桃膠、雪蓮子、紅棗糖水

上次用桃膠煮糖水，大家都好有興趣！
如果有感冒發燒等症狀，則不宜食黃耳。
今晚用紅棗代替黃耳！

材料：

桃膠15粒
雪蓮子15粒
紅棗7粒
圓肉12粒
百合18g
水500ml
冰糖(如有需要)
 

做法：

(1)    桃膠、雪蓮子、用水浸發至軟身
(2)    紅棗洗乾淨後剪開去核
(3)    百合洗淨浸約15分鐘
(4)    桃膠、紅棗、圓肉、百合及水煲滾後轉中火煮15分鐘
(5)    加入雪蓮子再煮5分鐘

過程：

 

早上拿出15粒桃膠浸發

 

 

13小時後..... 發大好多呀~~

 



家中沒有百合，屋企樓下有余仁生，於是買一樽試下

 

 

桃膠、紅棗、圓肉、百合放入煲

再加入水共煲20分鐘

 

完成! 食得~

 

溫馨提示：

-         桃膠含植物原蛋白、可增加皮膚彈性並有清血降脂降膽固醇功效

-         雪蓮子可補腎虛及暖子宮
-         桃膠不要煮沸過度，否則會溶化 (建議目測)
-         紅棗及圓肉已有甜味，所以自行試味，不夠才加入冰糖

Young Living Purification 淨化僻味精油

上星期打算煮一個新菜，部份醬料用了蝦膏，今次真係死得！

全屋好濃烈蝦膏味，以為打開窗吹一整個晚上會無事，可是一丁點幫助都沒有。

於是打電話去抽油煙機公司，希望有洗機服飾…. 令人失望的答案：無！

職員教我煲清水45分鐘，我收工返到屋企即照做。

 我的朋友勁人姜則教我加入2個檸檬，於是急忙跑去超市掃入檸檬…. 45分鐘後好了一點，第二晚又照做，今次好了好多.... 但走近抽油煙機摩打還是有一點味道，做到第三晚時已心灰，但總覺得世上是沒有解決不了的事件，總會有其他辨法的。

 

於是…….請教了朋友丁，丁稱他老婆煮完晚餐後，每次有味則用香薰去味的……

就是朋友丁這句說話令我想起有屋企有 Young Living 香薰。

 今次請教靚女首領是否有去味的油，她提議我用Purification，這支有淨化僻味功能，心灰下也膽粗粗一試。

 Wow…… So amazing !!!!!

用完第一次真的一點味都沒有了，我同老公都覺得好神奇…..  今次真的很感恩，我差點以為要換抽油煙機，一支Purification 可以省回萬元，也令我體會到Purification 的威力！認識了你，日後會好好運用你的長處！

今次算了執返身彩！！！

絲婚之旅 & 半島 Gaddi's

轉眼結婚四年了，四年真係好開心，所以感覺時間過得特別快。每年結婚週年都會去旅行，今年也不例外。

 
一直好想看北極光，曾提議 honeymoon 時去看，可是吳生好怕凍又有鼻敏感，佢好擔心頂唔順…. 但今次佢竟然主動提出去看北極光… 真係開心死我。

很可惜吳生在 3.17這段時間沒辦法請到長假，公司下命令不準請長假… 所以我們提早了出發，整個旅程亦已完結。現在回想起在零下三十幾度等待極光出現，仍然好回味！

其中一晚的極光….. 好靚好爆好奇妙，我們兩個手拖手在雪地看住極光跳舞，感覺好幸福呢！

 

今日是正日… 兩個都取了大期，當然要外出吃飯慶祝一下… 我揀了去半島食法國菜！Gaddi’s 有專用電梯直達

 

我唔飲得酒…. 杯紅酒是吳生的，我只好要支有汽礦泉水

 

這個包有walnut 我覺得好好食….

 

但這個就更美味.. 食唔停口…. 包內有煙肉同洋蔥… 超級正

我們既食物…. 相當美味….

 

個蛋好好食... 配上baby salad 及煙鴨胸.... 最like個display.... 好型好有特色

 

 

平時我唔食鴨胸，但這個鴨胸味道唔錯

 

朱古力是我至愛.... 加上是黑朱古力

 

 

 

 

 

朱古力餡做得好有層次.... 好食

 

好開心就共渡了四年時間.... 希望日後都係開開心心過活每一天

 

我會盡快分享極光之旅….. 要提自己唔好懶！

 

 

 

LC LM Trivet

人間有情~~

 

上星期在LC買了少許心頭愛，但始終未能買到LM (Lilac Mist) Trivet，星期二下午收到友人whatassp，原來佢好幸運地買到一個，而這一個佢決定先讓比我，因為知道我好鐘意，更鼓勵我可以與22cm LM buffet 一齊用…..

 

Trivet 今日到手了…. 只要我有煮食，你一定會出現在我餐桌上的。我覺得自己好幸運，屋企人及朋友都對我好好 ^^

 

 

 

 

佛羅倫斯小廚房專頁 :

https://www.facebook.com/florencelittlekitchen/

有興趣可以來看看及給我一個 like ^^

桃膠、雪蓮子、黃耳糖水

天氣乾燥，喉嚨好乾… 友人提議食桃膠！

桃膠？是什麼來呢？做點功課找找資料….原來好滋潤，膠質好重

 

材料：

桃膠十粒

雪蓮子十粒

黃耳兩粒

圓肉適量

冰糖適量

 

(1) 桃膠、雪蓮子、黃耳用水浸發十小時間或以上至軟身

(2) 所有材料加水煮半小時或燉1至1.5小時

 

溫馨提示：

-         桃膠含植物原蛋白、可增加皮膚彈性並有清血降脂降膽固醇功效

-         雪蓮子可補腎虛及暖子宮

-         黃耳浸發後把黑色雜質洗淨

-         可用其他食材代替黃耳及雪雪蓮子，例如：雪耳 / 木瓜 / 雪梨等等，更可因應個人喜好加入百合 / 杞子 / 紅棗等

-         桃膠不要煮沸過度，最好不超過30分鐘

 

** 真係好方便又唔難煮，最大動力係對身體好好…. 無藉口去偷懶喇

Le Creuset Removal Sale (March 4 - March 17, 2016)

以往LC是在三月及九月做開倉，近這二年則變成四月及十月。上星期四收到通知中環店舉辦搬遷大減價，真是意外….  更意外是今次見到竟然有LM色 (Lilac Mist)。

 

早前有限量版LM的煲我當然有參加，只是沒被抽中…. 今次的LM色真的令我心動了。今次我有五個心水想買，星期六我單人疋馬上山，最後派了第三志願給我… 雖然如此但也令我開心一整天，而且排隊時認識了兩個靚女，大家講下買煲碟心得，時間好快就過了！

 

星期日則約了友人再度上山，等入店前大家講下天南地北、什麼都聊，當然離不開買煲及煮食。那天則被獲派第四及第五志願之餘…. 仲有意外收獲！

 

說回我的戰利品…..

 

(1) 22cm LM buffet ß 真係好靚… 已準備了開光菜式，待假期時可剪綵。

 

(2) 26cm grill pan ß 這是為老公而買，他曾問點解煎牛扒無坑紋？Grill pan 其實好易買到，不過我要遇上鐘意顏色才會入手，Chiffon pink 當然無得輸…. 屋企仲有一個18cm媽咪，都係Chiffon Pink 呢！

 

(3) Salt Miller ß 去年在日本買了粉紅的Pepper Miller，但Salt Miller 缺貨，唯有先買一個。事隔半年終於買入Coastal Blue Salt Miller，佢地可以一家團聚。

 

(4) Flower planter 一出時我已好鐘意，可是日本也買不到RQ色 (Rose Quartz)，當時買了灰色，因為灰色都好靚…. 今次意外見到有我最鐘意RQ色，價錢比日本買便宜很多，順手帶理佢返屋企。

 

(5) Storage Jar 早於三年前已經在日本入手RQ色，今次竟然有粉色配木蓋，雖然不是RQ色，不過Salmon Pink 也唔差，重點對我也好實用….  於是….. 又係順手帶理佢返屋企。

 

我廚房又多了成員…….  ！

Mauviel 銅煲

一直想買 Mauviel 銅煲，記得早幾個月前訂了一個細的frying pan及一個sauce pan，可是一直沒有貨，之後就不了了之！買它的原因除了有外貌，其實也有內涵：因為傳熱快及不粘鍋 ^^
 

這次、我再遇上Mauviel，可以說是一種緣份，在店內見到它時，被它深深吸引住，而它也渴望跟我回家….. 就是在這種感覺下，我從美國帶它回家！

 

 

 

相信很多喜歡煮食及買廚具的人，對Mauviel 不會陌生，它是巴黎的老牌子，創業於1830年，提供法式工藝製造銅製餐具等。M’Heritage 有分150及250兩種，即是煲的厚道1.5mm及2.5mm。而手柄有分三類，分別是：Cast Iron鑄鐵、Stainless Steel不銹鋼及Bronze 青銅。

 

因為剛回香港所以仍未開光，銅煲放在煮食爐上，令我的小廚房內即時高貴了…..  哈哈！

 

**使用方法：

-         第一次使用時可用洗潔精加水清洗後，燒一煲水加入半個檸檬作清潔用。

-         平日煮食後如常清洗。
-         有污糟可用檸檬加鹽清洗。
-         銅煲可以粗用，記緊清洗完要徹底抺乾。

 

 

 

 

慢煮牛臉肉

新一年第一日，煮一個超級好食又零失敗 “慢煮牛臉肉”

 

 

材料：

和牛臉肉 450g

甘筍粒45g

西芹粒30g

蒜頭切粒3瓣

洋蔥粒30g

茄膏10g

黑椒粒3g

香葉1塊

紅酒75g

雞湯850g

薯仔1個

牛奶適量

 

 

燒熱平底鍋下油，放入和牛臉封煎備用

 

 

用另一個煲爆香蒜頭，之後加入甘筍粒、西芹粒、洋蔥粒及茄膏炒香

 

 

已煎封的和牛臉回煲，加入紅酒，待紅酒蒸發再加入雞湯用中火煮滾

 

 

預熱焗爐160度，整個煲入爐焗2小時

 

 

  出爐先取起和牛臉備用

 

 

用hand blender把煲內食材blend至混合

 

把已blend 好的肉汁過篩 (自行試味)

 

 和牛臉及肉汁再次放回煲內，用小火煮15分鐘

 

 

薯仔切件，用miele 100度蒸30分鐘

用另一個小煲燒熱下油，已蒸好的薯仔加入並壓爛，加入適量牛奶、海鹽及黑椒

 

薯茸伴碟，和牛臉切片，再淋牛肉汁

 

 

我facebook 專頁 :

佛羅倫斯小廚房

https://www.facebook.com/florencelittlekitchen

有興趣可以來看看及給我一個 like

回顧 2015年

原來已經兩個月沒有寫 blog 了，因為我好多時都直接在 facebook fanpage update。

 

2015年要完結，係時侯做一個簡略回顧 。

一月

吳生生日，雖然我忙於裝修事項，但也自煮晚餐慶生。

二月

忙於搬屋趕在新年前入伙。

三月

過去半年忙碌於新屋事，沒時間安排在外地慶祝結婚三週年，在新屋自煮晚餐過渡。

四月

佛羅倫斯小廚房誕生。

五月

布吉之旅慶祝結婚三週年及我的生日。

六月

最後一件傢私入屋，所有傢私齊全。

七月

人生目標又拉近了，我仍需努力、努力再努力！

八月

洗手間的鏡終於到步。

九月

媽咪生日，第一年在家中自煮，我跟弟婦合力下廚！

十月

揀了好幾幅親手做的花球作為家中掛相，每日看到作品都很開心、很有意思！

十一月

入伙大半年才搞House Warming！

十二月

我最愛的聖誕節，今年很意外吳生安排了一份聖誕禮物給我。

 

希望2016年開心順利，活得更精彩。

我facebook fanpage :

https://www.facebook.com/florencelittlekitchen/

有興趣可以來看看及給我一個 like