Fazer Cafe

呢間唔係普通cafe咁簡單，係芬蘭人嘅國民咖啡館，創立於1891年，超過130年歷史！佢哋嘅口號係「芬蘭的味道」，真係冇誇張，當地人由細到大都係食Fazer朱古力大，就好似我哋細個食瑞士糖大白兔糖咁😂

一入去，古典優雅嘅室內設計，水晶吊燈、雲石枱面，完全保留百年風韻。但最緊要係食物！😋

我二話不說嗌咗件朱古力撻同熱朱古力。件撻一入口⋯⋯ 嘩！掂喎！ 🍫 身為朱古力控，呢件撻真係擊中我心臟！外層酥脆，內餡濃郁幼滑，朱古力味超醇厚，唔會太甜，一啖接一啖，完全停唔到口！🤤

但杯熱朱古力就有啲⋯⋯ 失望😅 可能期望太高，飲落朱古力味唔夠濃，偏淡。不過算啦，有件完美嘅朱古力撻搭救，成個experience都係滿分！💯

回想成個芬蘭之旅，真係回味無窮🤩🤩🤩

同吳生講起：「我覺得芬蘭比黃刀更加好玩喎！」

佢即刻詐型：「吓？咁即係我唔喺度，所以你覺得特別好玩啦？😏」

我笑到肚痛：「你咁講又好似有啲道理🤣 不過認真mode：可能因為芬蘭有聖誕老人村，有成個童話世界喺度，仲有破冰船著龍蝦衫浮喺冰海，真係一世難忘！嘅活動星期六舉行❄️」

吳生聽完，反問我一句：「咁即係想點？」

我秒答：「有機會再去，一定捉埋你！ 等你可以親身感受吓，順便幫我試埋Fazer Cafe杯熱朱古力，睇吓係咪真係咁淡🤪」

芬蘭，一個連鎖事都充滿童話色彩嘅國度。唔係普通旅行，係成個人跌咗入北歐童話故事入面✨😍

12.5小時夜車、零下十幾度跣低、Locker爆滿奇蹟、路人美女笑容、岩石教堂嘅震撼、老農貿市場嘅生蠔解鎖⋯⋯ 每一刻都值得記住。

下次，一定帶你嚟，吳生。👫