煥記海鮮飯店 @ 澳門

 晚餐由吳生帶路，我哋去咗煥記海鮮飯店食飯！

講起呢間煥記，佢 1978年開業，到而家已經將近50年歷史，係澳門街嘅老字號粵菜館 。全間店有成 120個座位，好彩我地早去到，因為好快成間酒樓坐滿晒人，好誇張！

煥記最出名嘅，係佢哋嘅 特價菜🤫12 就有一碟餸！ 每枱客可以三揀一🫢 

呢個傳統由 2003年沙士 時期開始，當時生意難做，老闆為咗吸引客人推出三款超平特價菜，結果成功幫街坊渡過難關。到咗今日，雖然成本貴咗好多，但老闆為咗回饋街坊，呢個特價菜傳統一直保留到而家，真係好有人情味 ☺️

椒鹽白飯魚 ，香口惹味，送酒一流

油炮雙魷，火候十足，爽口彈牙

炸子雞，呢個係煥記嘅名物！用肥三黃雞，先浸白滷水再上脆皮，最後慢慢浸熟，皮脆肉嫩，好多熟客必點 😍

冬菇扒生菜 ，呢個就係佢哋嘅招牌特價菜之一，大大粒厚肉花菇，蠔油入味，勁正。

呢幾樣餸配酒真係一流 🍻 成間店坐滿人，熱熱鬧鬧，食得好滿足😜

三日二夜完滿結束☺️☺️