2022年12月24日 星期六

朱古力牛角窩夫

朋友知道我有Vitantonio ,於是送上一袋牛角包,稱用V機可做出美味牛角窩夫。

聖誕節甜品不能少,吃甜品給人開心感覺,於是用V機做了一客朱古力牛角窩夫!

大家聖誕快樂😁

 



2022年12月17日 星期六

打咭一流 @ JAJA

 聖誕快到,於是搵左個靚靚地方跟同事食個 lunch for xmas

JAJA 一向都係岩晒打咭, 地方好靚, 食物都唔錯, 而且好少地方西餐素食 




平日有set lunch 有頭盤或餐湯/主菜/飲品, 而甜品也只是加28元, 好抵


呢個沙律係頭盤份量非常足,好味

甘旬湯好味


意粉唔錯

黑松露超香,個薄餅好好味


甜品都幾精緻, 28元抵加啊






同事食完都話又靚又好味,預祝聖誕快樂

2022年12月12日 星期一

戚風模焗麵包

用戚風模不一定是焗戚風蛋糕

今次我做了色彩繽紛麵包

原味外還有可可粉、南瓜粉;紅菜頭粉及五十鈴粉

 


reference : 戚風模10CM

2022年12月8日 星期四

STOLLEN

好快又到我最愛聖誕節,今年學整來自德國出名STOLLEN😍


呢款聖誕甜品,麵團加入大量酒漬水果及堅果,玉桂粉及豆蔻是靈魂所在,缺一不可!傳統STOLLEN 超甜,改良後則香甜,肯定一吃愛上外仲食到停唔到口


預祝大家聖誕快樂



2022年11月30日 星期三

朱古力 muffin

Muffin 做法算簡單,如果要求高則要看看出來效果是否升得夠高及夠靚。
我試了不同做法,今次終於見得人😁




2022年11月20日 星期日

紫薯紅莓曲奇


好快又到聖誕,去年我焗左好多曲奇送比朋友
今年唔想又再同款同味,於是攪攪新口味
試左紫薯紅莓曲奇
老公話唔錯幾得意
呢個反應即是我仍需努力😁




 

2022年11月19日 星期六

seafood vol au vent @ 藍帶國際學院

藍帶國際學院 11月在香港 K11 Musea Gentry Club 舉行了cooking workshop
喜歡煮食既我錯過了2019年機會,今次報了2個課程
星期三晚已完成了seafood vol au vent
雖然只是一個 cooking workshop
但已經超級開心及興奮






 

2022年11月13日 星期日

姪仔生日快樂

 昨日提早慶祝姪仔生日😊

姪仔同我一樣係朱古力迷😄

所以我整左一個朱古力蛋糕比佢☺️




蛋白糖於星期五晚準備,我習慣晚上用低温焗三小時,第二天早上收成。三小時完成不立刻取出,利用焗爐餘温盡量把水份抽乾,蛋白糖脆卜卜😋

星期六早上焗蛋糕🎂放涼再打好朱古力醬,在蛋糕上唧花,我覺得自己唧得好靚 😂最後放上糖白糖



話明生日,緊係有生日牌啦😄 姪仔揀左金色,插上去蛋糕更加似街買🤣

我覺得個蛋糕好靚架,搞到自己都好滿足😂😂

2022年11月4日 星期五

再黎~~ 麵匠風龍

上次吃過蝦味噌拉麵真係好好食,今次去試埋個豚骨湯拉麵,小食打算吃芥末蝦沙律😁

今次好好運,雖然都係一個人去食會比較易搵位,但竟然完全唔駛等位就直入喇,唔知咩事今日竟然唔需要排隊丫!

我坐下就點豚骨湯拉麵及芥末蝦沙律,好可惜芥末蝦沙律冇貨,唯有試下食餃子啦

雖然話係小食,不過都有四隻餃子咁多,味道不錯,只是相比小龍蝦籽沙律就冇咁吸引

至於個麵其實真係唔錯,個湯底好滑,而且唔肥膩,真係不錯不錯,唐心蛋好有水準,真係好好味架!

 

2款麵已經試過了,以後再黎我只會吃蝦味啊,因為真係太好味!












2022年10月30日 星期日

Shake Shack @ 新城市

去完海洋公園後,坐車返到沙田見到 Shake Shack ,我地2個睇完menu 都覺得可以一試!

我揀左GCJ Chicken ($63),老公揀左Smoke($65),另再要一份薯條($28)及朱古力奶昔($42)

我件雞好脆雞肉好滑,老公件牛好好味,真係有牛味架。

薯條都係岩岩炸出黎,又熱又脆丫

我本身係好鐘意朱古力奶昔,呢杯係好味,如果朱古力味可以再濃少少就更加好。

其實呢個晚餐的確幾邪惡,偶然吃一次還可😆






2022年10月22日 星期六

麵匠風龍

以前在尖沙咀返工真係好多美食,依家在灣仔返工搵食難,一來超人多,二來都唔識門路,唯有上網搵下資料,今次搵到間好評既日本麵,於是我又走去試下。

去到門口見好多人排隊,不過我已經有晒心理準備,由於我一個人,所以不用五分鐘就有位!

店內座位唔多,所有都係bar table,店內只提供2款拉麵:
(1)豚骨湯拉麵
(2)蝦味噌拉麵
另外再小食提供,三揀一:
(1)餃子
(2)芥末蝦沙律
(3)小龍蝦蟹籽沙律

我揀左蝦味噌拉麵配小龍蝦蟹籽沙律

蝦味噌拉麵配上兩件叉燒,叉燒好香而且肥瘦好平均,讚!


蝦湯底好香蝦味,流心蛋超好味,估唔到連粟米都好新鮮超甜


小龍蝦蟹籽沙律用左紫菜墊底,上面仲有櫻花蝦,整體有層次感又好好味



雖然只是一間小店,但感受到廚師認真去做好每份食物,從此我又多一個地方吃午餐

 

2022年10月15日 星期六

下午茶時間 ~ 波菜雞肉批

我都幾鐘意食批,成日在外面買黎食,倒不如自己學下整啦!
週末假期,飲杯茶食件批😋



2022年10月8日 星期六

東方素

有同事是素食者,所以同佢吃飯必須要揀素,幸好灣仔都幾多選擇,佢揀左間叫東方素,主因由公司行過去唔算好遠,網上評價唔錯而且性價比高

 

招牌蜜絲骨

呢個係用猴頭菇炸,再加上酸甜醬汁,好味好開胃



茄子豆腐煲

好惹味,唔錯啊




脆鱔

唔係卜卜脆,同食開某間好大分別,但呢碟好重菇味,愈食愈好味





腰果合桃露

呢個甜品失色左小小,唔夠香同甜左少少







整體算唔錯,下次可以再encore ~


2022年10月4日 星期二

紫薯酸種包

好耐冇分享食物相片,其實我一直頻密焗蛋糕及麵包,試用不同方法及不同口味去練習,完全無愉懶!

 

回想當初下決心去學酸種包,最大原因是成品好靚。一個靚字,吸引我一直不停學習、不停實習!

 

今個假期我除左實習上堂麵包外,亦膽粗粗運用平時學回來知識再研究新口味,最後用紫薯做了一個酸種包,雖然仍有很多進步空間,但自學算是合格有餘,而且很有滿足感。