象牙婚之旅終於出發！

一收工{嗱嗱聲}趕返屋企攞行李，然後「仆」住飛去機場，趕搭夜機由香港飛曼谷，我專登揀咗阿聯酋A380，夜機慳時間又夠舒服😃

過關後衝入lounge快快脆食個晚餐就上機，上到機冇耐又有飛機餐食😅 戲都未睇完就話到咗，成件事超級快😂

泰國過關都順利到冇朋友😁 住宿揀咗洲際集團旗下嘅Staybridge，我比較鍾意住Phrom Phong呢區。

出發前已經email同酒店講我哋凌晨先到，叫佢點都要留間房俾我哋。到步check in超快，鬼咩……得我哋兩個😂 

見到接待處有隻象擺設幾得意

望望吓職員突然話送俾我哋一人一個小象鎖匙扣😍 好sweet ！

雖然酒店行去BTS才10分鐘，但酒店好窩心，每半個鐘就有shuttle bus車你去BTS，爽呀😝 而且每日由早到晚都有瑜伽堂，噢。。。。我地早出晚歸，今晚無法參加到😅

放低行李就落左去九樓嘅The Den，嗰度24小時免費供應飲品小食。因為我想飲熱水，所以落咗去，半夜三更當然冇人啦

返房梳洗就即攤唞😴