HK ----> London

Day 1 - June 3, 2011

今日就要出發了，心情沒有半點興奮，整個早上就是忙於把手上的工作盡力完成，希望同事接手我的工作不會太辛苦。

到了下午終於鼓起很大的勇氣打了一個電話.....................

一早對自己說一定要準時下班，否則來不及回家再整理最後的行李再去機場。誰知愈是急便是急不來。我最後也不能在六點正下班，也因為這樣，所以安排了車輛在家樓下等我送我去機場，我是 23:25 起飛，車子在 21:00 樓下等我。

出發前一晚...... 下班後即買了以下作準備

 

這個對我來說沒有用....因我知道去程一定睡不到... 我是買給 BF 的.. 想他睡得舒服些

本身已經有二張8GB 咭... 當時仍決定不了是否帶 notebook ... 所以買多幾多咭... 現來回想覺得自己有點 "痴線".... 買太多了 !!!

去到機場就趕快把行李寄倉，過了海關發現忘了買旅行保險，幸好打算給弟婦幫我辦理妥當。

在機場先吃點… 再上機吧！

我的晚餐... 可能由 lunch 至十點多... 所以特別好吃

BF 說要吃麵... 原因之後日日都是吃西餐... 所以他揀選了味千

 

 

 之後趕快登機... 已經是最後召集....

 

 

上到飛機就聽到有小孩的哭聲，哇~ 你不會由香港哭到倫敦吧？！ 怎麼那麼愛哭那麼長氣呢？他真的哭過不停呢 !

在飛機上拍的雲海 ... 好靚啊

回來了

 我回來了, 終於完成了整個旅程, 由於時間關係, 我沒有買到想買的......

給我一些時間同大家分享我的 hea 玩 / hea 食 / hea 影 啦

總結 : 這是一個 hea hea hea 之旅 !


原因整個過程都係一個字 "hea"

 

 

 

Shopping Day

今日自己一個人shopping， BF 就去觀光，因為有些地方我之前已經去過了… 我揀左間酒店在百貨公司旁邊，行到累又再回去休息一陣…

間百貨公司真係人山人海…  LV / Gucci / Longchamp 都排晒隊，好誇張 @@

 

Dior 袋好靚呀~~~ 我估一定好貴….

 

最愛平底鞋....原因是舒服..... ~~

 

Prada 袋幾好，夠大.... 所有東西入袋就可以走人了… 而且皮質唔錯, 不過好貴!

 

百貨公司八點關門.... 未關門前 BF 已經接我走喇... 我們有節目

 

本來今日好開心的... 不過 BF 好認真同我講...今次英法婚照是最後，他唔會再同我影婚照，不知是否太辛苦呢？還是過程不開心？

 

尾聲

英法之旅的婚照已經完成了，這是值得開心的，因為完成了一項項目，從此不用再煩了。

在行程當中，亦出了exam result ，我收到成績，我感到很滿意，而且更開心的事就係已經完全完成這個課程了。

我同BF說我終於畢業喇，誰知他的反應是…. “你唔好再讀喇”…. 哇… 好掃興呢… 一句恭喜的說話都冇

這個旅程應該是拍攝婚照為主要目的… 最後變成了飲飲食食英法遊…  

我回香港再慢慢update 我的行程/ 我的經歷/ 我的感受/ 我的得著，將來老年再回看當日的我是否很傻呢…

出發喇

在航機上了、所有事已經完完全全攪好，今次真的可以好好享受英法之旅！ 希望盡快分享相片啦 ^0^

行李限制

我的同學提我，不論是 BA or VS 行李限制好麻煩。手提行李一件就是一件，別妄想一個手袋 + 一件行李。 寄艙行李也是一件，不可以分開二件，若分開兩件就要另外收費！

我打電話去航空公司了解，原來是真的，我還以為只有國泰嚴！我都未試過去旅行一喼去一喼返。

成人/小童寄艙行李限額
每位乘客可携带1件行李，行李重量最多为23 公斤且尺寸不超过90 x 75 x 43厘米，（35.5 x 29.5 x 16 英寸）。 任何一件行李的長、闊、高總和，不得超過208釐米(即81吋)。

經濟客位及特級經濟客位
每位經濟客位及特級經濟客位乘客可攜帶1件手提行李登機，尺寸不可大於23x36x56厘米(約9x14x22英寸)，重量不可超過6公斤(13磅)。

幸好航空公司的職員提議我在 CHECK IN 時買多一個寄艙行李位，只要付上指定金額，就可以多寄一個行李 / 重量也是不能多於 23公斤。

其實我知道過重呢個問題，不過就要視乎 check in 既職員是否放你一馬，但看來維珍很嚴，所以我也只好有這個準備吧！

之前去倫敦坐過英航同 Air NewZealand，我也不止寄一個行李，都一樣不需要額外收費，最厲害都是去台灣，由台灣回香港我的行李比限制超出一個 double，那職員還笑笑口問我買那麼多茶葉？ 我很不好意思說那不是茶葉呢！

我還未執拾行李，應該說是未有時間去處理行李，這次應該是我去那麼多次旅行去程最多行李的，想到又要轉車轉酒店，真是煩死了！ BF 為了這次旅行已經買了一個 30" 喼，我總不可能要他一人拖二個喼，還有一人一個 hand carry 行李呢....  想起來都幾頭痛，BF 還叫我帶電腦去，可是我的不是 netbook，係好重的 notebook 呢！ 我會放棄帶喇~~~

是時候要整理一下行李了吧

交通 - 巴黎地鐵

二年前去英國時，見到地鐵圖都好驚，好似好複雜，事實英國地鐵是好清晰。

巴黎.....  我見好多人都說指示不清楚.....  希望到時順利啦，不想用太多時間搵路

曼聯 (old trafford)

今次同 BF 去英國，覺得總要同他去球場，上次我同朋友都沒有去，因為大家興趣不大...  而且我地太多地方想去！

當初 BF 都想去曼聯，但他知道要用一日時間，而且知道我興趣不大，所以他寧願揀去車仔....  等我多些時間去其他地方。

我睇左行程時，其實都可以去....  於是就買火車票，買完之後原來先知道要買理當地車票，因為可以在火車站坐去球場，算了，到時先再買！

買完之後再去曼聯網頁睇下，大件行了，我去個日沒有 Museum and Tour 的票賣? 不是吧？？今次個 trip，想去法國既地方已經所有都去唔到，現在想去球場又沒票？我已買左火車票呢！

於是我 send email 去問，不過我真的好心急，等不到了！ 於是打電話去問，原來當日只會有少量票賣，所以就不提供 online booking ，還問我是否想買，我講比對方知已經買了火車票。於是他幫我在電話登記，比了日子 / 姓名 / 地址 / 電話等等………. 資料佢他們，最後對方比了個登記號碼我，到時去 counter 就可以取票了！

希望到時順順利利啦，否則這一天車票就會浪費了。  每程火車都要 2小時45分鐘呢！

不過去到英國，真係做唔出不同 BF 去朝聖囉！

 

One year count down @ Amigo (雅谷餐廳)

時間過得真係好快，之前時時說兩年後結婚，今天已經是一年前倒數了。今天起身見到天氣都ok，希望明年今天都是天氣好吧！

其實我今日係要返學的，不過 BF 問我可唔可以唔返…. Check 過今日既堂後，決定做一次逃學威龍。

BF 接我收工後就去左 Amigo 食飯，他一早 book 了枱，這間餐廳相信好多人都識，所以不用再講，而且服務係非常好的。

枱上有本小小的 memo pad, 印上 BF 名字, 因為是他訂位的.

有麵包同多士揀, 你都可以要兩樣, 不過我揀了多士

我要了鵝肝做前菜, 我非常鐘意食鵝肝, 事實又真係好好

蜆肉周打湯味道唔錯, like !

主菜之前上左個西柚雪葩, 其實係清清你口腔內既味道後食主菜

主菜我要牛柳, 牛柳都 ok

之後是甜品同飲品 !

好飽呀

老實講, 食物是不錯….但未至於好好食個種, 不過環境同服務係非常好 !

我同 BF 都非常滿意

 

 

 

 

其實食的過程有個小插曲 .....
BF 食完 Main course 之後說去洗手間，我都覺得怪怪地.... 見他行出去時, 個 waiter 一路同他說話 .... 有古怪呀 !! 之後個 waiter 行過來問我有沒有相機，我話有，拎出來時候，BF 就返來，後面跟住隊 live band，之後突然拿出一束花…. 當時好多人望過黎，BF 仲說有人做見証….. 真係估唔到他竟然做咁既野。Waiter 幫我兩影相，之後有三個人就在我地面前唱歌。

 

 

  

今個晚上真係好開心呢！

Le Creuset

知道 Le Creuset 開倉, 不過我只得星期六日先去到 @@

星期六我在他們關門前去到, 其實只想買個煲, 不過當日真係好多貨都, 估不到 BF 好落力幫我睇, 他見到有個我要的煲, 不過我唔鐘意黑色, 所以放棄 !

今日星期日, 因有事要去 TST, 之後七點去到, 比昨日多左 些貨.... 突然比我見到有個淺藍色的煲, 一手 "立" 左先....    之後睇晒全場, 真係得番這個



但係得 25cm ....其實我覺得真係唔夠大, 但我超鐘意隻色, 於是 BF 問個職員, 個職員話這隻色沒有再大了, 賣光了~~ BF 好努力找, 他好開心找到一個 27cm 米色, 他睇來睇去都覺得應該買 27cm, 又話米色都好好, 我咪話 27cm 其實都不夠大, 這個買來炆野啦 ~~ 下次見到岩 size 先再買個大....  見到他唔心死, 仲四圍睇有沒有其他的時候, 我就快快去付錢



之後他話, 你又唔老實講你好鐘意這個色, 一定要買 ?! 下.... 我講左下次先買大囉, 這個可以滾下湯同炆野麻....  他一句 : 你識炆咩 ? 

收獲唔多, 只買左三樣^^

 

 

 powder blue 25cm, 我真係勁鐘意 !

原價 $2,688 / 現價 @1,150

 

24cm dish 買兩隻, 一紅一藍

原價 $1,208 / 現價 $280

 

 

希望下次再開倉時可以買到我想買的 ! 上次買隻煎 pan 都拎到我死死下, 今次好在有 BF 幫手.