識我既朋友都知道我唔飲酒,因為唔飲得…..
自從四月在弟婦屋企飲左一啖梅酒就愛上了梅酒
因為相當易入口,甜甜地既味道,加上好有益
回家途中已經即時搵資料
當晚即時在網上訂了五月可取的紫姫梅及4L南高梅
五月正是青梅當做時間,時間真係岩岩好 ^^
浸梅酒要一年才收成
所以我揀日本既梅及有信譽既食品公司
免得浪費時間及心機
訂好梅之後就跟朋友一起研究用酒、梅及糖的份量
梅:我地買左紫姫梅 / 南高梅 / 紅南高梅 / 完熟梅
糖:揀左日本冰砂糖,呢隻糖最岩浸梅酒
酒:買左三款,分別係25度寶燒酎 / 30度泡盛 / 35度果實酒
紫姫梅好細粒但超級香
4L南高梅
紅南高梅色水最靚
4L完熟梅
25度寶燒酎 (買左一箱)
30度泡盛
35度果實酒
材料:
梅1kg
糖600g
酒1800ml
做法:
(1) 梅子先用水浸洗
(2) 用廚紙印乾梅並風乾
(3) 用牙簽挑去頂上的蒂
(4) 可以輕力將梅子界上十字,梅汁易於釋放出來
(5) 放梅子在樽內並加入酒
(6) 三個月後才放糖 (避免梅子皺皮)
溫馨提示:
梅子必須徹底風乾,否則會發霉
浸酒期間,緊記輕搖酒樽,令糖份更均勻
三個月後才放糖,可避免梅子皺皮)
在酒樽上浸酒日期以作記錄
飲梅酒可以養生、美顏、提高免疫力
1kg梅用4L樽有較多的空間 / 如用3L樽就岩岩好
你好,請問30。同35。酒係邊可以買到?
回覆刪除唔好意思依家先睇到你留言, 一田有得賣.
刪除所以最後浸出黎酒精度數邊隻好飲啲?我自己怕啲酒加完梅放成年會壞一直都係用30以上,未試過低度數
回覆刪除