2022年4月28日 星期四

自家煮 @ 葡萄牙 apartment

今次旅程比較長,所以中段book apartment,需要時在廚房煮下野食。

 

早餐 ~ 跟在香港整既差不多,都是沙律菜、車里茄、鷹咀豆、紅腰豆等等。 呢度既蘑菇唔貴,所以買左盒煮下意粉或加去早餐,好鬼香!

 




晚餐煮過煮豬、雞、當然仲有主打既海鮮!

 

豬:黑毛豬緊係好味,價錢有平有貴,而且選擇又多。煎前只需用少少鹽及黑胡椒,沙律菜做伴碟,見到張相就知道掂。

 


雞: 在漁市場買左雞全翼,買左當地既醬汁加黑胡椒及蒜蓉去醃,坦白講好耐冇煎過雞翼,在家都是用氣炸鍋或焗爐。 之後唔想慢慢煎,把雞翼索性剪開,原因唔駛慢慢煎同快熟,快快趣煎完就食得! 雞肉好滑,不過雞皮好肥,我自己就唔太鐘意!

 



聖子:見到漁市場既聖子好新鮮,如在香港買聖子,街市職員會幫手劏好,在外國就冇呢支歌仔唱,貪食就要自己動手,幸好我自備刀而且刀夠鋒利,所以好快劏好。 因手上調味料有限,所以我爆香蒜蓉洋蔥再炒聖子,最後加點紅椒,令整碟食物夠香又好睇。 其實個聖子好鮮,我估亂炒都會好好味。

 


&翡翠螺:呢兩樣在超市買現成,個蝦好有驚喜,我地2個超級喜歡; 翡翠螺好味不在話下,最抵死仲要好平,攪到老公成日話要買呢兩樣當晚餐。

 



青口:見到新鮮青口於是買左一pack,都係用牛油蒜蓉洋蔥去煮,我仲買左支綠酒去煮,因為酒味比較 fresh,如果有香草就更加好,不過我冇專登走去買,結果係點?緊係好好味啦.....  青口已經有海水味,什麼調味都唔駛落已經夠晒味!

 





蜆:上篇已經講左葡國既蜆係好好味,而我就一定冇可能煮到人地咁,我又係用蒜蓉去炒,當然用埋手上支綠酒,不過記緊加牛油同檸檬汁,好好味架。

 



睇完野我講既,最後結論都係一句:好好味呀 自己都忍唔住笑!



reference : 

#黑毛豬

#雞全翼

#聖子 ##翡翠螺 #酒炒青口 #檸檬炒蜆

2022年4月24日 星期日

Cervejaria Ramiro

 無見大家兩星期,因為家中有點事要處理,處理完之後就去了渡假!

 

我依家身在葡萄牙已經個多星期,到步第一件事就係去吃海鮮,葡萄牙係沿海國家,所以佢既海鮮無得輸!

 

我揀左當地好出名既一間餐廳,店名係 Cervejaria Ramiro,如果大家會去葡萄牙記得要試呢間,因為真係太太太好味!  呢間平時都好多人,加上復活節假期,我地2個未夠六點到餐廳也要等左差不多一小時!

 


坐下職員給我一個平板電腦點菜,我地點左**麵包;蜆;紅蝦同蟹**!  價錢係以kg計算。 職員問我要幾多kg? 其實我都唔知要幾多好,於是話佢知道我地2個人食,叫佢幫我地預份量!

 

先來一份烤麵包,原來麵包可以好味到一個點!表面烤到有點黃金色,而包上有一層牛油,雖然我唔鐘意吃牛油,但真係好香好脆,我地2個一件又一件吃下肚,太美味了!

 


葡國蜆一向出名,所以呢味都係必選之一,每隻蜆肉質非常鮮味同飽滿,用上蒜、白酒等去煮,好味得食!

 


蟹當然唔可以放過,店員會提供2隻小匙,因為蟹蓋有滿滿蟹膏,我先吃一小口,不... ....... 了,好味到震呀!蟹鉗既肉好大好肥美..... 頂級好味!

 



另外一樣一定要點就係紅蝦,單價是EUR90.64/kg,不過一定比香港抵食,我叫左一人一隻,哇~~ 每隻大到呢! 蝦頭內面既蝦腦係人間極品,而蝦肉好彈牙,總之好味到難以形容,我地每人一隻大紅蝦,吃完覺得無比滿足!



2022年4月9日 星期六

冷冷清清的香港機會

 從來未見過香港機場如此冷清,辦理完登機手續就過關,完全忘了六點後無堂食,幸好莆田有開,趕快吃完晚餐便等上機





錫婚之旅出發了😛


2022年4月5日 星期二

香橙朱古力紐紋包

 真係懷疑自己係妹仔命,假期都係六點幾就起身

冇所事事於是又開廚師機整包

老公一起身就可以飲杯茶食個包

 


reference :   bosch廚師機 / 西門子焗爐

2022年4月4日 星期一

磁力共振 MRI

之前左腳痛同間中有腫,睇咗專科就去咗照磁力共振,原來左腳半月板有裂再加上有一個4cm水泡!



之後朋友介紹去做下物理治療,年多後我又去照MRI ,今次醫生提議兩隻腳都照下睇下個比較!


上星期四下午去照,今日有報告了。原本左腳4cm水泡細左,其他對比年多前都好左!


但原來右腳都有水泡😱 而且半月板也有撕裂🥴 只係我冇痛☺️


唔係醫生提議照下,根本唔會知道情況,依家可以做既:


1做手術

2食supplements 

3打透明質酸

4唔理佢


我同醫生講左,現階段我係唔會做手術,至於其他嘅,我返屋企諗諗先再作決定!

2022年4月3日 星期日

煎馬蹄豬肉餅

煎豬肉餅又唔想啖啖肉,加左老公鐘意食既馬蹄及粟米,粟米甜甜地、馬蹄又爽口,整體感覺唔錯!

 


材料:

免治豬肉300g

馬蹄5

粟米 3湯匙

 

醃料:

頭抽 / 胡椒粉 / / 生粉 /

 

做法:

(1) 加所有醃料 (最少幾小時)

(2)用筷子向同一方搞至起膠

(3)熱鍋下油煎到金黃色即可

 


2022年4月1日 星期五

玉子豆腐蒸滑蛋配大蝦干

早前煮左個玉子豆腐蒸滑蛋配黑豚肉,我地覺得好好味,今次再encore ,但就把黑豚肉轉為蝦干,非常美味。

 


雞蛋2

/高湯200ml

玉子豆腐1

蝦干6

 

做法:

(1) 2+ 少許鹽 + /高湯

(2) 玉子豆腐切件鋪在碟上

(3) 加入已過篩蛋槳

(4) 最後放上已浸好蝦干

(5) 100度蒸12分鐘

德島阿波尾雞扒 ~ 照燒雞扒

德島阿波尾雞好出名,由於係走地雞有足夠運動量,所以肉質有彈性、嫩滑及肉味香濃,更吸引係脂肪含量低而且不含抗生素,天然又健康!

 

今晚煮照燒雞,醃法跟平時無異,只是加上朋友力薦 柚子胡椒 跟雞好夾好好味!

 


食材:

雞扒2

 

醃料:

醬油

味琳

日本料理酒

柚子胡椒

 

做法:

(1) 洗乾淨雞扒,廚紙印乾

(2) 調味料醃幾小時或過夜

(3) 熱鑊下油把雞扒煎至金黃色