2022年5月29日 星期日

BioNTech 第三針

 昨天接種了第三針,我身邊好多朋友也話第三針反應好大,例如累到需要睡一整天又或者發燒等等!



回想起三針的反應:

第一針:第二日隻手完全無法舉起,手有點痛,沒有發燒!

第二針:接種完針口即時已經痛,第二天手可以舉起,不過手整了一整天,沒有發燒。

第三針:接種完手有點痛,今日手可以舉起少少,但手就非常痛,痛了一整天也未痛完 >_<


希望疫情快點完結呢句說話已經講左兩年多,但都希望呢日快點來臨,唔好再有更毒既變種!

2022年5月24日 星期二

生日晚餐 @ 金鐘夜上海

收工去太古廣場 吃上海菜,懷念一下當年我地拍拖撐抬腳既地方。今我地無揀套餐,因為單點可以叫晒自己最想食既野!

 

鎮江肴肉 - 每次必叫,因為我真係好鐘意食,而呢度亦做得好好味!



松子魚 - 呢個又係我至愛,自己唔會係屋企整呢條魚,冇功力而且唔識呀!



脆皮炸子雞 - 見到有人大讚所以我就叫左半隻,不得了,呢隻雞超級好味,皮脆肉滑... 超掂!!!



小籠包 - 好有水準



高力香蕉豆沙 - 又係好味呀,豆沙唔甜香蕉又香!

 


所有食物吃清光,邊食邊傾... 今年平平淡淡過了一個溫馨生日!





我信上天會安排最好的給我

 今日係我既生日,不過我要返新工啊!

 


本來老公已經安排好今日既節目,因為我要返新工所以一一取消,他急忙走去買蛋糕,平時一定係揀朱古力味既我,今年要有所改變,所以揀左柚子香橙香芒蛋糕!

 

至於我點解有工唔做,在市道唔好之時走去裸辭? 因我家中有些事,再加上工作唔開心,所以我在老公支持下就辭職了。

 

近年好多事發生亦有很大轉變,一向都知道計劃趕不上變化,我認為做人要開心,當然亦要注意身體健康,我要做一個健康又開心既人,其他事對我已經不再重要!


2022年5月22日 星期日

中式下午茶@張公館

見到張公館有二人下午茶,優惠價$398 2位用另加一,想訂星期五竟然無位,所以訂左星期六同老公撐枱腳!

 


飲品方面我地要了茶 / 鮮橙汁及咖啡

 

第一道上既係雜果火箭菜沙律及蟹籽鰹魚汁冷麵,我本身唔太鐘意食冷麵,但呢個麵我覺得好好味!

 


原隻鮑魚酥/蝦餃/燒賣/小籠包有水準

 






魚子醬滷水流心蛋,見到個樣有點失望,都唔流心既? 幸好食入口又幾好味,滷水得入晒味!

 


蝦多士/炸春卷,我在外面係第一次食蝦多士,原來咁好味! 春卷又係好味,炸得好脆!

 



紫薯牡丹酥/芒果糯米糍係21,老公話芒果糯米糍成日都有得食,不如試下紫薯牡丹酥,呢個我覺得唔好食!

 


酥皮咖哩酥,唔酥之外仲好難食呀 >__<!!全個餐呢個係唯一既難食!

 

豬仔出浴奶凍/桂花五色糕,個豬仔奶凍好得意,話明出浴,所以用左個浴缸裝住隻豬, so cute 哈哈!  我唔食奶凍所以唔知好唔好味,但個桂花五色糕幾好,而且唔甜!

 



西式 tea set 食得食,中式tea set 都係第一次食,幾有新鮮感,當日陰天否則對住維港景色更正!



2022年5月15日 星期日

椰菜炒豬肉

 好耐無買椰菜,見到個椰菜幾靚,買時諗到住煮大板燒,最後貪快炒左佢黎食就算!😂

 


食材及調味:

椰菜1

免治豬肉

指天椒1(可不加)

醃肉:頭抽//生粉/胡椒粉/麻油

 

做法:

(1) 下油把豬肉煮至7-8成熟備用

(2) 椰菜快炒,喜歡可以加指天椒

(3) 豬肉回鍋

(4) 最後加點頭抽//

2022年5月13日 星期五

日月魚紅蘿蔔粟米螺頭湯

 成個月無飲過湯水,打開雪柜睇下有乜存貨,日月魚仲有存貨... 咁煲日月魚湯啦!

 

日月魚有明目、補腎益肝,又養顏,所以雪柜必備! 老公鐘意食粟米,加入粟米既湯會更甜,而且又含蛋白質! 螺頭我用左細細隻有蓋個款,因為易出味,個蓋亦可以防耳鳴,岩晒本身有耳水不平衡既我!

 


材料:

日月魚4

粟米1

紅蘿蔔1

螺頭

陳皮

瘦肉

1500ml

 

做法:

(1) 陳皮浸軟去 備用

(2) 瘦肉飛水

(3) 日月魚清洗乾淨

(4) 螺頭浸軟略飛水

(5) 所有材料加水煲大滾,轉中小火煲1.5-2小時

 


2022年5月12日 星期四

我回來喇~~

旅程已經結束,一個月不用工作又食又玩又開心,在沒有煩惱沒有壓力下,整個人都心廣體胖了!  其實好多時都聽到身邊人話要節食要減肥,我自己就覺得肥瘦都冇所謂,最重要都係健康! 



吃了一個月西餐,第一餐一定係煮個中菜喇,之前買了一包細冬菇,浸軟之後炆左佢,加生菜清清地幾好味!



2022年5月9日 星期一

葡萄牙玩乜野?? 我的手作 ~ 瓷磚工作坊

 葡萄牙瓷磚又靚又出名,今趟行程我參加左一個瓷磚工作坊。  

 




未到教室前,我一心打算只是玩下油色而已,但去到工作坊時我見到好多靚靚作品,我問導師我從未做過,我有冇機會都做到? 老師表示冇問題,一定得!  於是揀左其中一個學生作品做sample。  一來覺得作品好靚;二來朵花係不規則,我整得唔好都唔太覺眼!

 








為左整呢朵花,我去左四次教室:

第一次:

先做花形,開始時用rolling pin 碌平材料再裁花瓣,此步驟我用了二小時

第二次:

由於要幾日時間才乾透,老師叫我再去看吹乾後樣貌

第三次:

上色,我油了一小時,之後老師就要入爐

第四次:

當時是最期待的日子,就是取成品了

 

整個過程好開心,老師還問我真的第一次參加? 課堂上經常講鼓勵說話!  取作品那天見到我即時拎朵花出來,問我滿意嗎? 是否覺得好靚?

我真係覺得靚架.... 我好用心去做架!