話說返到酒店擺低戰利品之後，我突然覺得唔舒服。好彩吳生一早幫我準備咗「重裝備」（即係藥💊），我即刻啪咗幾粒，諗住冇事。
Oh⋯⋯My God。食完藥仲係唔掂，我就知道今次真係「奶嘢」！😵
即刻衝落 Reception 求救，職員好好人，即刻幫我 Search 醫生地址，我九秒九坐的士衝過去⋯⋯
點知！成幢大廈烏燈黑火，原來收咗工！😱
一個人企喺街頭，心諗：「今次點算好⋯⋯」
好彩「口在路邊」，我問咗一對韓國夫婦，佢哋好好人，話再行前便有醫院。我幾經辛苦，問咗好多人，終於搵到嗰間「醫院」⋯⋯
點知！間醫院冷冷清清，完全冇人！😶 我正想走嘅時候，有個著西裝嘅男士出嚟，我即刻話俾佢聽我嘅情況。佢聽完之後，又搵咗另一個女人出嚟，個女人叫我等等⋯⋯
然後，兩個男士出嚟，好認真咁問我：「你係咪要去急症？」
我話：「係呀！」
佢哋竟然話：「呢度係骨灰龕嚟㗎。」
🫨🫨🫨
真係⋯⋯利是大吉！！！🙈
好彩佢哋好好人，親身帶我去隔離間急症室。
登記時，職員同我講：「你嘅情況必須做身體檢查，費用會好昂貴，你接唔接受？」
我苦笑：「我冇得選擇啦⋯⋯🙈」
跟住就係一連串嘅「醫院大冒險」：抽血、照肺、吊針⋯⋯
有個職員同我講：「抽血會好痛㗎。」
我心諗：「抽血有幾痛啫？」
佢一拮落嚟⋯⋯我真係想問候佢全家！點解支針要好似「銳」落去咁抽㗎！！！😵💫😵💫
未痛完，另一個職員又嚟：「原來要做吊針！」
又嚟多獲⋯⋯其實可唔可以一次過搞掂㗎？😖
喺醫院玩咗幾個鐘，最後終於攞到藥，半夜先返到酒店。
雖然過程好驚險，但而家諗返，都算係一個難忘嘅「另類體驗」😂
沒有留言:
張貼留言