太郎居酒屋

公司對面開左間居酒屋，已經去了幾次。

我今日點了一客壽司八貫

份量看似很小，事實真的很飽！

因為除左壽司外，仲有一碗豚骨叉燒烏冬定食，烏冬好細滑。

另外蟹肉蟹膏軍艦，海謄軍艦及三文魚子軍艦也非常美味

138元一個餐，而且午餐不設加一服務費，非常抵食！

酸種包 ~ sourdough

 昨天非常開心，因為我終於整到一個滿意既酸種包！Yeah ~

 

記得打開焗爐一刻好緊張，當見到個包好圓而且高度充足，真係好感動，我終於得左喇！

 

第一步總算成， 跟住就係第二步睇包內組織！  當麵包放涼之後即時切開，哇~掂呀！ 好多大大細細窿窿！

 

忍唔住即時同老公一人一片， 不得了！ 皮脆而麵包好鬆軟，真係好好味！

 

原來整包可以咁滿足！

 

瑪德蓮貝殼蛋糕

 連續3日假期，我整左最近深受親朋好友喜歡既貝殼蛋糕！

 

一件小小蛋糕其實相當好味，我加了糖漬橙位，多點咬口感覺！ 蛋糕質地濕潤軟棉棉而外皮脆邊。加上用了千代田貝殼模具，貝殼紋路清晰，每件蛋糕都見到”肚臍”

食材：

雞蛋2隻

上白糖40g

加拿大楓糖漿 8g

牛奶20g

麵粉100g

泡打粉optional

牛油100g

糖漬橙粒 隨意

 

做法：

1. 先把牛油座溶

2. 雞蛋打散後分2-3次加入糖打勻

3. 加拿大楓糖漿及牛奶

4. 加入已過篩麵粉及泡打粉

5. 加入牛油溶液

6. 最後加入糖漬橙粒

7. 麵糊要雪最少4小時

8. 預熱180度目測

 

中秋節快樂

今日中秋正日，公司比我地早左小小收工，收工快快走人，返到屋佐尚早，今日可以早少少開餐。

我地主菜係花膠扒，之後食個雪糕月餅應下節，最重要同老公一齊過節已經好滿足！😆

麻薯朱古力月餅

今年中秋我特別整左月餅比老公請同事吃，老公話所有同事都非常高興，有些同事當下午茶食左，仲話好好味。另有些同事話包裝好靚，知道係朱古力味就話唔捨得食，要留返比仔女。

 

有人欣賞我當然開心啦，令我更加有動力做更多做更好！

 

提前祝福大家中秋節快樂！

 

酸種包 (sourdough ~ 香草芝士)

 今次酸種包加入芝士及香草，真係又香又好味！

其實整包真係好大學問，不過我相信只要有興趣同心機就唔會有難事！

界包刀工方面有好大既進步空間，唯有工多藝熟！😁

酸種包 Sourdough

一向唔太整包既我，為左酸種包.... 踏出第一步！

`

點解無啦啦走去整包？ 因為佢既外型好靚，當然仲係好味啦！

呢個月我既3個成品....  仍需加油！

田樂燒 - SHARP 3-in-1 steam oven 25L (蒸、焗、微波)

首先好多謝 Sharp送左一個最新款既爐比我，呢個爐有三個功能：蒸、焗及微波！ 個爐有25L 容量，爐腔闊度有38.7cm，可以放一個28cm直徑鍋具。 而且仲可以發酵麵團，岩晒呢排整包既我！

 剪綵當日，我整左日式田樂燒

 

 食材：

茄子一大隻

 

醬料：

味噌 1.5湯匙

清酒1茶匙

味醂 2茶匙

糖 1茶匙

水 少許

油 少許

 

裝飾：

芝麻 適量

木魚碎 適量

 

做法：

(1)   茄子洗乾淨用廚紙印乾

(2)   茄子切半後用刀界出格子

(3)   所有醬料攪拌放在茄子上面

(4)   預熱180度焗15分鐘，取出再掃一層醬料再焗10分鐘左右

(5)   最後曬上芝麻及放上木魚碎即可

 

Bruno 豆漿機

 買左一部Bruno 豆漿機，鐘意佢外型纖細而且隻色真係好靚，岩晒我打一杯豆腐比自己飲！

 用前先洗機，其實都好簡單，入水之後按煮豆漿個icon 就自動運行，完成前有三吓響聲。

我昨晚已浸定黃豆，黃豆去了表面的豆皮就放入機內，水就在max 之下，按下煮豆漿icon即可，差不多煮完已經聞到好香既豆味，倒出來時隔渣就飲得。

 

 

羊肚菌豆腐

 今晚用左羊肚菌煮豆腐！

 

羊肚菌 - 有益腸胃、助消化、化痰理氣、補腎壯陽、補腦提神等功效，另外還具有強身健體、預防感冒，增強人體免疫力的功效。。

 

其實處理羊肚菌好簡單，我會先用水沖15秒左右，之後再浸30分鐘，浸後會剪一刀，用水再沖洗以確保內面砂泥徹底洗淨

 

呢味餸好好味啊！