Thong Smith @ Ari 食船麵

去完 JJ Market 之後就坐 BTS 去 Ari 站，喺 3號出口 出閘，行大約 8分鐘 就到午餐嘅 Thong Smith @Ari 食船麵 😁

呢間餐廳嘅特色係主打「高級版船麵」，湯底濃郁但唔油膩，選用澳洲和牛肋眼牛肉片，河粉滑溜。環境係兩層木屋設計，有冷氣又坐得舒服，所以專登過嚟食。

我哋一人一碗牛湯底船麵，配一杯鹹檸七梳打同金桔梳打。牛肉船麵好好味，湯底真係唔錯！喺熱辣辣嘅天氣下飲杯凍冰冰嘅飲品，成個人都透心涼 😍 鹹檸梳打比金桔梳打更好味。

見仲有時間，我哋去埋腳底按摩，太舒服，好快就小睡咗一陣 😂

JJ Market @ Bangkok

食完早餐就去 JJ Market，坐 BTS 喺 Mo Chit 落車，行大約 5-8 分鐘就到。

JJ Market 只係週末先開放，係東南亞最大嘅週末市集，超過 15,000 個攤檔。主要分為服飾、家品、古董、藝術品、寵物用品同小食區。好多當地設計師同手作人擺檔，特色係可以尋寶、仲有好多地道嘢食。

我哋行咗一陣就買咗個椰青飲。老闆問我哋食唔食椰子肉，佢手執一個刨，輕快咁刨幾下就搞掂晒，真係好犀利！

今日天氣好好，仲熱到飛起，我真係唔太頂得住冇冷氣🥵🥵 所以逗留時間唔長，好快就走人坐車去 ARI 個邊吃午餐🥣😁