新加坡 + 民丹島慶生之旅 – 無招牌 No Signboard Seafood

Day 2

由民丹島坐船返到去新加坡之後，辨理完過關手續就拿行李，好快好順利。跟住就坐的士去酒店了。酒店位於 Orchard 區的 Grand Hyatt。一下車酒店職員即時幫我們拿行李，一入大門，酒店都好大，好多職員，又有另一位職員帶我們去辦理 check in 手續，辦理完之後我們上到房時，已經見到行李！

梳化前有一支紅酒，原來酒店還送我們紅酒。其實在訂完房時吳生請酒店準備一個生日蛋糕比我，當一切溝通完之後，我們也確認 check in 時付款，後來收到酒店通知，他們會送我一個生日蛋糕，估不到現在還送紅酒。吳生見到就話：""要我一個人飲晒支紅酒""！

之後我們去餐廳問一問蛋糕，職員查了一下單之後就說會依我們時間稍後送蛋糕上房。所有事都辦妥之後我們就可以外出了。

吳生安排了去無招牌吃晚餐

天氣太熱，凍飲是指定動作！好細杯....一杯無可能夠呀….

由於今晚要切蛋糕又紅酒，故此我們都不敢叫太多。吳生話書中介紹沙律油條，所以他點了這個。而我就想食麥片蝦，所以我點了蝦。另一個就是大家都共識的白胡椒蟹。

沙律油條其實是手打墨魚肉掬成條狀再灑上白芝麻炸的

白胡椒蟹好好食，吳生話這裡的味道比在 Kelong 食仲要好，我就覺得兩間都好好，不過 Kelong 的蟹肉就比無招牌更加好食。吳生邊食邊說，下次叫一隻更大的食。我表示唔得啦，因我仲有其他食店想食。

麥片蝦，好香呀…..  好好食呀，這是我第一次吃麥片蝦，真係好好食…..

吳生話要點甜品，我拒絕喇…. 酒店有個蛋糕在等我們回去呢！哈~~~

食完在附近行一陣，好多人影夜景，這裡有人在唱歌…. 

行前些少就是魔天輪等….

 這間是 Max Brenner Chocolate，不過好飽，食唔落喇。

旁邊就是被當地某雜誌選為 The Best Cookies in Singapore 的 The Cookie Museum，我見有些人在飲杯茶食件餅，我都好想是座上客，不過有蛋糕等緊我，所以睇下就走人，現在都覺得蠢左，其實應該買些 cookie 返香港食都好麻。

行完一陣就坐地鐵返酒店

哇~~蛋糕已經送上來了

我的生日禮物

 

朱古力非常好食

 

 我們 12:00 就玩吹蠟燭，蛋糕好食呀，不過兩個人食唔晒 2 lbs 囉！餘下的放番入雪柜！

 就係咁我又老左一歲！