我又單拖出法了😆
落咗機嘅第一件事，就係拖住個29吋大喼，搭機場巴士衝去酒店 Check-in。擺低行李嗰一刻，成個人即刻輕晒，可以正式開始我嘅首爾之旅！
不過呢，原來韓國 Google Maps 係唔 Work 㗎！😱 好彩我即時 Download 咗 Naver Map，雖然一開始有啲唔慣，但慢慢摸吓摸吓，又真係用到㗎喎。
時間尚早.... 去食件早餐先
搭完凌晨機，成個人散晒咁滯，原本諗住去汗蒸幕瞓吓，但諗諗吓都係唔太鍾意，最後決定去做 Facial，等自己可以真正休息吓之餘，仲可以容光煥發咁開始行程。我住明洞，所以就揀咗間喺明洞新開冇耐嘅 Otena。（其實我都唔識㗎，純粹見佢網站企企理理，Comment 又唔錯，最重要係唔使山長水遠去江南！）
一去到 Reception，職員已經好有禮貌企起身同我講早晨，感覺好舒服。之後顧問帶咗我入房傾偈，當然會嘗試 Sell 我啲貴婦級 Facial，但只要你堅持自己嘅想法，講清楚自己想要乜，佢哋絕對唔會「落閘放狗」咁逼你，更加唔會黑面，呢點我真係好欣賞。
沒有留言:
張貼留言