晚餐由吳生帶路，我哋去咗煥記海鮮飯店食飯！
講起呢間煥記，佢 1978年開業，到而家已經將近50年歷史，係澳門街嘅老字號粵菜館 。全間店有成 120個座位，好彩我地早去到，因為好快成間酒樓坐滿晒人，好誇張！
煥記最出名嘅，係佢哋嘅 特價菜🤫12 就有一碟餸！ 每枱客可以三揀一🫢
油炮雙魷，火候十足，爽口彈牙
呢幾樣餸配酒真係一流 🍻 成間店坐滿人，熱熱鬧鬧，食得好滿足😜
三日二夜完滿結束☺️☺️
三個人，三款口味，一齊笑住食、傾住講，呢餐葡國菜食得好開心😁
頭盤三連擊：
老公食得健康，揀咗 烤雞肉凱撒沙律🥗
我就揀咗鷹嘴豆菠菜湯，超好味丫😍 濃郁又好味
朋友就試 釀蕃茄鮮蔬芝士，佢話好好味，清新又有驚喜😋
主菜輪住上：
老公食牛肋骨，軟腍入味😍
我食烤鱸魚配大蜆，隻蜆肥美到不得了，魚煎到皮脆肉嫩。
朋友話想試波爾圖式三文治，眼見唔係好大份點知……其實好飽肚！😂 好彩戰鬥力夠強💪🏻
甜品時間：
老公揀咗焦糖香草芭菲嚟收尾，香濃甜美，啱啱好劃上完美句號☕😋
我同朋友分別要左雪梨雪糕🍧
食飽飽，下站出發去最香買杏仁餅💪
我哋今日喺酒店食午餐，每人一份午市套餐，各自揀自己鍾意嘅，開心又滿足😍
吃完晚餐，我哋直接行過對面再戰甜品😂😂
叫咗個芒果撈，真係太好味啦😍 香甜濃郁，啖啖都係幸福！
成間鋪坐到滿滿，我哋都要等位😅😅 但為咗呢碗芒果撈，等幾耐都值！
最後飲飽食醉，三個人都係捧住個肚。 最後就係笑住上車，舒舒服服返酒店😂
象牙婚嘅意思係話婚姻經過14年嘅洗禮，早已冇咗當初嘅浮躁同脆弱，變得溫潤、堅固，仲好珍貴。就好似我哋咁，愈嚟愈懂對方 😛
今年係我哋14年以嚟第一次冇請假慶祝。冇辦法啦，手頭嘢多，加上放假都畀上司暗串 😒 不過，返工還返工，點都阻唔到我哋慶祝嘅決心😏 諗起吳生鍾意食自助餐，我就揀咗露台餐廳，貪佢食物重質不重量，靜靜哋慢慢食慢慢傾，最啱我哋。
吳生今年特別多感觸，成日掛住「14年」呢三個字喺口邊：「嘩，咁就14年啦！」我問佢：「係咪覺得悶呀？」佢笑笑口話：「點會悶吖！」係嘅，佢老婆我成日都咁多「花臣」，生活又點會平淡呢？多采多姿先係我哋嘅日常嘛😆
走嗰陣，我又有啲唔舒服😷😷 吳生二話不說拖住我隻手，帶我去截的士返歸。佢隻豬手就係我最大嘅安全感。
冇錯，呢個象牙婚，係冇假期但一樣咁快樂🎊
2025年聖誕，我選擇回到充滿童年回憶的澳門沙利文餐廳（Restaurante Solmar）享用晚餐。這家1961年開業的餐廳，至今已有超過60年歷史，被譽為澳門「葡國餐的搖籃」。店名「Solmar」在葡文中是「太陽與海洋」的意思，中文「沙利文」則是音譯而來。
