萬千寵愛在一身既 Milton

今次主角是Milton，他媽咪揀左呢個款既蛋糕 (根據facebook 之前我做過的款式)，只是要求第一層的星星改為黃色。

 

現今的小朋友真的好幸福，昨日下午去到會場時，場地佈置、圍數等就如結婚晚宴般，雖然見不到主角，但也知道他是萬千寵愛在一身的 baby，在此祝願Milton快高長大，活潑聰明！

 

 

神奇的 Young Living Lavender 精油

足夠的睡眠是很重要，大多數人都覺得睡眠是一種享受，可惜我係一位好緊張的人，個人情勢及工作壓力更經常令我失眠。

一向有用精油習慣，但從兩個月前，我改為每晚diffuse Lavender，第一晚神奇地一覺到天光，以為人太累了，不過這兩個月來我睡眠質素的確改善了。

五月初參加了瑜珈班，因為我想將自己再放鬆…. 相中是第一次的試堂相…. 其實是好基本的動作，加上小班教學，老師在旁細心協助… 唔識的見到相真的以為我好勁呢！其實我的目的只有一個，就是為了放鬆自己。

 

明日假期了…. 要好好享受及休息，祝大家端午節食粽大快樂。

咖哩魷魚魚蛋

那些年，放學後去搵推住木頭車既街邊小販 “唔該一串辣魚蛋”

現在的香港已經沒有”推住木頭車既小販”
想回味童年街頭小食，唯有自煮啦！
童年回憶：街頭辣魚蛋

 

 

 

食材：
魚蛋1磅
魷魚1隻
咖喱醬一包
麻辣醬半茶匙
乾蔥三粒
蒜蓉一湯匙
糖半茶匙
海鹽適量

做法：

 

先把魚蛋及魷魚清洗後飛水

 

 

熱鍋下油後爆香乾蔥及蒜蓉
 

 

加入魚蛋及魷魚爆炒一分鐘

 

 

加入咖喱醬及麻辣醬煮至收汁為止
最後加入糖及海鹽 (自行試味)

 

 

我的生日 ~~ 西貢六福菜館 / 半島酒店~~金佐日式料理

今年生日是在星期二，本來打算請兩三日假可以去個 short trip，不過公司收購了一間公司，這排忙到飛起….，根本冇可能請假！

打算唔拎假，誰知吳生興高采烈同我講佢請左一日假，還提議去長洲，我覺得唔錯呀，因為我未同佢去過長洲....

 

可惜星期一晚工作太趕太忙，加上這排壓力太大我已有點胃痛，生日當日起床有點頭暈… 最後我取消唔去長洲，唔想暈船浪。

 

最後入左西貢，去左有米芝蓮之稱既六福菜館… 飽到上心口呀！

 

 

晚上我揀去半島既金佐… 已一段時間冇來，不過食物真係唔錯。

   

今年生日雖不是多采多姿，不過我覺得平平靜靜也不錯，只要兩個人係一齊已經十分滿足。

准山綠豆湯

朋友給了一個清熱解毒湯水，以及可以預防濕疹病情惡化及減輕痕癢，煲法超簡單，我今晚又煲了。

 

 

 

淮山1兩

薏米20g
綠豆30g
百合30g
茨實15g
水1500ml
 

做法：

(1)    綠豆要先浸幾小時
(2)    准山先浸15分鐘
(3)    其他材料稍略沖洗
(4)    所有材料放入煲後加水，大水煲滾再中細火煲2小時
 

溫馨提示：

(1)    不可加任何糖份
(2)    每日飲用兩次，連續飲數日

 

功效：

薏米：清熱、健脾滲濕
准山：補腎、補脾養胃
綠豆：清熱解毒，預防濕疹病情惡化及減輕痕癢

Vitantonio 櫻花閃粉紅色窩夫機

上月Vitantonio 推出櫻花粉紅色窩夫機，路經city super 時見到V機及blender，即時想買blender，因為好似幾方便， 幸好我冷靜想想，自己已經有Bosch stand mixer，根本唔需要再買，至於V機當日趕住去街，打算下次才買，誰知推出一星期已經售罄。

 

基於此色是限量版，所以官方網站發出聲明唔會再返貨，初時我的確有小小失望，不過這不是我的must buy item，所以有或無根本無所謂，而且我深信市場部見到咁受歡迎，好快又會推出其他限量顏色。

 

在某烘焙店訂購食品時，見到該店也有賣V機，我順手多打幾隻字問下有沒有貨，回覆當然是沒有啦，對方提議我訂白色，我又順手打幾隻字請對方將我排去waiting list，最後我收到通知有機了，問我要不要…… 

 

見到相片就知道V機已在小廚房了，跟機附上三個模具，分別是心心、三文治及cupcake，而且仲有一本書。要抽時間玩下先得喇~~~~

蕃茄醬水牛芝士焗雞

之前已經做過一次番茄醬水牛芝士焗雞，但當時在超市買既水牛芝士唔太好 (唔太溶又唔太濃)，今次轉左另一隻水牛芝士…. 見到相就知道掂喇！

 

 

材料：

雞上脾四件

雞蛋一隻
麵包糠
自制蕃茄醬
水牛芝士

自制蕃茄醬材料：

去皮蕃茄醬一罐
蒜茸10g
洋蔥50g
甘筍50g
新鮮羅勒葉10g
鹽及黑椒 適量

 

做法：

(1)    用橄欖油爆香蒜茸及洋蔥

(2)    加入甘筍及新鮮羅勒炒軟
(3)    加入蕃茄醬煮滾後轉細火煮一小時左右 (煮至收乾汁)
(4)    最後加入鹽及黑椒 (自行試味)
(5)    雞件灑上鹽，整件雞件沾上蛋槳後再沾麵包糠
(6)    用橄欖油煎香雞件每邊黃金色
(7)    焗盤先鋪上番茄醬、加入雞件、鋪上水牛芝士、再鋪番茄醬，面層再鋪上水牛芝士
(8)    預熱焗爐180度，焗到芝士微濃或黃金色 (視個人喜好)

過程

 

橄欖油爆香蒜茸及洋蔥

 

 

加入甘筍及新鮮羅勒炒軟

 

加入蕃茄醬煮滾後轉細火煮一小時左右 (煮至收乾汁)

 

最後加入鹽及黑椒 (自行試味)

 

雞件灑上鹽，整件雞件沾上蛋槳後再沾麵包糠

 

用橄欖油煎香雞件每邊黃金色

 

焗盤先鋪上蕃茄醬、加入雞件、鋪上水牛芝士、再鋪番茄醬，面層再鋪上水牛芝士

 

預熱焗爐180度，焗到芝士微濃或黃金色 (視個人喜好)

 

 

 

溫馨提示：

(1) 煮好後的番茄醬可以用 blender 打至滑身 (想有口感可以不blend)

(2) 可以一次煮多少少番茄醬，之後入冰箱。(最長保存期為半年)

橄欖油 & 山茶油

以往一直買橄欖油食用，家中有很多不同種類橄欖油，因應不同需要用不同的油。

如 olive oil , extra virgin…

後來聽說山茶油比橄欖油更好，於是又上網找找資料，又跟朋友打聽下…

最後我買了一支試試！到底山茶油有什麼優勢地方？

原來橄欖油含不飽和脂肪酸是75%-90%

而山茶油含不飽和脂肪酸則有85%-97%

而且可以降低膽固醇，改善心腦血管疾病，亦很合適脂肪肝患者食用等等

令我改用山茶油主要原因是煙點最高是230度！而橄欖油則只得160度！

我覺得用山茶油可以更安心

**買時緊記要買“冷壓 cold pressed”。因為冷壓才保留到營養；熱壓成本平、出油多但就破壞了品質！

單是食油都已經有一堆學問…..  幸好現在科技發達，要找資料的確唔難…. ！

喜瑪拉雅山鹽

入廚以來，只有第一包是用白幼鹽，之後我一直買了不同款式食鹽，但買得最多的始終是“喜瑪拉雅山鹽”。棄用傳統白鹽是由一次跟同事閒聊時，同事問到我用什麼食鹽？其實我當時甚少入廚的，但見同事好認真研究，而他表示家中已棄用白幼鹽，主要是太多化學加工及漂白，是非常差的食鹽。

 

那時候我正在睇中醫調理身體 (遭受皮膚敏感煩惱)，而當時中醫再三提到用其他糖代替白砂糖，原因也是對身體唔好！沒想到食鹽也是一樣… 眼見該同事平時甚為精打細算，但也豪買比較好的食鹽…！

 

那次之後，我家中已經再不用白鹽了….  到底喜瑪拉雅山鹽有多好呢？坦白說，我只知道是天然礦物鹽，大部份都沒有被精製、沒受污染及漂白，比其他也較多礦物質。

 

日後買鹽時都會留意標籤…. 一般都會有這些字眼….

Unrefined

Unpolluted
100% natural pink salt….

 

至於完全棄用白砂糖則有點困難，因為做蛋糕唔多唔少都會用到…. 但會盡量少用及找代替品！

桃膠、雪蓮子、紅棗糖水

上次用桃膠煮糖水，大家都好有興趣！
如果有感冒發燒等症狀，則不宜食黃耳。
今晚用紅棗代替黃耳！

材料：

桃膠15粒
雪蓮子15粒
紅棗7粒
圓肉12粒
百合18g
水500ml
冰糖(如有需要)
 

做法：

(1)    桃膠、雪蓮子、用水浸發至軟身
(2)    紅棗洗乾淨後剪開去核
(3)    百合洗淨浸約15分鐘
(4)    桃膠、紅棗、圓肉、百合及水煲滾後轉中火煮15分鐘
(5)    加入雪蓮子再煮5分鐘

過程：

 

早上拿出15粒桃膠浸發

 

 

13小時後..... 發大好多呀~~

 



家中沒有百合，屋企樓下有余仁生，於是買一樽試下

 

 

桃膠、紅棗、圓肉、百合放入煲

再加入水共煲20分鐘

 

完成! 食得~

 

溫馨提示：

-         桃膠含植物原蛋白、可增加皮膚彈性並有清血降脂降膽固醇功效

-         雪蓮子可補腎虛及暖子宮
-         桃膠不要煮沸過度，否則會溶化 (建議目測)
-         紅棗及圓肉已有甜味，所以自行試味，不夠才加入冰糖