話說最後一日喺Rovaniemi，Check out後諗住輕輕鬆鬆由聖誕老人村搭Express去火車站
點知… 噩夢嚟喇！😱 諗住寄倉行李？No way！全場Locker爆滿！一日得兩班夜車，仲要已經full咗，完全冇機會！😨
心諗：死啦，點算好？🤯 即刻問隔離餐廳有冇得收費寄存，佢話公司policy唔得，但教我行去上面有個地方可以放行李。好！零下十幾度，頂硬上！最後行到身水身汗，發現… 被老點！😭😒個位根本冇嘢！
返轉頭，決定喺餐廳食住等。點知行返去Locker位，竟然有人開櫃！🤯 即刻霸咗個位！Good Luck返嚟喇！🎉
仲有四個鐘，衝呀！去最出名嘅麥當勞打卡（呢度要講個小知識：雖然佢長輩係「最北麥當勞」，但其實呢個名銜已經傳咗畀挪威特林素[Tromsø]嘅分店，因為俄羅斯摩爾曼斯克間分店2022年收咗皮，所以特林素而家先係真正嘅大佬😂 ）。由火車站行過去，條街靜到… 但一入麥當勞，嘩！人山人海！門口已經有人瘋狂打卡，我梗係都要影返張相留念啦！📸 仲攞咗免費Post Card，正！✌🏻
點知行出門口冇耐… 跣！成個人趴喺冰上！😱 痛到傻，但都要扮冇事，即刻彈起身繼續上路！🤣
下一站：羅瓦涅米教堂。行過去十幾分鐘，諗住入去祈禱同欣賞北歐簡約風壁畫。點知… 下午休息！😨😨😨 再見教堂，後會有期！🙏
再諗住去極地博物館Arktikum，諗住打卡玻璃長廊，睇北極文化。行行吓發現… 好Q遠！方圓百里都冇車！仲未食Lunch，如果miss咗夜車就大件事！立即跳過！✅
即刻Search下仲有幾耐，改去Lordi廣場漫遊。雖然有Google Map，但問人最穩陣！迎面見到一對情侶，問完路，忍唔住同個女仔講：「You are very beautiful！」佢真係靚到不得了，成個明星咁！😍 佢笑住多謝我，成個人都開心晒！🌟
最後一站：主要購物街Koskikatu。
經過Lordi廣場，先醫肚！食咗碗熱辣辣芬蘭豬肉麵，碗麵好好味！成個人暖返！😂 跟住慢慢行街，再去超市買朱古力，芬蘭出名嘛！🍫
預鬆少少時間返火車站，途中經過憤怒鳥公園，笑死！🤣
入到火車站，嘩！人山人海！拎完行李，所有人已經走晒，原來大家準備上車。
又要再坐 12.5小時夜車返Helsinki，Rovaniemi 完滿結束！呢個時候，我都真係覺得自己幾勁！🤣🤣 話晒自己一個人全程又飛機，又船，又火車，仲要Good Luck
零下十幾廿度都冇大問題😏 北極圈，下次見！❄️
沒有留言:
張貼留言