終於去到聖誕老人村！4點先可以拎到酒店房，咁先辦好手續，既然未有房咁擺低行李就行下先。 見到佢安排48號房，由酒店大堂行去住既地方雖然話只是對面再行到尾，但凍天雪地呢😄 咁我順便問吓 reception 有冇近少少嘅房 ，心諗：「冰天雪地仲要拖行李咁遠？」但佢話其實唔算太遠，都明白嘅，慢慢在雪地行啦當散步，機會難逢麻😂😂
酒店行吓商舖，周圍都係聖誕老人，心情即刻靚晒！我一生最愛聖誕節，細個成日夢想要去聖誕老人村，估唔過咗幾十年先夢想成真 😂😂
本想Book 咗村內一間出名餐廳，但 peak season 唔俾訂位，要 walk in。見佢12點開門，11點幾就去排，好彩第一輪岩岩入到，唔使變雪人企街等 😂
叫咗芬蘭名物藍莓汁、超滑三文魚湯（雖然我鍾意杰身啲，但都係好味！）、同炒鹿肉。
食完去玩鹿拉車，再行吓小店，然後去拎籌同聖誕老人影相。
過程：
攞籌 > 等指定時間 > 再排約一個鐘！影！！！😆
成個過程好神秘，見唔到入面發生咩事。到我啦。。。。。。。入到去同聖誕老人傾幾句，影咗兩張相，落樓揀相：一張相、兩張相定相連片？揀咗一張，即刻 print 俾我，但冇電子檔架😂
之後再行一陣.... 入夜就愈凍丫
在聖誕老人村日子，成個人都好 relax，加上香港休假中，公司冇搵我，成個靈魂終於真正放假！😂😂
沒有留言:
張貼留言