滑雞珍珠飯 / 鮮橙薑蜜甘筍拌珍珠帶子


這次是第二次上 Miele cooking class,而今次的 topic 養生食療系列,聽起來好似幾吸引。這一堂主要教煮三個菜式:

- 准杞日月魚燉湯

- 陳皮蟲草花蒸滑雞珍珠飯
- 鮮橙薑蜜甘筍拌珍珠帶子

 
首先要準備燉湯,這就是我的食譜!

 
 
日月魚是養顏明目的,可惜上完堂之後我連材料都未買過!

 
自食其果時間到,個湯好清,我即場飲晒,一滴不留!

 
 
湯在燉的時候,導師對淨肉及連骨的肉示範汆水,講解了: (1) 凍水落肉 (2) 水滾落肉 及不同的醃肉方法 (3) 新鮮生果汁 (4) 傳統醃肉,之後給我們品嚐看看分別。




 
第二個菜式是陳皮蟲草花蒸滑雞珍珠飯
 
塊果皮勁香!!!



用了日本珍珠米!上完這堂,覺得個 磨彊工具好幫到手,於是買了一個,可惜又是未用 @.@



 
好香~~


 
完成品,真係好香,塊果皮是靚貨!我即場吃了少許就包回家給吳生吃,他都說好好食!

 
第三個菜式是鮮橙薑蜜甘筍拌珍珠帶子

 
帶子好大好厚身,我好鐘意食的!

 
我麻麻地牛油,所以用了少許

 
出爐了,好食不過我覺得唔夠熱!好多學員都是反應唔夠熱,不過導師話唔會去到 100度咁熱。我食了一半,另一半打包給吳生吃,有好食的一齊分享。

 
 
上完第一堂的 cooking class 已想買 Miele 蒸爐,但自問甚少下煮,買了回來都未必常用,而且仲要佔了不少地方,之前我對自己說:一星期最少都要一天入廚房煮食,可是平時根本沒可能煮到,因收工回家太夜了。星期六日又好忙,到現在都未做到,所以我決定要放棄它!
不過~~~ 我要加油呀!我欠下太多功課了,係時間要盡快清一清!

2013年6月18日 星期二

新加坡 + 民丹島慶生之旅 – 牛車水 / 天天海南雞 / 胡振隆 / 烏節路 / TWG / 林志源

今日是最後一日在新加坡了,時間過得好快,不過玩得也實在好開心。早上先到酒店食早餐。





之後再回房間收好所有行李就出發去牛車水了,星期日的烏節路好多人,我們坐地鐵去到牛車水,好多人啊。原來牛車水好多紀念品賣。今早驚見之前買的一個磁石貼,原來貴了一個 double,幸好我們揀的款式這裡沒有,總算是一個安慰,而且只買一個,貴也有限錢!在這裡我們買了一些紀念品送給朋友。








去牛車水主要是去天天海南雞,blog 上好多指引,例如見到有間七彩寺廟的對面就是了,所以我們好易找到,沿途又見到一架觀光巴士,即是想起 London。不過我仍未坐過觀光巴士!



終於來到了,好多人排隊,我最憎排隊,所以我找位子坐下,吳生負責買食物,他本來提議買半隻雞,不過我見份量好多,而且剛剛才吃完早餐,我真的食不下了。所以要了個例牌海南雞飯算了。之後叫了一杯飲品. 忘了什麼名堂,不過幾好飲!



食到一半時,大件事~~外面打雷而且橫風橫雨. 我本來想去小印度同 bugis,等了半小時,雨就停下來,唔~~~~ 還是不要去小卯度吧. 萬一下大雨又要等而延誤時間就不好,始終今日要回香港。去玩唔係要睇自己去左幾多個景點,去到多也唔代替什麼,重點是要玩得開心同有個美麗回憶。所以我決定返去烏節路逛逛。

下完雨天氣變得好清涼好舒服,走前經過胡振隆,書有有介紹它的麻油好出名,我見有sample,一聞之下,正!好香!於是買了一支!另外再買了些蝦米條,好好食。

旁邊是馮滿記,好出名賣藥油的!

先回酒店放下一堆手信及梳洗完就去旁邊的 shopping mall,第一件事就是去了 TWG,正!!有人排隊飲 tea,哎呀 我都好想但沒太多時間排了,回香港先再去吧。

之後去 Topshop 睇下,雖然香港都開了,不過都要去看一看!

跟住就是去了林志源買豬/牛肉乾、蝦米條等等……

走前當然要吃個喇沙.. 非常好味!

見到 awfully chocolate,雖然香港有,但眼前就有又豈能錯過呢?!食完大滿足,之後就返酒店 check out 走人了。


去到機場就先去拿我訂了的班蘭蛋糕,買了五盒,絕對美味!今次預早了時間,所以去到機場仲可以行下睇下.. 不過無收獲。

航班好準時.  再見了新加坡!再見了民丹島!