2021年1月30日 星期六

九層塔炒菇 / 熊本士多啤梨 / 香印提子

 今晚煮左乜? 我想簡單點,又唔想大魚大肉,所以用九層塔去炒菇。



飯後果就係熊本士多啤梨再加香印提子。




今次既提子皮脆肉甜,超級好味,老公也話很好吃,日本生果真係無得頂。

激讚!


2021年1月26日 星期二

Cruise 空中餐廳 @ Hyatt Centric Victoria Harbour

 

估不到一個月前訂心儀餐廳也滿爆,不是說疫情下市道不好嗎? 唯有另覓食市! 偶然找到Cruise 空中餐廳,食物照片也蠻吸引,看了食評後,原來大多都讚好,於是我訂呢間餐廳幫老公慶祝生日,訂位時要求窗口位,因為有海景呢!

 


老公生日是星期日,正好吃到週末午餐! Menu 是每人$490再加一,如每人另加$250則可享用任飲紅酒、白酒或果汁等,當天order 飲品時,職員說我們不需要加$250也可以享用此項目,筍爆!

 

食物方面:

 

小食:

無限添加蝦片,小小辣多多脆,幾好味

 

冷盤:

龍蝦、帝王蟹腳、蜆,油甘魚、三文魚、甜蝦、帶子等! 所以食物都好味!

 

熱食:

燴牛仔骨:真係好好味,好想問下點煮呀!

烤走地雞:一般水準,精髓在於醬汁…. 超掂!

菜:炒菜心相對沒有什麼驚喜

椰槳飯:沒有飯引既我都覺得好好味

甜品:椰子雪糕泡芙…. 椰子雪糕超級有驚喜,好…..味!

 

總結:去不同地方飲下食下,遇上良好服務及美味食物,真係幾開心啊! 最緊要老公也很滿意,食得開心又有一個美好回憶!


2021年1月25日 星期一

邪惡的布朗尼 (Brownie)

 

朋友吃過我出品 brownie 都會大讚,而我的確花了一些時間 trial and error 才做到這個效果!

 

星期六我又焗了一份給朋友,順手焗一份給自己! 飯後用brownie 配上雪糕,邪惡到極點😈

 



2021年1月24日 星期日

為你而做的生日蛋糕 ~ 生日快樂

 

今日係老公生日,去年今天剛剛是年初一,我倆在飛機上趕往西葡之旅!

雖然今年預了什麼地方都去不到,但只要兩口子在一起,日日都係開心時光!

講左好多年要親自為老公做生日蛋糕,今年我做到了!😆



雖然我知道你有我的日子,天天都過得很快樂,不過仍然要同你講:

老公生日快樂,身體健康😝

2021年1月23日 星期六

延記點心

聽到很多人都讚延記點心好好吃,我都試下,咁假期唔駛去酒樓,疫情下都係減少外出。

蒸完點心就用了我最喜歡的 "細味人生" 麻辣醬... 配埋一齊真係好好食!超得!

訂滿600元仲可以免費送貨,唯獨美中不足是自己雪柜太細,幸好跟街坊一齊夾單啊😅





2021年1月21日 星期四

馬卡龍

很久沒有整馬卡龍,因為自己唔太鐘意食,見到朋友一星期整幾次又send相比我睇,仲有好多唔同色水,於是我同佢一齊趁熱鬧,大家一齊用法式去整,事實証明凡事都要下苦功,她唧出來的大細勻一,而我唧出來的尚可接受。

其實市面有圈圈焗墊出售,我甚少整馬卡龍所以我沒有買,只好小心及用心去唧好每一粒,努力下尚算見得人,餡是又香又濃咖啡味,我覺得不錯!

2021年1月14日 星期四

琥珀當歸排毒 treatment

 

11月底去左 G for Health 做左一個排毒treatment,整個 treatment 2小時。包括推拿45分鐘,另外45分鐘焗墊。

 


一開始先由人手經絡推淋巴,原來可以消耗4000卡路里😁,之後再用琥珀當歸油焗墊,完成排出的汗水可以反映身體健康症狀,既可減肥又可養生。

 

我的結果是排出偏黃色帶點渾濁雜物,原來表示身體內有寒濕毒重😧,排毒功能較慢,現在排出身體內過往多餘鈉質及其他毒素。

 

一問之下,職員提議做多幾次排毒則會有改善,建議我一個月做2次就會見到有明顯改善😍。

 


2021年1月9日 星期六

年花~~蝴蝶蘭

 仍有一個月多就過年,昨天新聞說政府取消花市,雖然我倆的年花都不在花市購買,不過我們每年必進場買點用品應節。疫情下新年氣氛沒了,而我們也留在香港過年!

 


今年我倆早了去買花,每年都是買蝴蝶蘭,除第一年我自己揀色水外,每次都由老公去揀,今年他揀了粉色!

 




付款後就交由花店插花及裝飾,收花時很滿意,讚!

2021年1月7日 星期四

Autumn Glory蘋果

 

首先多謝果臨門送上一包美國Autumn Glory蘋果! 老公好奇一包蘋果都要影相? 我答:這包蘋果是有人送比我,所以影張相囉!

 

老公一邊品嚐一邊稱讚蘋果爽脆且清甜,不過就有一種說不出的味道,跟平時吃的有所不同!無錯,此蘋果帶有焦糖味道,且滲透淡淡肉桂香味。正正跟同時吃的是不同!




 

除此外,還含維生素、微量元素、氨基酸和果膠等營養成分,有抗氧促消化,促進心血管和免疫系統健康等功效。甜度較高,所以用作烹調和烘焙等用途都非常適合。該品種由太平洋西北最大的蘋果供應商,百年良心果農 Domex Superfresh Growers 通過非轉基因天然接駁技術研發且獨有,優質鮮果的食品安全通過國際認證,大家可以食得美味營養又健康安心。

 

美國華盛頓Autumn Glory®是利用駁枝技術,經過近十年研發栽培出來的非轉基因蘋果,結合爽脆超甜的富士蘋果和清脆香甜的金冠蘋果的優點,美味非凡而備受人們喜愛。

2011年由美國華盛頓州的Domex Superfresh Growers首次推出,並由此獨家銷售。

 


2021年1月4日 星期一

香芋紫薯酥

 

2021年整左乜甜品糕點?

 

以前每次去台灣都一定買芋頭酥,現在我可以自己整😜



唔踏出第一步都唔知唔難,最花時間莫過於炒餡後過篩,家中有位得力助手,有他幫手我已經舒服好多,如果可以訓練到佢一腳踢就更加好!

 






要靠自己就係需要包得靚靚現在收皮收得唔靚,幸好皮都在底部,唔太影響外觀!幸好老公話佢好鐘意食!咁我就可以有機會多多練習:我整你食,最佳組合

 


2021年1月3日 星期日

Tastec 3.2L空氣炸鍋

 

踏入2021年第一樣好介紹就係Tastec 3.2L空氣炸鍋,現在用專屬優惠碼 “D946” 額外再減$300🤩

 

疫情之後很多人已不敢在外用餐,加上現時晚市六點後沒有堂食,大多數人會在家煮飯,很多零煮食已經變成大廚了。

 

講返Tastec AirFryer ,一部機就可以做到多樣功能,包括煎、炸、烤、焗等! 而最重要是不需要用油也可以炸到很多香口食物,加上操作簡單,每次只需按2下溫度及時間,完全不需要睇火。

 

原價HK$1599,現減價後HK$899

下單時輸入”D946” 可以再減HK$300 即是HK$599 就可以推有一台3.2L 氣炸鍋,更提供免費送貨


 


優惠期:12 - 211

優惠碼:D946

購買連結:https://ilovekitchen.boutir.com/i/TOcc5hAAA

 

產品特點:

🔺觸控面板, 9 吋大屏幕 (液晶顯示)

🔺360°C 高速循環加熱空氣,無油健康煎、炸、烤、烘食物

🔺利用高溫逼出食材中最高達 80% 的油脂

🔺預設 8 項食物烹調模式,一鍵輕鬆製作美食

🔺不黏炸籃,清潔方便

🔺自動暫停,隨時檢查食物

🔺原裝行貨,1年保養

 

配置:

🔺時間調控範圍: 0-60 分鐘

🔺溫度調控範圍: 80-200°C

🔺容量:炸籃 3.2L / 炸鍋 4.2L

🔺電壓:220V 1500W

🔺尺寸 :35.8 x 28.6 x 34cm

🔺符合香港機電處安全標準 IEC 60335 / TUV 安全認證 / CE 安全認證 / CB 安全認證 / BS 安全認證 / EMF(電磁場)安全標準