2014年4月6日 星期日

Le Creuset Private Sale (April 4 – April 8)


心大心細…. 我要去嗎?要買要用的都夠了,不過我最後仍是去了。
 
昨日跟 Emma 一起進場今次大會安排比以前好很多,因為是用派籌形式,拿了籌後我倆就去吃早餐,不過有規定要在30分鐘內回去。即你每次要離開大隊時就要登記,每次在30分鐘之後回去即可。
 
上年我沒有自備購物袋很狼狽,今次只要先付20元就可以有一個好大的LC購物袋,離場時交還就可以退回按金。
 
入到場內你可以有1小時15分鐘購物,大會也有個螢光幕顯示倒數時間…. 每個人都爭取時間選擇心頭愛。
 
雖說我沒什麼想買,但仍有一個目標是 trivet,以往多次都買不到,今年我終於買到了,,雖然不是想要的nutmeg 色,不過已經好滿足。

 只用了30分鐘就買了以下戰利品了
 
 
更驚喜的是買了 mini round cocotte 而且只需要 380元,好抵買!
 
 
雖然沒有 nutmeg,但這個藍色都唔差。Trivet 最早期才200元,今年已經是450元了,加幅都算驚人,今年遇上了,乖乖買它回家。

 
Emma 好快手幫我拎左心心碟、spatula stand。沒有花花碟,看見這個心心碟也不錯。見到心碟就會想起 Carman 因為她鐘意心形物品。
心心碟230 / Spatula stand 290 雖然已經有這支小掃,不過多一支也無妨
 
 

雖然我不煮飯,不過飯碗100元,我買了二隻,日後可能有用!


 
mini saucepan 95元,之前代購買貴差不多一倍,所以揀多一個kiwi
 
 
這隻大碗是幫朋友買的,當時不知價,付款後見單才200元!好大個好抵用
手套是在付款時剛剛有位職員拆箱,即時要了一對! 20元抵到爛!
 
 
回到屋企吳生見我又拎一大袋…..  
吳:你又買野?屋企不是已經有了?
我:買野都是為了煮野比你食
吳:又買碗?不是已經有碗?
我:邊有?之前是湯,碗,今次是飯碗!
吳:下…. 飯碗….  我地既碗碟夠啦唔好再買好唔好?
我:唔買野,我做人咪無晒樂趣囉 @.@
吳:又買手套你岩岩唔係買左咩?
我:係呀!不過呢個 quality 唔錯,而且 20蚊!
吳:咁平?咁你唔買多d !!
…. 我明了,下次購物回家,如問起我價錢時,我會話是跳樓貨,每件都是十元八塊…. 哈哈哈~~~~
 
 
 

 
 

12 則留言:

  1. 大家都買到好開心, 難得你老公都覺得值得買~~~

    回覆刪除
    回覆
    1. 佢都係是但講幾句!佢有佢講,我有我買!哈哈

      刪除
  2. 回覆
    1. 九點幾 :-D

      好想買士多啤梨同茄子,可惜無呀!

      刪除
  3. 咁平?咁你唔買多d !!>>> 呢句好好笑 XDDD

    回覆刪除
  4. 好開心呢 ~ 真係買極都有!
    哈哈 ~ 對手套真係好抵買原價$4xx,我話比honey知家下買$20,佢都即係問我點解唔買多幾套?(仲要加多句,尤其係你咁鐘意買嘢送比人wakaka XD)。諗返起又係喎......

    回覆刪除
    回覆
    1. 我返到屋企才諗到應買多二對送比人

      刪除