今日係在美國最後一日，原先係留多一晚
第二日早機走的
不過... 最後改為夜機走
原因返到香港係早上
我地仲可以執好晒所有行李
晚上外出食飯，因為係吳生生日
如果早機走，返到香港係黃昏，根本冇可能再夠時間外出晚餐了
酒店食完早餐就出發了
琴日去唔到Williams Sonoma
所以今早去
Mauviel.... 係我大愛既銅煲
朋友介紹我仲有一間鋪頭話包我鐘意
我又唔知同呢間有什麼分別
於是叫吳生開車去
去到之後，覺得鐘意Williams Sonoma，吳生又要再開車同我返去
其實美國都幾大.... 佢話明萬一塞車你就冇時間買野了
最大收獲之一..... Mauviel 銅煲
呢個係吳生猛叫我買的... 佢話唔好後悔
我地今日要走.... 唔會再返轉頭了
買完又去返琴晚間餐廳食野
因為幾好味
食完我地就開車去機場還車
美國海關好麻煩，我地預早好多時間 check in 等
之後就上機了
我一早跟 cx 訂左個蛋糕
同吳生拍拖開始，佢生日我一定準備蛋糕比佢的
最好笑係.... 空姐示意可以上蛋糕
吳生睇緊戲的
佢個畫面無晒野
但見到其他人都睇緊
正當問我點解得佢一個睇唔到
突然一班空姐拎住個蛋糕同香檳
佢地企好就一齊唱歌比佢聽
哇哈哈.... 佢完全無諗到囉....
佢話好意外又尷尬
這個美加之行我覺得好滿意
若不是要去加拿大看北極光，我仲未想咁快去美國
因為我仲有好多其他地方想去
今次同上級拎假真不易... 所以我好珍惜呢個trip！
你喺CX訂蛋糕有香檳送又唱生日歌咁好既? 你地坐business class呀? 我兩次都係要request先斟兩杯白酒咋...咁個蛋糕好唔好食呀?
回覆刪除訂蛋糕係無得要求乜款乜味的，佢拎蛋糕黎就拎理杯香檳黎，仲送生日咭，又幫我地合照，好好招呼丫
刪除美國真係好大, 成個trip好似都需要不停開車...
回覆刪除我呢d 無車牌既, 真係有少少難搞呢~
西岸相對係，你去東岸丫，new york 個邊會方便好多。
刪除