酒店吃完早餐後，我地坐船到 Sri Phraya 碼頭，落船行大約五分鐘就到 Warehouse 30。
Warehouse 30 被譽為「曼谷版嘅駁二倉庫」，由二戰時期嘅八座軍械倉庫改造而成，係一個充滿工業風嘅文創園區。裡面保留咗原始嘅磚牆、鋼架同木地板，粗獷得嚟又充滿設計感。園區內有藝廊、獨立書店、精品店，仲有間專賣懷舊二手好物嘅 Horse Unit，慢慢睇，感受藝術同悠閒嘅氛圍，平日人唔多，特別舒服。
我哋喺 Warehouse 30 慢慢行吓睇吓嘢，之後準備去廊1919之前，中途去咗 Dae Gu Coffee 飲杯咖啡、食件餅。
呢間咖啡店就喺 Warehouse 30 對面，雖然地方唔大，但環境乾淨溫馨，價錢亦好實惠。我哋叫咗兩杯飲品：吳生要咗 Banana Coffee，我就揀咗 Mocha，兩杯都非常好飲！佢哋嘅餅仔仲會放入焗爐稍微整返熱，食落非常鬆化。
之後我哋就繼續出發，去下一個景點廊1919。he
沒有留言:
張貼留言