2021年7月27日 星期二

抹茶戚風

 昨晚整好的戚風,老公拎返公司,他的回應是蛋糕太細而同事太多,佢自己都冇食而留比同事試下!

 








今晚我又再整戚風,味道係抹茶!以往我一直用雙手去甩模,而今次我試用刀.... 我覺得用刀出來效果唔靚 >__< !!  唔計外觀,其實都係好味好軟綿綿,切件之後再包裝好,今次到我分比某某試味!

 


2021年7月26日 星期一

原味戚風蛋糕

今日收工趕回屋企快快煮晚餐,因為要睇奧運!

在螢光幕睇住張家朗拎左金牌,過程睇得好緊張,恭喜再恭喜,為香港爭取光榮!

之後我就整戚風,今次都係整原味.... 甩模之後包好就同老公講,你拎返公司請同事食啦! 佢好驚訝問... ... 原來比我架?






屋企得2個人,唔係你就係我,我只係鐘意整下... 你的同事有口福啦!

 


2021年7月20日 星期二

香辣菜甫

 同事買左幾條蘿蔔乾比我,我用佢整左菜甫!

其實我從來冇食過菜甫,之前有朋友送左一樽比我,見到老公都鐘意食,所以今次自己試下整!



我既材料有蒜泥、乾蔥、蝦干、乾瑤柱、指天椒及蘿蔔乾!

我見好多人用櫻花蝦或者蝦米,而我早兩星期去流浮山食海鮮時買了一些蝦干,所以用佢黎煮!至於乾瑤柱就係自己喜歡所以加左一點!

 


2021年7月14日 星期三

健康早餐 / 九層塔炒花甲

 比大家睇下我今日既早餐,又靚又健康!



晚餐一般都會煮二至三個餸,其中一樣一定是菜!

今晚入門口見到花甲同我打招呼,老公話見到幾靚而我地已經好耐冇食過,於是買左一斤!咁我用九層塔去炒,又香又鮮甜!




 

材料:

花甲

蒜頭

乾蔥

九層塔

指天椒

頭抽

老抽

 

做法:

(1) 花甲先吐沙

(2) 爆香蒜片及乾蔥再加入花甲

(3) 加九層塔及指天椒

(4) 最後加入調味

 


2021年7月12日 星期一

焙茶戚風蛋糕

 今日買了日本蛋及焙茶,主要用來整戚風蛋糕!


我用
10cm14cm模焗出一大一細蛋糕,好順利甩模,而且好靚啊! Yeah ~😆


即是包好一個送左比人啊✌




2021年7月6日 星期二

橘子瑪德蓮

 又是瑪德蓮啊!

 








為什麼又是瑪德蓮?主要見到老公同事很欣賞,大家還問在那間店買!

就是這樣,給我動力再作嘗試。

今晚出爐是橘子味道,我同老公都覺得好吃,他還急不及待說明天拿回公司,看來下次要多焗一點!

 


2021年7月2日 星期五

Madeleines ~ 瑪德蓮蛋糕

 昨日除了整左 Tuna Tataki 外,我仲整左 Madeleines

早上先打好蛋糊後就放入雪柜,因為整瑪德蓮蛋糊最少要雪幾小時,晚上吃完飯後就入爐,見到蛋糕慢慢升起,有肚臍啊,好靚呀 ^^ 



出爐前已經聞到香噴噴,我同老公試食滿意後



餘下的蛋糕我就包裝好等老公請同事吃,他表示同事都很欣賞我的蛋糕仔。



2021年7月1日 星期四

Tuna Tataki

一直都好想整Tuna Tataki,只係一直未買吞拿魚,今日假期終於可以整喇,其實呢味菜又簡單又好味,最重要老公未食過,因為我係第一次煮,大家都覺得有新鮮感😂!




家用美容機 ~ attibe ~ ULTRALiF3

 

年半前買左一部韓國attibe家用Hifu 機,用了一次就放埋一邊,最近突然想再用,一開機就出現 error,當時真係晴天霹靂,一次報銷了?


 
即時在facebook pm 香港代理,佢地好快回應我問題,仲叫我拎機待檢查是否可以維修。 結果不用一星期就維修好,維修費160元仲送了一支gel 比我。 最重要係再教我一次點用部機!  職員好耐心教我又比我自己再試做一次,真係好多謝你既細心及耐性!

 





之後仲介紹有部破壁機比我,我都好有興趣,有四個mode,精華素或cream等塗於面上再導入去,好似幾方便,我問了價錢佢仲叫我出去買,因為多點優惠!

 先用下部家用hifu 機先,破壁機再研究下