寒天滋潤湯水・螺頭海椰皇湯

天氣轉涼，喉嚨皮膚都開始乾乾哋，今日決定煲返個 清甜滋潤、養肺潤喉 嘅湯水暖一暖身😁

湯水鮮甜得來帶淡淡椰香，加埋螺頭嘅鮮味，真係飲完喉嚨即刻舒服晒～😌

 材料：

海椰皇 180g

螺頭 （乾或急凍均可，浸軟處理）

豬展 1 大個

紅蘿蔔 1 大條

粟米 1 大支

南北杏 適量

無花果 6 粒（潤肺又帶天然甜味）

做法：

1️⃣ 豬展洗淨飛水去除雜質。

2️⃣ 乾螺頭預先浸軟，去除內臟後略為飛水。

3️⃣ 所有材料放入湯煲，加足夠清水，大火滾起後轉中細火煲約 2 小時，加鹽調味即可。

✨ 功效：滋陰潤肺、化痰止咳，特別適合天氣乾燥或轉季時飲用。