抹茶栗子包

 收工返到屋企第一時間打粉，因為明天早餐冇著落 >__<

 

有栗子蓉未開，所以試下整抹茶栗子包，我用五十鈴抹茶粉，栗子蓉係冇甜味，所以自己調教，另外加左少少rum 酒就再香啲。

 

出爐忍唔住食左半個，好好味啊

 

紫薯月餅 / 朱古力月餅 / 奶黃月餅

今日同朋友一齊整月餅，我地3個人整左3個味道：紫薯、朱古力、奶黃！

其實我好鐘意同朋友一齊烘焙，當中可以分享心得，獲益良多。

朋友仲整左斑蘭戚風蛋糕，又有拉花咖啡，更有芒果西米露，好正好正！

今日整完....  攪到我又想再整多少少請朋友食

 

喜之次一夜干

屋企樓下間 stay hungry 見到喜之次做緊特價 $151.80 呢個價好抵食

喜之次有日本紅寶石之稱，除有大量維生素A可預防感，亦有促進維生素E吸收。

魚肉質幼嫩，含有豐富膠原蛋白，非常好味😋

我用最簡易方法烹調，將魚清洗抹乾，預熱焗爐200度12分鐘😝

Mash午餐盒

灣仔返工揾食難，一到午飯時間食市門口企滿人，所以早前我都嘗試自己帶 lunch box ，我唔想拎玻璃盒因為重，所以我帶沙律為主，咁唔需要入微波爐。

立秋後加上落雨，唔想次次自己午餐凍冰冰，見到呢個盒又輕又靚，仲可以入微波爐，更重要係要made in Japan  😍😍

老公睇見話咁細？一定唔夠飽🙄🙄 其實都唔細，個飯盒仲有兩層😄 底層可以放飯，上層仲有一格可以放餸！我覺得係夠飽的，最後我烚多一隻雞蛋，咁就一定夠晒😂

同事見到仲話似煲仔飯😁😁

米芝蓮懷舊點心@大圍小館

今日去左大圍飲茶

揀左間米芝蓮懷舊點心中菜館

呢間長期人山人海

一來得獎，二來價錢親民

我地兩個食左六樣野

蜂巢炸芋角好好味，好鬆又唔咸

脆皮松子仁叉燒包係老公揀，佢話平時外面都好少見到有呢款

懷舊魚翅餃 ~ 小時候外婆必叫呢款點心，我已經好耐冇食過，真係好好味，有大大隻蝦同好爽既木耳

懷舊煎糯米雞 ~ 第一次食煎既糯米雞，外面酒樓都係蒸，我地都覺得得意又好味

黃沙豬潤腸粉 ~ 老公話小時候有豬潤腸粉，係咩? 我記得一直都係食牛肉呀，蝦呀.... 呢個豬潤腸粉好好味，仲有薑蓉架

懷舊淮山雞扎 ~ 我平時唔鐘意呢款，因為好肥好油，但呢個就完全冇呢種感覺，難怪點心紙寫住推介

大部份都係懷舊嘢😄😄 其實仲有好多都好想食，可惜灌湯餃已經賣晒，加上兩口子亦都食唔落咁多！

食過就明白點解會人山人海😋😋

蕃茄豬肋骨

 買左一包豬肋條，今次用蕃茄去煮，因為蕃茄好味而且茄紅素又有抗氧化功效等等

 

材料：

豬肋骨1包

蕃茄3個

洋蔥1個

甘荀1支

糖/鹽適量

 

做法：

(1) 豬肋骨用鹽/糖/胡椒粉/醬油略醃

(2) 豬肋骨用2邊煎至啡黃色

(3) 加入洋蔥炒一陣

(4) 加入蕃茄(一大半)及甘荀，加入糖及鹽後上蓋煮20分鐘左右

(5) 加入餘下蕃茄再煮一陣，自行試味

奶黃月餅

原來我消失左一段時間，雖然我冇出任何煮食帖，不過我無偷懶架。

下月中秋節，趁昨日有時間試整十幾個奶黃月餅，出爐即時吃了半個，真係又脆又好味。

另外朋友已相約28號柴娃娃一齊焗月餅，每人負責一個味道，我仲未決定乜野味道，奶黃？芝麻？咖啡？朱古力？斑蘭？ 太多心了... 不過我唔整流心，因為驚功力唔夠，花了時間心機都唔流，一於取易不取難😂！

 

不需牛油亦不需糖但好好味既麵包

早前我出了一個post ，焗出黎既包唔需要牛油亦唔需要糖，都一樣好好味，好多朋友都問我食譜，咁就開心分享食譜

 

高筋粉 370g

幼麥粉40g

黑麥芽粉2g (不加也可)

酵母6g

鹽5g

水280g

無花果100g

合桃50g

 

 

(1) 除無花果及合桃放入廚師機打至有筋性

(2) 加入無花果及合桃攪勻

(3) 把麵團搓圓進行一發，約45分鐘至1小時

(4) 把麵團排氣後分割2份後造形二發約30-45分鐘

(5) 晒上麵粉用刀界幾刀

(6) 預熱210度20分鐘

 

**每隻粉受水程度不同，流淚粉約360g；春之戀約370g；夢之力水減10g

**除無花果外，我亦改用富澤既橙粒，出黎效果非常好味

 

reference : 

春之戀 /   昭和幼粒全麥粉 /   無花果合桃麥包

美食+靚景 @ 幸匠燒

星期六去左海運幸匠燒吃午餐，假期既尖沙咀非常人多亦難於訂位，多謝朋友幫手訂位仲送左coupon 比我，由於有coupon 呢餐仲減左400大元，所以呢餐飯好抵食！邊吃邊對住維港景色，超級正！

 

估唔到星期六都會lunch set，我地2個人叫左2個餐，一個係鰻魚鴨肝 另一個係幸之盛，另再叫左雞泡魚干及九洲槍魷魚燒！老公仲叫左杯黑啤，隻杯有兩粒骰仔好得意！

 

由於係午餐所以配有沙律、湯及白飯，吃了沙律更加開胃而且有帶子，雖然薄片但好新鮮好好味。我地見到好多人都係叫鰻魚同幸之盛，果然係signature。

 

鰻魚鴨肝

鰻魚好肥美而且好juciy，再加上我喜歡既鴨肝，無得頂

 

幸之盛

有和牛串、牛舌串、雞肉長蔥燒，燒車里茄、翠玉瓜、露筍豚肉串

食物都係即食即燒，和牛同牛舌好好味，其他都是水準之上，燒完唔會好乾丫！

 

九洲槍魷魚燒

原隻魷魚燒得好好味，個醬汁無得頂，唔會硬而且口感爽彈，老公講左幾次話燒得好好！

 

雞泡魚干

呢個係我必叫，我估無難度，去任何一間吃都係咁好味！

 

 

吃飽緊係去行下街先，路過son級蛋糕，老公問我，咁似你之前整既蛋糕？ 係呀，無錯呀，就係我上星期整既芝士蛋糕，一睇個價.，哇，外面買一個6吋要538元，好貴啊！ 不過咁講，人地出名又要人工又要租金，咁緊係唔會平啦！

 

返到屋企我又即時再整一個，今次用左220度45分鐘，出爐放涼再雪好，今日即時送左比2位朋友，希望佢地鐘意我既小心意啦！

 

Basque burnt cheesecake 巴斯克芝士蛋糕

 昨日整左basque burnt cheesecake，出爐時成品係震騰騰，凍左再放入雪柜，雪完就會實返晒！

 

整芝士蛋糕，Cream chesse 一定要買隻好味既，我揀左 Luxe ，因為口碑好係信心既保証！

 

材料：

忌廉芝士350g

糖75g

雞蛋3隻

忌廉300g

雲尼拿籽隨意

低筋粉15g

Rum 10-15g

 

做法：

(1) 忌廉芝士放軟，先打散再分2-3次加入糖

(2) 雞蛋分3次加入

(3) 再加忌廉及雲尼拿籽

(4) 低筋粉過篩

(5) 加上rum 酒

(6) 焗爐預熱210度55分鐘

(7) 出爐放涼再入雪柜