葡式午餐

興奮左一晚..... 第二日訓醒就 check out，之後就去吃個葡式午餐

🥗 精緻滿分的葡式前菜與主菜

除咗燴飯，其他菜式一樣充滿驚喜：

香脆鱈魚配蔬菜、雞蛋及香菜，賣相精緻到似藝術品，外層炸到金黃酥脆，入面係一絲絲鮮甜嘅鱈魚肉，口感層次好豐富！

估唔到呢個鴨咁好味.....  下次要再食

🦐 葡式鮮蝦燴飯 (Arroz caldoso de camarão)

大家注意！呢個真係超級、超級、超級好味！ 絕對要喺度幫佢大力賣個廣告！📢

佢同我哋平時食開嘅西班牙海鮮飯完全唔同，呢個係「湯飯」質地，每一粒米飯都吸飽晒濃郁嘅鮮蝦海鮮湯汁，濕潤又鮮甜。其實個湯汁真係好重要，成本也很貴😵  唔鍾意食飯嘅我亦都掃清光，真係好食到舔舔脷！🤤🤤🤤

黑松露栗子菠菜薯蓉烤火雞，都唔錯，每一啖都食到主廚嘅心思。

🍰 完美收尾：高顏值葡式甜品與咖啡

食完豐富嘅主菜，點少得甜品？

· 香橙卷，酸甜清新，為呢餐畫上完美句號。

 瑪麗亞餅乾蛋糕配烤杏仁，層次分明，充滿懷舊嘅葡式風味。

 最後嘆返杯咖啡，同吳生坐喺度傾吓偈，呢個下午真係超級寫意。

💖 滿滿的幸福與感動

今日呢一餐，唔單止係味覺上嘅享受，更加係心靈上嘅滿足。世上幸福不是必然，難得兩公婆一齊又可以在鍾意嘅餐廳，食一頓精緻又充滿驚喜嘅午餐，呢種平凡嘅幸福，真係好值得感恩🥰🥰

KAFKA 法式布蕾吐司，一試「驚為天人」！🤤✨

星期六晚去澳門睇草蜢之前，梗係要先醫飽個肚先有力氣去嗌去跳啦！我想去KAFKA 好耐，昨晚終於食到😆  一直以為食氣氛嘅打卡Cafe，點知……我竟然被一塊吐司徹底征服咗！ 😳

🍹 顏值爆燈的創意特調

嘢飲方面都落足心機！鬼馬鴛鴦有個得意嘅笑臉綿花糖，打卡一流！ 另一杯係朱古力華爾滋，用伯爵茶做底，飲起嚟都幾特別。

🐙 八爪魚鹹蛋黃墨汁意大利飯

個 Baby Octopus Squid Ink Risotto（八爪魚仔墨汁意大利飯，賣相都精緻，好彩吃完冇食到污嘴狗咁丫🤭🤭

🍞 全場MVP：法式布蕾吐司 Pain Perdu

呢個真係驚為天人！佢用咗足足 4cm 厚嘅自製丹麥麵包，表面烤到焦糖化，脆卜卜好似法式燉蛋咁，切開入面卻係極度軟綿綿！吳生再自己親手淋上楓糖漿……天啊！入口即化，甜而不膩，嗰種滿滿嘅幸福感，真係邪惡到令人想encore多一份！🤤 唔生懶得戚問我，佢係咪揀得好好😆😆

💖 完美的演唱會前奏

食完呢一餐，帶住極度滿足嘅心情去睇草蜢，簡直係完美嘅配合！

澳門草蜢演唱會 2026

有時啲緣份真係整定嘅！草蜢喺香港開演唱會，可惜太遲先知道所以買唔到飛，心裡面一直覺得好遺憾。後來知道佢哋過大海喺澳門開兩場，即刻今日第一場！ 結果證明：呢個決定絕對係100分嘅滿分！ 💯

🎤 八點開騷，三個鐘的體力極限挑戰

晚上8點15分開場，本來以為一般演唱會兩個半鐘左右就完，點知佢哋竟然足足唱足三個鐘！最令我敬佩同感動嘅係，佢哋以「高齡」姿態，全晚又唱又跳，落力到不得了。喺台上狂舞真係少啲體力都唔得，睇住佢哋落力嘅背影，心裡面除咗興奮，仲有滿滿嘅感動，呢份就係真正嘅舞台魅力同敬業精神！😭

💃 氣氛好到不得了，我隻手都搖斷😂🤣

現場氣氛真係好到不得了！全晚我都冇停過，隻手不停咁搖大會安排嘅燈光棒，到咗高潮位，全場企晒起身，我哋兩個都跟住一齊大聲唱、一齊舉手揮舞！咁既天氣我竟然流汗😵 但嗰種全場一齊狂歡、一齊回到青春年代嘅感覺，真係超級減壓、超級開心！🥳🎶

💖 雖然要過大海，但絕對值回票價！

為咗睇呢場騷，特登過嚟澳門，但完場嗰一刻，吳生都覺得絕對值回票價！呢三個鐘，我哋完全沉浸在音樂同快樂之中，突然感覺到青春返晒黎🤭🤣

多謝草蜢，用三個鐘嘅汗水同熱情，帶俾我哋一個咁熱血沸騰、充滿回憶嘅晚上！你哋真係好勁！👏👏👏

《我在大戈壁沙漠收數的日子》觀後感 🌵

平時夜晚多數都係睇戲食飯，今次真係好特別！朋友仔突然叫我一齊去睇話劇，仲要係我嘅話劇初體驗，心情真係又興奮又新鮮！🤩

今次睇嘅係《我在大戈壁沙漠收數的日子》，一聽個名就覺得好騎呢。原來呢套係暗黑荒誕喜劇，由潘惠森編劇、陳小東執導。

故事講述三個收數佬去追債，點知離奇「誤闖」大戈壁沙漠，仲撞到一對「憑實力走數」嘅無賴債仔夫婦！🏜️ 面對沙漠嘅烈日同無邊無際嘅沙，收數佬依然死心不息，出動火水、錯字紅油等各種騎呢招數，誓要對方「欠債還錢」！

 

但最估唔到嘅係，喺呢個咁荒謬嘅處境入面，佢哋最後竟然意外收穫咗人生真諦。呢套劇絕對唔係純粹搞笑咁簡單，而係用荒誕喜劇嘅外殼，包住對城市小人物庸碌人生嘅深刻反思。

 

編劇潘惠森講過，套劇嘅主題係「孤絕」嚟自收數佬喺社會上邊緣人嘅角色。故事設定喺「世界邊緣」嘅沙漠，正好將呢種疏離感無限放大，睇完真係會忍唔住反思吓自己嘅生活。💭

 

最令我驚訝嘅係，估唔到平日晚上都可以全院滿座！🔥 現場氣氛真係好好，觀眾嘅笑聲同反應完全帶動到成個氛圍。真係非常感謝朋友嘅邀請，令我大開眼界，原來話劇嘅魅力可以咁大！

 

白玉翡翠蝦仁蒸蛋 ~ 高蛋白、低脂、零油、零添加

今晚試咗個新菜式<白玉翡翠蝦仁蒸蛋>😍

蒸蛋配上嫩滑豆腐同鮮甜蝦仁再加上西蘭花簡單蒸一蒸就已經好好味😋

重點係：高蛋白、低脂、零油、零添加，食完冇罪惡感，只有滿足感！🤤

老公都話「得喎」😆

西九文化區戲曲中心《CATS》音樂劇！ 🐱🎭

其實我一直都好鍾意睇音樂劇，今次見《貓》嚟香港演出，點可以錯過？買飛嗰陣我仲專登逐日check ，希望買到最前最中間嘅靚位，最後真係俾我買到第三行中間位 😍 

點知今日……原來我係第二行正中間呀！！！

演出期間當然要守規矩，全程唔准影相、唔准錄影。但中場有20分鐘休息，大會安排可以上台影相，我當然即刻衝去排隊啦！📸💪🏻

最驚喜嘅係，中場休息完、臨開場之前，啲貓演員會走嚟走去，喺觀眾席同大家互動、影相！我即刻嗱嗱聲拎手機影呀影，影呀影😄 仲同佢握手丫。 呢啲近距離接觸嘅時刻真係要好好留念，返到屋企慢慢回味都仲笑得出 😛🐱

講到全晚最觸動我心嘅一刻，一定係第二幕女主角唱《Memory》嘅時候。呢首歌正正係成個劇嘅情感最高峰，嗰陣Grizabella已經經歷咗被排斥、孤獨同滄桑，再次唱出對往日美好嘅回憶，歌聲入面嗰種渴望被接納嘅情感，完全唔係聽入耳，而係直達心坎、穿透靈魂😭 全場靜到得返佢把聲，每個音符都好似敲喺心上，真係起晒雞皮🌙

今晚真係開心到震，完場嗰陣，老公已經喺會場等我接我返屋企。成程車我完全停唔到口，喋喋不休咁捉住佢講晒全晚有幾正、有幾感動 🤣 雖然佢話自己唔鍾意睇歌劇，叫我唔使買飛俾佢費事嘥錢，但佢依然願意嚟接我、仲聽我講足全程😏❤️

講開音樂劇，其實我前後睇過 《The Phantom of the Opera》、《Les Misérables》同《CATS》，三套都係經典中嘅經典。但若然要講最最最鍾意，一定係 《The Phantom of the Opera》 ，所以我已經前後睇咗四次咁多！兩次喺香港、一次倫敦、一次紐約，每一次都睇到我起雞皮，每一次都覺得有新感動。如果將來再有機會，我肯定會毫不猶豫衝去睇第五次！🎭❤️

今日，一個人都好幸福。 因為鍾意嘅嘢，從來唔需要人陪先值得去做。🐱🎶💫