食飽飽之後，我哋就慢慢行去最香餅家買杏仁餅🥳
講起呢間店，真係唔簡單！佢喺 1957年創立，傳承到而家已經第三代，係澳門特色老店 之一。點解咁受歡迎？因為佢哋堅持手工製作 + 炭火烘焙，呢個傳統做法喺澳門已經買少見少。
最香嘅三大特色：
🔥 炭火烘焙：唔係用電爐，而係用傳統炭爐慢慢烘烤，杏仁餅會帶住一陣獨特嘅 炭香，入口酥化，呢種風味機器做唔到🫢
👐 全手工製作：從磨粉、打餅到烤餅、包裝，全部由師傅人手包辦。佢哋話「機械壓的餅『冇魂』，少咗手掌嘅溫度」
🥚 招牌蛋黃肉心杏仁餅：呢款限量發售！入面有鹹蛋黃同用砂糖醃過嘅肥豬肉，鹹香層次超豐富，每日有限，想買就要趁早排隊😅
到步之後攞籌，等咗大概50個人先到我哋，好彩大家去對面超市買飲品及涼下冷氣，邊等邊傾計，時間都好快過😂
買完杏仁餅，超滿足🤣
沒有留言:
張貼留言