土俗村人蔘雞湯

 🧖‍♀️ 做完 Facial 之後⋯⋯

我望吓個時間，都唔想再慢慢研究 Naver Map 了，於是決定豪氣啲，直接坐的士去咗景福宮附近嘅土俗村人蔘雞湯！🚖

其實呢間我之前已經食過幾次，但今次嚟到首爾，點都要 Encore 吓先對得住自己 😃👏🏻 

我要咗最基本嘅原味人蔘雞湯，味道依舊，雞肉嫩滑、湯頭濃郁。但唔知點解⋯⋯今次隻雞入面少咗粒栗子 🌰 有啲啲失落，但味道仲係一樣咁好，算啦～原諒佢！😂

食飽之後我冇再入景福宮，因為已經去過幾次，單拖入去又冇乜意思，反而喺附近隨意行吓，享受吓首爾嘅午後陽光。

行到有啲攰，就走入一間裝修好有 feel 嘅咖啡廳，坐低嗌咗杯熱玫瑰花茶，慢慢嘆，放空咗一陣。

之後再喺附近行吓街，買咗少少嘢，就返酒店擺低，再準備去吃晚餐😊