2013年8月31日 星期六

手造麵 (100% handmade fresh pasta)

 
 
 
 
 
 
之前上堂學了手造麵,上堂有示範用手搓粉及用廚師機去打粉;同樣地用人用去壓麵粉及用廚師機去壓。
因為手造意粉好好食,又香又彈牙…. 於是我又試做,不過我無廚師機,所以整個過程 100% handmade


 
手上的食譜要的材料需要有: 麵粉 / Semolina / 白酒 / 雞蛋 /
我從沒有搓過麵粉,所以一開始搓時都唔知做法是否恰當。既然都要做,我用了兩個不同食譜去試下,睇下那一個易做又好食….
最後呢…. 跟了谷友的做法,好易又簡單,出來效果又好食
材料:
100g 00
1隻雞蛋
做法:
- 如下圖,放好00粉之後,中間打上雞蛋,之後就開始搓粉
- 搓個dough 至光滑為止
- 用保鮮紙包好放入雪柜半小時
- 用棍將麵糰壓平
- 麵皮兩邊撤上麵粉、卷好、用刀切麵約半cm
- 把麵條打散



煮意粉我的步驟是:

- 水滾放意粉 (我煮一會就會試下,約7成就可以拎起備用)

- 熱鍋後下油,放意粉並加上 pepper and salt

- 之後我就下醬料炒一會上碟


另一個做法我覺得麻麻地好食….. 等我再試整一次,覺得好食之後再分享

**溫馨提示:老師叫要用意大利蛋,原因顏色會又黃又香** 不過我無試過用其他蛋,所以不知道差別有幾大

2013年8月28日 星期三

Afternoon Tea @ Clipper Lounge, Mandarin Oriental


我的好朋友生日,所以揀去文華東方高茶慶祝,因我另一位朋友常對文華食物讚不絕口。

高茶是 15:30 開始,我們都準時到達。我們三人點了 set for two and set for 1。職員拿來時我的確有點驚訝份量少得可憐而且賣相又不是很特別,不過…. 味道的確唔錯,這就是貴精不貴多。鬆餅好好食,而且配上 rose petal jam 更香!鬆餅 - 令我想起上次在香格里拉吃的鬆餅,同樣地好食。半島的鬆餅也是好好食 (N年前)。突然記起 N 年前曾學過做半島的鬆餅,要找找食譜後開工

吳生不明我們為何喜歡高茶!但我見他也是吃得津津有味,其實高茶好好,可以吃美食,又可以跟好朋友 TEA TEA,什麼都可以傾講,整個人都放鬆,不是好好的享受嗎?不似返工每講一句說話都要份外小心。我又眼寬肚窄,份量看似不多但真的食得好飽….  飲品方面,今次叫了杯 Ceylon orange pekoe,真的好好飲

之後去了 IFC city super,很愛去 city super 買食材,因為齊全外有很多物品不能在普通的超市買到!之後再去 SOGO 檢查早前買的的煲,等到頸長幸好等到了,而且比預期快,星期六收貨,希望星期日可以開光啦。











2013年8月21日 星期三

博洛尼亞肉醬意粉 Tagliaelle Bolognese

又到交功課時候,假期沒有約人就趕快去買食材。


買完一堆食材就趕快開工….
 


 
 
 
 
揀芝士剛剛見職員焗 Parmigiano Reggiano Chips,她叫我試食,真係好香口,所以我就買職員介紹的芝士,返到屋企照學整 Parmigiano Reggiano Chips,用來插在意粉上,又可以食又可以裝飾,不過…. 哈哈哈~~~ 焗耐左好苦呀
 
 
 
這就是我的制成品~~除了上面懶靚個塊芝士片苦左之外整個味道都幾好。

Sugo all' Amatriciana 蕃茄煙肉醬

上堂時除左教整個博洛尼亞肉醬意粉外,還教了做蕃茄煙肉醬 (老師稱這個是簡易版),講明是簡易版就連食材都簡單好多,於是我又試下煮…..
 
 


 
 
 
出來效果,我同吳生都鐘意簡易版的味道。個 pancetta 炒完出來好香口下次我會再加辣肉腸,我估應該更好食….
 
 
 

2013年8月18日 星期日

乾燒辣椒蝦

 


 



有位靚太送了幾本 cook book 比我 ,我見 "乾燒辣椒蝦" 好易煮,當然跟住煮啦…. 吳生一食就話好食好食跟住就話好辣好辣….

 

材料:

老虎蝦


調味料:

2湯匙 生抽
1湯匙
1湯匙
1湯匙 麻油
1茶匙 蒜茸
4 泰國辣椒


做法:

先去蝦身的殼,只留頭及尾,去腸、洗淨備用!
把所有調味料拌勻
燒熱鑊下油,把蝦煎至轉色後落調味料,收汁至一半左右可上碟




我覺得好好食我食得辣所以落左四隻泰國辣椒,如果唔食得辣可以考慮減半。另外我覺得調味料甜左少少,下次會減少糖的份量!

 
這味菜好易煮而且又快,鐘意食蝦的不妨試下啦!
 
 

2013年8月14日 星期三

開心買鞋?唔開心買鞋?工作沮喪.... 買Repetto獎勵自己?

好似有個廣告話開心買鞋?唔開心買鞋?其實我覺得女性好鐘意買鞋的。而我都唔例外,不過我就冇話開心/唔開心要去買,反正岩就會去買。

以前都會穿高跟鞋,覺得好靚,自從有次穿了一對平底鞋之後,我就更加愛上了,因為好舒服,而那個牌子的鞋真的不錯。

今次呢….  買了對Repetto,款式是我一向喜歡的 ballet 款式。好靚呀




如果硬要拿個藉口買鞋,我就只可以說工作很沮喪!詳細就唔打出來了,不過都幾擔心自己的工作,公司大向方已不再採用香港人,而且一直在炒人….  用陰招迫走你!而架構也愈來愈複雜,,公司要求愈來愈高,我上司個個星期同我說cost saving,每個星期都要交報告到底省了多少多少,愈來愈多KPI …..

自己做的職業其實都是夕陽行業,要再找一份工作根本不易….  有些朋友問我何不轉行?老實說你是老闆你都希望請一個年青有活力的人吧!沒有人想請一位姨姨/嬸嬸吧?不過更不喜歡聽到的是,叫老公養你!真的好唔鐘意聽這句說話,可能我一向鐘意靠自己,喜歡有獨立的經濟能力!

不過我都唔會想那麼多,計劃趕不上變化!我還是盡力去完成自己工作上及個人的人生目標吧。

2013年8月6日 星期二

My cooking class @ DD 手造意大利粉



上次上堂前,職員有煮了手造意大利麵給大家品嚐,當時一吃真的不得了,好香蛋味又好彈牙,所以即時報了這個課程,不過我當時都有問..... 我屋企無整麵的機,手造可以嗎?知道可以之後就安心報了!

 

等到這一日了,同樣地上堂前職員又做了將會開班的Pizza 給大家吃,剛剛出爐好脆呀…..!

揀了些相是上堂情況而且是沒有任何人在相中,這是基本專重上堂時大家都有說有笑,而且常討論買什麼煲,見到有好多人都買得好沉迷,我雖有用LC 煲碟,不過我只是應買則買,我覺得自己好理智呀。哈哈~~~~

 

上完堂我們每人可以有一個麵餅同一樽番茄煙肉醬,吳生不明白為何不去超市買包意粉,而要自己又搓又壓又切….

所以今晚煮了一個意大利手造麵配番茄煙肉醬青口,吳生吃時都說彈牙。我上完堂所學的都會在屋企煮的….. 找個假期在廚房試下先…. 今次的麵好吃,但第一次的蛋香味真的好勁... 今次比上次差了點