2022年2月28日 星期一

酸種包

 講從來冇學過整包,不過見到個包好靚好吸引,所以我就報名了。

 上堂2人共用一部廚師機,即時打聽下身邊位同學仔有冇做包經驗? 原來佢成日都整包,所以我也請她多多關照!  在老師及同學仔協助下,我的包包出來效果也不錯。

 

原來做包都幾好玩,而且冇整蛋糕咁多牛油及糖。 之後我跟朋友仔在外邊不停上堂,一堂... 一堂.... 又一堂,週末有時間就即刻做包!

 

做包期間,我試過四隻粉,包括Super King / 金帆船 / 春之戀 / Pioneer

我自己最鐘意係用Super King 及 金帆船,Pioneer 也不錯!春之戀我覺得用在整普通包比較好。

 

最近我改用低發整酸種包,原因想証實低發係咪會更好,不斷努力學習及研究,呢個係我第15個酸種包,亦係我最鐘意既一個,大家鐘意嗎?

 





2022年2月27日 星期日

燴牛膝 ossobucco

今日假期有自己時間,晚餐我煮左個西餐,牛膝!

osso 是指骨頭, buco 是洞的意思, 呢個菜主角唔係骨頭上既肉, 而是洞內骨髓







 

材料:

牛膝2

麵粉

白酒

高湯

西芹

甘筍

洋蔥

茄膏

香草

 

做法:

(1) 牛滕洗乾淨用廚紙印乾

(2) 熱鍋下油(牛膝上薄薄鋪上麵粉)大火封煎牛膝後備用

(3) 原鍋將洋蔥炒軟,牛膝回鍋並加入白酒

(4) 酒揮發後加入甘筍,西芹及高湯煮滾

(5) 預熱焗爐1602小時

(6) 出爐加茄膏香草 (檸檬皮) 煮至收汁

 

薯蓉做法:

薯仔1

牛奶適量

/黑椒

(1) 先蒸薯仔

(2) 壓爛薯仔邊煮邊加牛奶

(3) 最後加鹽及黑椒

 


新手整包 (三色吐司)

上星期日朋友整好三色吐司比我睇,我覺得好靚! 佢叫我都整下,仲比左個食譜我,但我從來無整過吐司。當晚見到另一個朋友仔在FB 分享佢整既吐司,佢話一整就愛上左! 攪到我即時在網上搵下吐司模,我要求係要買淺井,因為戚風蛋糕都係用佢,我覺得好好用。搵到一間即時留言,店主好快回覆有貨,我付款後店主即日寄貨,第二日已經收到了,速度非常之快。

 

今日同個模剪綵,我跟店主指示:

(1) 先洗乾淨模印乾水再入焗爐170度焗20分鐘

(2) 之後再掃油200度焗10分鐘 (重覆3)

 

準備好模之後就係整包了,其實吐司都未整過,仲要挑戰三色? 想了又想,最後決定嘗試,如失敗便在錯誤中成長及學習!

 

材料:

流淚粉 / 原糖 / / 酵母 / / 牛奶 / 牛油 / 紫薯粉 / 五十鈴

 

我用廚師機打好麵團,完成一發一小時,之後把三色麵團卷好再二發45分鐘就入爐,焗到一半時好失望,好明顯我卷得唔好,所以見到爆口,切開睇睇又未至於太差,下次有信心再做更好!

 











明天早餐:三色吐司

 

Reference :    流淚粉 /   富澤紫薯粉  /   小山圓五十鈴

2022年2月25日 星期五

黑豚無骨豬扒

買左一包Batalle 黑豚無骨豬扒,我平時煮法會落鹽/黑椒/新鮮百里香,不過我今次用左媽咪原用既醃法,只是將酒改用玫瑰露酒,我覺得簡單又好味!

以前煮食為興趣而煮,依家疫情日煮夜煮,煮到懷疑人生 @@ 都係愈簡單愈好!




 

材料:

豬扒四件 (一包四件)

 

醃料:

頭抽 / 老抽 / 胡椒粉 / / 玫瑰露酒 / 蒜蓉

 

做法:

(1) 洗乾淨用廚紙印乾

(2) 加所有醃料 (幾小時/過夜更好)

(3) 熱鍋下油煎好即可

 

Reference : 永利威玫瑰露酒   /   黑豚無骨豬扒

2022年2月22日 星期二

南乳豬肋條

仲有半包西班牙黑豚豬肋條,最後用南乳去醃,覺得會香口同惹味! 配一碟油菜及一碗淮山麵,簡單既一餐!

 


材料:

豬肋條半包

醃料:

南乳

蒜蓉

頭抽及老抽少許

玫瑰露酒

 

 

做法:

(1)豬助條洗乾淨用廚紙印乾

(2)將豬肋條醃數小時或過夜

(3)熱鍋下油,把豬肋條煎至黃金色即成

合桃提子朱古力包

 咁凍天氣整包的確有點難度,既然開晒暖氣,就將佢放近暖爐...

坦白講,摺完三次都覺得同平時有些分別,出爐後個包形狀唔差



切開之後完全可以接受!


為左食早餐,幾凍都要整😁

 


2022年2月20日 星期日

橙粒合桃麥包

 今日真係好凍,沙田早上得七度!大家記住著多件衫保溫!

 

咁凍既天氣最岩係被竇但我習慣早起,於是整定包包等老公起身食!

 

包包差唔多出爐老公就起身,真係有食神!  




 

凍冰冰既天氣最岩打邊爐,今晚打邊爐又暖又方便!

 

reference :   春之戀 /   昭和幼粒全麥粉

黑醋豬肋條

買左一包西班牙黑豚豬肋條,本來打算一半用鎮江醋醃煮;另一半用椒鹽! 原來屋企鎮江醋已用完,見到有枝意大利黑醋,改為煮黑醋豬肋條

 


材料:

豬肋條半包

醃料:

意大利黑醋

頭抽及老抽

玫瑰露酒

 

做法:

(1)豬肋條洗乾淨用廚紙印乾

(2)醃料將豬肋條醃過夜更好

(3)熱鍋下油,把豬肋條煎好加少許水後上蓋,轉慢火煮數分鐘

2022年2月19日 星期六

終於上車喇~ 學車日

 終於到了學車日,為什麼話終於? 因為我是去年初報名的,由於疫情關係,好多野都一延再延....  一年多後終於上車了。



老師先開車邊行邊講解,看得出老師好細心而且很有耐性,之後就交比我,我坐上司機位好緊張,楂到個太盤好緊好緊,老師都看得出來!  


我每次上兩節,每節45分鐘所以兩節個半鐘比較合適! 我問老師我表現是否很不理想?老師好鼓勵話唔係差,仲話好多學員上完兩節都不能上斜落車,遇到咁既老師真係太好,太嚴厲我會更加緊張更加冇自信!


今日天氣不好一時大雨一時毛毛雨,當比自己一些訓練及挑戰!我要努力啊!