🌟 冰酒店初體驗：到底去唔去好？ 🌟

講起冰酒店，其實我都唔知世界上有幾多間😂 出發前仲諗：山長水遠，凍到震，到底去唔去好呢？結果都係覺得「嚟到就試下啦！」🤣

最後真係無後悔！成個體驗真係好特別，啲冰雕藝術靚到好似走入另一個世界咁😍 一開始有個 presentation，仲有專人講解，歡迎我哋發問問題，幾有趣。

之後就係參觀每間酒店房

我仲試吓坐上去張冰床🤣🤣 嘩，咁凍點瞓呀？

我參加呢個 tour 係包晚餐嘅，都有諗過好唔好在冰酒店餐廳度食。

同吳生商量完之後決定：都係算啦，零下十幾度喺度食晚餐？搵自己辛苦咩😂 所以我揀咗另一間餐廳。

結果呢個決定好正確！

個湯真係超級好飲，飲完即刻成個身暖晒🔥 我仲好想叫佢比多碗我🤣🤣 服務員超級nice

主菜食烤魚，烤得好好味

甜品都唔錯㗎！

🧊 原來全世界咁多國家都有冰酒店！

🇸🇪 瑞典 – 全球第一間冰酒店（ICEHOTEL）

🇫🇮 芬蘭 – 凱米冰堡＋北極玻璃屋

🇳🇴 挪威 – 號稱「最北端」嘅索利斯尼瓦冰屋酒店

🇨🇦 加拿大 – 北美唯一全冰酒店：魁北克冰宮

🇷🇴 羅馬尼亞 – 要坐纜車先去到嘅巴萊亞冰酒店

🇯🇵 日本 – 北海道Tomamu「冰之村」

🇨🇭 瑞士 – 鐵力士山冰雪村莊

🇨🇳 中國 – 內蒙古敖魯古雅冰酒店

🇦🇹 奧地利 – 阿爾卑斯冰屋村

🇺🇸 美國 – 阿拉斯加奧羅拉冰博物館

原來冰酒店比我想像中普及咁多😍 我呢個井底之蛙真係要放眼看天下先得喇！