朋友告知在觀塘一間海鮮店買海鮮，食物質素很好而且勝價比高，所以相約煮美食。我地買左一隻長腳蟹，一條象拔蚌及一隻黑金鮑魚！三件海鮮加一碟生菜就是三個人的晚餐，好耐已經冇一齊飯聚，整個晚上傾得非常開心！
灼生菜
長腳蟹洗乾淨入蒸爐100度25分鐘 (三斤多)
堂灼象拔蚌及黑金鮑魚
飲杯... Cheers
2021年6月20日 星期日
父親節快樂 / 小米體脂磅
今日係父親節，祝所有父親都快樂去搵錢養妻活兒！ ~加油~
估唔到父親節我收到一份禮物，就係一個體脂磅，多謝妳啊！
呢個磅我會比老公專用，因為我去瑜珈中心已經有一個磅，已儲存個人資料。
先給老公試磅，首先入好電池，盒入有說明書，說明書上有QR CODE，之後掃描就可以在電上裝上apps〝小米運動〞，之後就輸入自己個人資料，包括性別、出生年及月，身高即可。
而輸出資料包括；
基礎代謝
內臟脂肪
肌肉量
BMI
體脂
水份
蛋白質
骨質
如果得出結果欠佳，會提示未達標指標 / 需關注指標等等。如果結果理想也會顯示標準 / 優等等
現今時代，我們已經不止是只看體重或BMI來取決一個人的肥或瘦，所以數據輸入在手機上，方便查看變化，令自己易於管理自己的體重。
2021年6月15日 星期二
筆試 yeah yeah yeah
有一日老公突然問我係唔係想學車？如果想就去學啦！
下.... 我講左N次話學佢都反對，今次竟然主動提出👀
你提得，我第二日即打去駕駛學院問資料，之後火速上去報名！
回想起來，當時是在年頭報名，但因疫情運輸署未開，等到開工時再排期就係今日考筆試，足足等左四個多月，真係誇張。
我今日考試時間是16:40 亦是全日最後一場，20分鐘答20題，答對16題才算合格。我下午請了假，不過我有其他事先去銅鑼灣再去政府合署，當坐下來吃午餐便收到老公信息問我係邊？佢過來匯合我！可能佢見我這幾天假期心情緊張，所以過來做啦啦隊為我打氣。
回家路上收到短訊，我合格了💪，接下來等排路試！ 好多謝老公既支持，有你真好！
2021年6月14日 星期一
端午節 ~ 吃粽應節日
今日係端午節，祝大家節日安康！
每到節日前都會相約去舊同事屋企包粽，今年也不例外，大家預早報數以準備足夠材料，我今年包12隻，主要是給自己及家人！
我覺得今年包得唔錯，每隻都有尖角而且速度不慢，哈哈！
包完拿回家煮了2.5小時左右，要吃時再隔水蒸熱！
同場加映，前面是一隻愛心粽，多謝街坊送比我，糯米部份改為用：小米、藜麥、白米再加小量糯米，好健康啊。
2021年6月13日 星期日
2021年5月30日 星期日
忙碌的一天
雖然今日係假期，但又是忙碌的一天！
早上先煮好早餐比自己，今次我煮左從來都唔鐘意食既雞胸肉！ 既然唔鐘意咁點解又買呢？ 原因去買雞上脾時，職員話買2包有折扣，見到有雞胸肉就想起有2位朋友話其實唔難食，所以我都試下！
其實雞胸肉既蛋白質可以促進肌肉生長，身體必須有足夠肌肉才可以燃燒卡路里，想到呢一點.... 即管試下，更重要係我老公從不揀食，有了他作後備，就可以放心買！
我只用少計鹽及黑椒慢火煎，出來效果又幾OK，唔會 “鞋口”！
吃過早餐休息一陣就出發做瑜珈，今日玩得好爽，雖然我冇氣冇力！ 總之就自己盡力而做，因為拉筋真係好重要，可以減少左平時既痛証！ 筋長即筋鬆，筋鬆即皮、筋、肌肉之間增加了空間，而這些空間正是血管、神經、淋巴所在之處，空間闊落後即由單線行車變為雙線甚至四線！ 而淋巴好也有很多好處：如排毒、排水腫、炎症等等，也可以增加血液循環！
下午就去了新城市，先去了春水堂午餐，其實很多年前已經在台灣飲佢既珍珠奶茶，真係唔錯。
吃完午餐就去一田，朋友通知Thermos 1.8公升真空煲由$738減到$448 仲有3個保鮮盒送，抵到震！
之後我睇Bruno 豆漿機，職員先講解點用，我覺得好吸引，因為有 blend 及煮既功能，當然最吸引我仍然係外貌+顏色，很可惜新貨冇任何優惠，再問之下原來下星期有新色，就係紫色 😍 老公話到時再去看實物先決定買邊隻色！
之後再去超市買些食物，都係揀左優惠價... 魚呀，蝦呀，無花果，豆，菜，肉.... 等等！
晚餐食左乜？天氣熱已經唔想煲老火湯，今晚煲左個快靚正兼好有營養既 “蕃茄豆腐蛋花湯” 再煮左今日買既香蕉蝦，其實隻蝦係無香蕉味，減價後$178一包，勝價比高，值得一試！ 熊本蛋$20一盒超抵，只買左2盒因為冇手再拎太多野！
2021年5月29日 星期六
2021年5月24日 星期一
2021年5月13日 星期四
均衡飲食... 健康早餐
以往早餐都是買個包吃便算，事實真係唔健康又冇益！後來就在家中打杯昔再加些蔬果，雖然比吃包好一點。
最近經表妹介紹了一位資深運動治療師給我，她了解我平日飲食之後，指出若要要吃得健康，飲食必須要注意營養均衡，方可以減掉身體內脂並把脂肪變成肌肉。
其實早餐是很重要，所以我再調整了必須包括三個類別：
(1) 蛋白質 - 再細分為動物蛋白及植物蛋白
(2) 澱粉質
(3) 蔬果
現在已習慣早上自己煮好早餐才返工，看看我今日早餐：
(1) 雞蛋2隻及枝豆
(2) 麥皮一碗
(3) 沙律菜及蕃茄
我相信持之以恆，必定可以有所改善！
訂閱：
文章 (Atom)