琴晚喺醫院玩咗幾個鐘，搞到成晚冇乜點瞓，所以今日決定瞓晏少少，等自己精神啲先出發。
起身之後，感覺好咗好多，終於可以正式出發去 COEX Mall 嘅星空圖書館 了！🚇
搭 2號線，喺 三成站（219） 落車，5號或6號出口，直通 COEX Mall，跟住指示行大約 5 分鐘就到圖書館。
呢個圖書館點解咁吸引？因為佢係一個 13米高嘅巨型開放式書架，成千上萬本書整齊排列，望上去真係好壯觀！而且佢唔係普通圖書館，而係一個融合咗藝術、設計同閱讀嘅空間，無論你係咪書蟲，都會被佢嘅氣勢震撼到。
去到現場，果然人山人海！📸 最有趣嘅係，幾乎人人都企喺條電梯上面影相，因為嗰個角度可以將成個圖書館嘅全景一次過 capture 晒，真係好靚！
喺商場逗留咗一陣，感受完呢個壯觀嘅空間之後，我就出發去下一個站了。😊
沒有留言:
張貼留言