大除夕遇上天氣凍凍地,岩晒打邊爐!
今日買有關火鍋食物大排長籠!四圍都好多人
2020年是艱難的一整年
感恩疫情下我可以過度去2021年
只好奢望明年會更好!
一直想做朱古力撻,第一次整出來的撻皮太樣衰! 冇理由,明明說Matfer撻模很好,咁應該是自己問題! 即時研究那裡可作出改善,之後好快再整第二次。第二次雖比第一次好,但仍然樣衰 @@
聽說要用有窿窿撻模先會靚,即時走去買了新撻模!第三次做出來的確又好了一點,但距離心目中撻皮仍有一點距離,到底是那裡問題…. ? 再研究後做第四次,終於合格了!
朋友說用窿窿撻模不需要用石仔,但焗到五分鐘發現撻皮底部微微升起,見狀立即加回石仔,幸好一直留意撻皮變化… 所以我決定要買一張有窿窿 baking mat!
自問技術不夠就只好靠工具,哈哈!
撻皮做得好,日後可以做很多不同味道的果撻等等!期待啊~
之前試過自己煮蕃茄醬,由於時間關係,今次用現時醬料! 芝士我用 mozzarella 焗到啡黃色,刀切入去時仲有已溶既芝士真係好好味!
食材:
雞胸肉2件
雞蛋1隻
醬料:
A:鹽/黑椒/oregano/parsley/麵包糠/mozzarella (mix)
B:蕃茄醬/mozzarella
做法:
(1)
雞胸肉洗乾淨用廚紙印乾,之後拍鬆,灑上鹽及黑椒略醃
(2)
雞胸肉沾滿蛋槳後兩邊沾滿醬料A
今日係boxing day,我有份拆禮物!
早幾日我問老公我想要聖誕禮物呀,佢話咁你有乜想要?
正打算再買一張baking mat及唧咀,一於要呢兩樣啦。
其實我已經有一張baking mat,不過有時技術唔夠就要靠工具,下篇食譜再細說。而唧咀一直用PME,所以一定揀返佢!
雖然老公冇用心思去諗買乜比我,不過呢份禮物實而不華,我很喜歡!
今年聖誕感覺有點冷清清,回想去年一家人聚餐,餐後每人派上一份聖誕禮物,再加上指定動作大合照,真係開心又熱鬧,原來冇野是必然,看似簡單的吃飯原來已經不再是易事。
做冬跟聖誕節日子相距很近,做冬煮了很多食物;聖誕節想簡單一點!
今天仍然是2人齊齊下廚,老公仍是我的小助手… 主力幫我煮薯蓉!
薯蓉焗田螺
焗魚塊
芝士茄醬焗雞胸
甜品:聖誕蛋糕
最近鐘意爆紅既角落生物,只要在屈臣氏或百佳購物就可以儲積分及電子印花再加錢換購。
上月我已在百佳換了一個保溫杯,又靚又好用,多謝朋友比分我去換購!
今次我自己儲夠印花,趕緊在屈臣氏換左一套儲物盒… 角落真係好得意。
以往都會為某一種醬料到超市特別去買,可是很多時候都會忘記曾經買過而過期,造成浪費! 現在大多用基本醬料去醃食物,出來效果同樣美味!
食材:雞扒
醬料:蒜蓉 / 頭抽 / 糖 / 鹽 /胡椒粉 / 紹興酒
煮法:煎或氣炸
其實之前有買過蜜柑及甘筍打汁,老公仲大讚好好飲,所以我今日再打一杯給他,他的評價是上次好味好多,他還說永遠是一分錢一分貨的!
其實今日買的生果不是差,只是之前買得太好給他…. 哈! 今日的柑水份也很足,只是甜度一般,所以打出來味道不及上次!
講返蜜柑,它的營養價值很高,可補充身體維生素,又可以促進腸胃活動,化痰止咳。最近當做…. 去任何超市也不難找到它!
午飯時間火速吃完自制飯盒後就到city super,主力買魚塊 (澳洲急凍小鱗犬牙東南極魚塊)
,因為有八五折!
上星期煮過給姪仔姪女吃,2個小朋友都說好味、好好味!
事實這魚塊的確好吃,魚肉很嫩滑又沒有魚骨,而且犬牙魚含大量Omega3,蛋白質及多種維他命!
如果喜歡吃魚,強烈推薦要試!小心吃完回不了頭啊~
早餐打了一杯特飲,其實主角係奇亞籽。
一包奇亞籽價錢約幾十元,但好處及功效大到諗唔到點解唔食佢!
抗氧化 (我聽到抗氧化即時心心眼)
含Omega 3 脂肪酸
高鈣質
熱量低而且很飽肚
(減肥人士恩物)
含高蛋白質
特飲食材:羽衣甘藍,青瓜,無糖杏仁奶,香蕉打昔後,最後加入奇亞籽
** 注意奇亞籽攝取水份後會帳大,所以食用前必須泡最少15分鐘,而我自己用水泡30分鐘! 錯誤服用有機會引至窐息風險
吳生問我黎緊假期有冇時間煮碗仔翅,係播、之前煮過佢話好好食架!
冬菇30g
瑤柱
木耳20g
魚翅
雞肉
花膠
水+雞湯1800g
雞蛋1隻
調味:頭抽 / 胡椒粉 / 鹽 / 蠔油 / 糖 / 麻油 (自行試味)
(1)
冬菇浸軟切絲,用頭抽、糖、麻油略醃
(2)
瑤柱浸軟
(3)
木耳及魚翅浸發
(4)
雞肉烚熟後撕成絲
(5)
花膠浸發切絲
(6)
大火煮滖水+雞湯後加入所有食材(魚翅除外) 煮15-20分鐘
(7)
加入魚翅及調味料再煮5分鐘
(8)
加入少量老抽
(9)
用馬蹄粉打茨
(10)
打入蛋花即成
朋友送左章魚比我,我用佢加蓮藕煲湯,可補氣養血湯水
章魚1隻
蓮藕2節
章魚 1隻
花生 70g
眉豆 60g
唐排 500g
陳皮 1片
水2000ml
做法:
(1) 章魚、唐排飛水
(2) 蓮藕刨皮切件
(3) 花生及眉豆浸洗
(4) 所有材料用大火煲滾再轉中小火煲2.5 - 3小時