晚餐我哋去咗Sri Trat，兩年前食過覺得好好食。呢間一定要訂位，因為真係好多人嚟食。
Sri Trat係一間主打泰國東部菜嘅餐廳，仲拎過米芝蓮必比登推介。佢個名來自泰國東部一個叫「桐艾府」（Trat）嘅地方，好多菜式都係跟老細媽媽嘅食譜整，風味好樸實又夠地道。餐廳裝修好有懷舊殖民地風格，環境舒服，仲有個吧枱可以嗌特色雞尾酒。
我哋嗌咗幾樣嘢食😜😜
泰式生蝦
新鮮爽彈，配埋酸辣海鮮醬好開胃。
魷魚🦑播
上次食過覺得好味，今次再叫。佢哋嘅魷魚外層乾身、入面嫩滑有咬口，點甜酸辣醬超夾。
紅咖喱蟹肉：呢個係紅咖喱煮蟹肉，咖喱香辣微甜，仲有椰奶嘅濃郁感，入面加咗南瓜，甜味同咖喱好夾，送飯一流。
芒果糯米飯
經典泰式甜品，糯米軟糯，芒果香甜，淋上椰奶，完美作結。
好滿足既一餐😌
沒有留言:
張貼留言