今日特登同老公去譽瓏軒食午餐，我是提早慶祝佢嘅生日🎉 。作為米芝蓮三星餐廳，果然名不虛傳，無論食物、服務定環境都一流！
精緻菜式逐樣嚐
灌湯日本毛蟹小籠包
鮮甜到不得了😍，湯汁同蟹肉嘅搭配真係絕配。
翡翠玉龍餃
賣相精緻，味道清鮮😋。
酸辣海參餃子
口感同味道都好特別✌🏻，令人印象深刻。
蜜汁黑豚叉燒
蜜汁香甜，肉質軟腍，真係食到唔停口😍。
黑松露燒雞
黑松露嘅香氣完全融入嫩滑嘅雞肉裏面，超好味👍。
意外驚喜生日禮物
食到甜品嘅時候，職員突然同老公講「生日快樂」，因為我提早同餐廳安排咗呢個小驚喜🎁。見到老公又意外又開心嘅樣，今餐真係完美🎂。
難得嘅三星體驗，同至親分享美食同快樂，係最好嘅生日禮物。譽瓏軒果然係慶祝特別日子嘅首選！
沒有留言:
張貼留言