2021年12月31日 星期五

2021年12月30日 星期四

蝴蝶酥

曾經老公講過呢個蝴蝶酥好好味。

仲叫我唔駛花時間去整其他野,只用心整好呢個已經很足夠。



2021年去到尾聲,送上我既愛心蝴蝶酥!

2021年12月28日 星期二

酸種包 ~ 藍莓合桃 & 紅莓合桃

話咁快聖誕假期完結了😆,即是我要準備今個星期既早餐,做一個酸種包真係幾長時間,今次打孖上😂,一個藍莓合桃及一個紅莓合桃!收拾心情明天準時返工!

















2021年12月24日 星期五

聖誕節 2021

 今個聖誕整左好多禮物包,比老公拎返公司做聖誕老人,佢話我知個個同事收到都好開心!



另外我也準備了一些給好朋友,所以呢幾晚非常忙碌,又要焗又要包裝等等,幸好家中有個小助手幫忙,一切都可以及時完成!



第一年整既 Panettone



祝大家聖誕快樂😁💖

2021年12月19日 星期日

聖誕假期前忙到甩碌

假期日、烘焙日!

聖誕係我最愛既節日,呢個假期忙到甩碌!

首先一定要整麵包,因為我唔想老公在外面買麵包,所以我會自家制愛心麵包!今次在都麵包上界了一塊小葉,對於整包新手既我,做到咁既作品已經開心左成日喇!


  

已經有3年冇整合桃南棗糕,好味不過好大工程..... 買料同準備工夫真係唔簡單!



榛子曲奇又鬆又脆又好味,我仲改左少甜版



朱古力薄脆餅又香又濃又好味!



瑪德連放比12月生日既朋友,一點小心意!



今年不再訂Panettone 改為自家制,自己一個,送一個比姪仔!



仲有幾日就聖誕節....  要好好享受呢個節目! 

2021年12月14日 星期二

ZWILLING x 千色 Citistore x APITA x UNY

好多時購物都會有印花,之後加錢去到某個指定金額就可以換到超筍貨品!

我咁講即是又有好野介紹,今次個印花換購係 ZWILLING x 千色 Citistore x APITA x UNY!
只需要購物淨值每滿港幣$50 (以單一機印發票計算)可獲贈印花1枚,如此類推,印花派發期由即日起到2022年2月27日為止(換購日期至3月6日),數量有限,換完即止!



我換左日式廚刀套裝😛,主要喜歡日式廚刀刀身輕巧,切蔬菜瓜類生果都好合適。仲有埋可動瓜刨,只需10個印花加$299就換到,本身標準價要$1,099的!


詳情請瀏覽 https://bit.ly/3ot7kXt 或向各店舖職員查詢。

2021年12月12日 星期日

蕃茄炆牛展

 上次農夫鮮肉專家送的牛,除左清湯腩外,我仲煮左蕃茄炆牛展!

 


材料:

牛展1

蒜頭1

洋蔥1

甘筍1

蕃茄2

茄膏

黑椒粒及黑椒碎

香葉3

雞湯

冰糖1小粒 (6g 左右)

 

做法:

(1) 牛展先飛水

(2) 爆香蒜,之後加洋蔥、甘筍、蕃茄炒軟後再加茄膏炒香

(3) 已飛水牛展回煲,加入黑椒粒及黑椒碎、香葉、

(4) 雞湯蓋過牛展後加冰糖大火煮滖再轉中小火炆1.5小時

(5) 取起牛展切件,最後加入鹽 (自行試味)

2021年12月11日 星期六

朱古力撻

 假期日、烘焙日!

 


一直認為只要整好撻皮,就可以整到好多唔同口味既撻!無奈我偏偏整唔好,只好多抽時間練習,其間又買些不同撻模包括有孔撻圈 ,其實只要肯花時間練習及了解失敗原因,終有一天可以成功的!

 

我最鐘意就係朱古力,朱古力撻係我至愛!下午茶時段.... 吃個撻加杯茶。 爽!

 

2021年12月6日 星期一

農夫鮮肉專家 ~ 牛頸脊 、牛頸芯、牛展、牛柳及牛坑腩

 好多謝農夫鮮肉專家送上五款牛肉比我,包括:牛頸脊 、牛頸芯、牛展、牛柳及牛坑腩。





牛坑腩係牛近腰部肋骨既肉,去除肋骨後出現一條條坑紋,牛坑腩個名就係咁黎架喇!我用佢煮左清湯腩,老公話比我平時用既牛更美味!原來為左確保牛肉新鮮,農夫鮮肉專家每日都有專人安排新鮮牛肉直送到店,而且品牌係百佳超市獨家發售。以後我又多一個地方買食材😁



2021年12月2日 星期四

維也納酥餅

 一位小朋友很喜歡吃我做的甜點,由於小朋友不宜吃朱古力、咖啡等,所以我不能用自己喜愛的味道,換來我揀了維也納酥餅給他! 此酥餅其實很易做,只是在唧花部份比較吃力,原因是麵團本身沒有什麼水份,所以擠出花紋時手除了要定外,更加要有力,我對自己唧出來的紋路也感滿意。



小朋友收到我的曲奇也很開心😁

2021年11月28日 星期日

香橙朱古力蛋糕

假期日、烘焙日!

今次既烘焙特別有意思,你的生日,所以我送上香橙朱古力蛋糕,小小心意希望你喜歡!

 



2021年11月21日 星期日

杏仁瓦片 Almond Tuiles ~ 麻薯朱古力

 又到假期日、烘焙日 ~ 今個星期整左2款新作品😁

第一款係法式傳統杏仁瓦片,只要記住愈薄吃起來就愈脆,我焗出黎既顏色好均勻 😍而且厚薄都算平均! 入口脆卜卜幾好味,唯一缺點係好易受潮,當受潮只需再返焗就會卜卜脆了。



第二款係麻薯朱古力,昨日跟喜歡烘焙既朋友仔傾開麻薯......  唔洗諗整乜好,係你喇😝






2021年11月18日 星期四

福花炒梅肉片

屋企樓下開了新的凍肉店,支持小店所以買了點凍肉!

其中一包是西班牙梅肉片,本來打算洋蔥炒,朋友提議椰菜花,於是叫左老公收工去買椰菜花,誰知回來見到買左福花😂!

其實福花同椰菜花外貌都幾似,不過福花更加爽口更加甜,其實2者我都冇所謂,一樣係有益、一樣係好味!

 


食材:

西班牙伊比亞梅肉片 1pack

福花1個

鹽及黑椒

蒜頭2粒

 

做法:

(1) 肉片煮前加點鹽及黑椒

(2) 福花先用水烚一陣

(3) 爆香蒜片後加入福花略炒 (加點鹽調味) 最後加入肉片快炒上碟

2021年11月14日 星期日

Kouglof / Sourdough / 芝麻麥包

假期日、烘焙日!

Kouglof 、Sourdough、芝麻麥包都係用酸種做既

Kouglof 係法國同德國傳統麵包,入口非常鬆軟,所以感覺食緊蛋糕,加埋提子及橙皮粒,超香!



我地兩公婆都好鐘意吃Sourdough,很喜歡皮脆而包肉煙靱!



麥包上面加上黑/白芝麻,吃起來啖啖芝士香味!我自己好喜歡




另,上星期買左一把朋友介紹麵包刀,今日已經剪綵,用後感:後悔買得太遲,108元仲係日本做~勝價比高!

 


2021年11月13日 星期六

朱古力撻

 記得之前猛做撻皮, 一次唔得二次, 二次唔得三次, 終有一次係成功! 所以所有野都係要自己練習!  假期有時間最開心既事就係整野食,朱古力撻出爐😍



2021年11月10日 星期三

洋蔥炒蛋

 姨媽見到我成日煮蝦仁炒蛋,佢提議我用洋蔥代替蝦仁,因為好味更健康!

 

洋蔥好處:

保持心血管健康

可控制血糖

有益腸道



 

見到雪柜仲有半個洋蔥,老公又喜歡吃而且明知對身體好,即管試試啦!

我用左日本洋蔥及雞蛋,煮出來的洋蔥非常甜,蛋就唔駛多講,日本蛋一向好有蛋香。 依家呢個餸經常成為我地既晚餐!

 

2021年11月6日 星期六

昭和麵粉 ~ pioneer

今早起就又整酸種包,之前用日清粉,今日用左昭和,2隻粉既蛋白及灰粉差不多,做出來既包一樣好好味,今日既包一樣係好彈牙而且有麥味。



日清super king 蛋白質13.8% 灰粉0.42%

昭和Pioneer 蛋白質14% 灰粉0.42%

 


2021年10月31日 星期日

琵琶蝦~原隻蒸

 今日路過觀塘,想起上次有檔海鮮好抵食,打算去望下有乜海鮮!  聽到好多人話訂左大閘蟹,不過今年都冇打算食!






見到有琵琶蝦,揀左一隻大既做晚餐,兩個人烚個菜食隻蝦加個湯已經好飽。我原隻蒸100度13分鐘,大隻真係冇得頂,啖啖肉啊~

 


2021年10月26日 星期二

杏仁咖啡曲奇

 之前整既biscotti 我喜歡配杯咖啡



今次整既咖啡味曲奇....  一於沖杯茶啦😁



2021年10月23日 星期六

蛋白糖 ~ Meringue ~ 馬令

上次出左蛋白糖既post 後,有些朋友問我可否分享食譜?



食譜是非常簡單:蛋白、糖、糖份都是1 : 1 : 1

朋友都是用這個份量但仍然失敗,等我分享自己既小小心得。

我列出幾點要注意既事項;

(1) 打蛋白既盤必須冇水冇油及乾淨

(2) 蛋白唔可以沾上蛋黃,否則會打唔起

(3) 蛋白要打到起勾

(4) 調色及唧花時都要手快

(5) 用低溫去焗及長時間去焗, (我自己用85度4D hot air 焗2-3小時,視乎大細)

有興趣既...加油~~

2021年10月20日 星期三

蛋白糖 ~ Meringue

 

早幾日在屋企整下蛋白糖,可能好小整所以效果未如理想。出爐之後左看右後都難以接受,最後只好往垃圾桶內。

 

雖然上次成品未如理想,但唧到最後時已經有所掌握,所以昨晚再試時已經控制到了,今次的紋路好清晰,秘訣就係手要定而且要快手。

 



蛋白糖真係好受小朋友歡迎,表妹個仔仔見到已經話要食,因為又靚又甜,哈哈!

2021年10月14日 星期四

Biscotti ~ 意式脆餅

 早上我再做了意式脆餅 - Biscotti!

係呀,係再做... 因為早幾日做了一次但效果唔太理想,研究問題所在後今早再做,滿意了。





Biscotti 的意思是要焗二次,所以入口很脆,放涼後我放入密實盒當作小吃,配上咖啡會更完美! 

芝士香草蒜蓉包

 八號風球不用返工,突如其來多了一天時間,什麼好呢?

 久違了的廚師機再次出動,記起幾年前朋友來我家教我做餐包,雖然好多做法都有點模糊,在外面狂風暴雨下大家都留在家中,所以whatassp 問功課真係好方便,最後包包出爐了,趕快手機先食... 之後就到我地吃了。


多謝朋友早幾天送給我的麵包食譜!

2021年10月10日 星期日

牛鰍魚、沙虫乾、豬展湯

老公買左三條牛鰍魚比我煲湯,佢話買時有位亞太同佢講,呢隻魚煲湯好甜,佢仲答人唔知,只識買!其實牛鰍魚具有高蛋白低脂,用來煲湯會很甜,而且補脾益氣,很合適身體虛弱人士飲用。我再加入沙虫乾等材料,個甜好甜好好飲!



 

材料:

准山 2

螺頭

沙虫乾 1

南北杏

茨實

牛鰍魚3

豬展1

陳皮1

2000ml

 

做法:
1. 南北杏、茨實浸洗

2. 螺頭浸軟去內臟

3. 沙蟲乾先用白鑊炒一陣,去頭及尾部,擦去沙再用水洗乾淨

4. 牛鰍魚洗乾淨,爆薑片後把魚煎好再入魚袋

5. 豬展

6. 陳皮浸軟用刀背去 

7. 所有食材煲滾再轉中小火煲2小時

 


八號風球下的酸種包

昨天掛了一整日八號風球,我又在家中做酸種包!  上次做的酸種包很成功,無論外貌及組織都很好,為了不知道是否"撞手神",所以昨天再試一次!


出爐了,証明我已掌握到😍



每次入爐都很緊張.... 等15分鐘打開蓋,笑了,成功了一半😁


再過八分鐘..... 靚呀😆