晚餐訂咗 Fossil and Flame 呢間恐龍主題餐廳，真係好鬼有心思！由你一入餐廳、搭𨋢上去嗰下已經入戲
有瀑布、又有草叢、更又火焰，好似準備去探險咁。點知𨋢門一打開，哇……恐龍🦕🦖就喺你面前望住你😆
餐廳特色方面，佢其實係「侏羅紀世界體驗館」入面嘅旗艦餐廳，成個場境設計到好似你走入咗個恐龍研究基地咁。有火山火焰烤爐、有機械恐龍行嚟行去，夠晒Gimmick。燈光、聲效、場景全部交足戲，都斷多打卡位。
食物方面，我哋兩個人叫咗：
半份 Rack of Bones（豬肋骨，個名夠晒應景）
一條焗爐魚（重點係佢個醬汁真係超驚喜，好味到想問侍應有冇得淨係買汁！😂）
本來滿心期待想試嗰隻恐龍蛋甜品（Molten Chocolate Egg），點知……賣晒 😭 傷心到恐龍都喊。
最後轉咗 The Dig Site，由吳生親自落場「玩沙掘化石」，佢拎住支掃仔撥吓撥吓，真係好似考古學家上身咁😂 (有片😆)
講真，嚟得侏羅紀體驗館，點都要試埋呢間餐廳。不過上Google一睇，嘩……啲分數咁低嘅 😨 食完之後，我覺得要同佢平反一下！好好食就絕對冇佢份，但絕對唔係咁差，其實還可以的，大家當個體驗😝
食完飯我哋行咗一陣夜市，跟住就坐船走人。點知咁鬼好彩，遇上煙花表演 🎆 成個天爆到七彩，為今晚畫上完美句號。
返到酒店即去樓下日式超市行個圈睇下有乜要買😅 之後返房擺低嘢梳洗，兩個人二話不說衝咗去做泰式按摩。泰式按摩真係冇得輸，又拉又拍又摺，成個人鬆晒😌💆🏻♀️💆🏻♂️
沒有留言:
張貼留言