返到屋企，即刻將啲戰利品拎出嚟大合照 🥳🥳 試完之後覺得好嘅，下次可以大量入貨！😆
呢次首爾之旅，有驚有喜，有笑有淚，由腸胃炎到夾車去機場，全部變晒難忘嘅回憶😊
最後一日，諗住去 ISAAC Toast 回味吓，點知⋯⋯星期日全線休息！😢 真係晴天霹靂！
因為我又要去藥房買嘢，喺嗰頭又好似冇乜嘢食，搵到間餃子店好似話唔錯。行到過去見到外貌，有啲驚污糟，掙扎咗一陣⋯⋯最後都係買少少試吓。餃子餡嘅味道唔錯，但皮就比較厚，呢啲老店你要佢改善，應該都幾困難 😅
買左幾包沿途吃
之後就去咗藥房作最後衝刺！因為琴晚喺酒店用咗一隻面膜覺得唔錯，我同老公講買多少少返嚟。老公聽完嘅反應係：「啱嘅嘢就唔係買少少，而係要買多多！」🤣 佢又講得啱喎！於是我買咗都唔少，藥房職員見到我都好開心 😂😂
後來我想買其他嘢，佢仲好老實話俾我聽：「唔使買呢隻啦，你買嗰啲已經好足夠。」真係好有良心！
返酒店拎行李，跟住就去搭機場巴士。我預嘅時間已經有鬆動，點知等咗兩架機場巴士都仍然上唔到車，皆因係中途站😱
後來有一個司機走埋嚟問我去唔去機場，收費同機場巴士一樣價錢。原來要夠人數先開車，我冇出聲，但後面有個外國人主動問我：「不如我哋夾份一齊坐？」佢走去問司機，司機話六個人就可以開車。於是一個美國人、一對日本夫婦、一對國內女性，加我⋯⋯👏🏻👏🏻 成架車即刻變咗小型聯合國！😂
去到機場，辦好晒手續
我得返好少時間食嘢⋯⋯所以如果由首爾返香港，真係要預多少少時間 🙈🙈
行程完畢，飛機準時起飛
88 了
話咁快又到香港了
老公已經喺香港機場等我接我返屋企 👏🏻👏🏻
Skincare 好用下次要再大手入貨
沒有留言:
張貼留言