向北極圈挺進啦～ Rovaniemi，我嚟啦！👏🏻💪🏻

 火車站 cafe 吃了一個 bagel ，好好食啊！ 之後就要坐12小時火車去羅瓦涅米😍

搭夜車車由赫爾辛基北上 Rovaniemi ， 真係一個難忘嘅開始！😆

我件行李又大又重，好彩遇到一對好心嘅夫婦幫手，一齊夾手夾腳抬上行李架（因為其他位早就滿晒😅）。

專登買, 襯返聖誕氣氛

喺車上越坐越凍，望住窗外厚厚積雪，個景真係靚到喊😍 落到車前，好彩嗰對夫婦又幫我拎返行李落嚟，否則真係企喺度投降。

到埗後即刻同架火車打卡📸 因為有聖誕老人喺度嘛！

零下23度嘅空氣真係唔講得笑😳 喺雪地等車去聖誕老人村，足足25分鐘，發現眼鏡結冰、眼睫毛都變冰條！成個人最凍係對腳，塊面同個鼻仲紅過關公🤣 好彩我有件勁保暖嘅外套頂住，上身仲叫保住。

今次真係一個畢生難忘嘅極地體驗，凍到入心但又開心到震！🎅❄️