行李限制

我的同學提我，不論是 BA or VS 行李限制好麻煩。手提行李一件就是一件，別妄想一個手袋 + 一件行李。 寄艙行李也是一件，不可以分開二件，若分開兩件就要另外收費！

我打電話去航空公司了解，原來是真的，我還以為只有國泰嚴！我都未試過去旅行一喼去一喼返。

成人/小童寄艙行李限額
每位乘客可携带1件行李，行李重量最多为23 公斤且尺寸不超过90 x 75 x 43厘米，（35.5 x 29.5 x 16 英寸）。 任何一件行李的長、闊、高總和，不得超過208釐米(即81吋)。

經濟客位及特級經濟客位
每位經濟客位及特級經濟客位乘客可攜帶1件手提行李登機，尺寸不可大於23x36x56厘米(約9x14x22英寸)，重量不可超過6公斤(13磅)。

幸好航空公司的職員提議我在 CHECK IN 時買多一個寄艙行李位，只要付上指定金額，就可以多寄一個行李 / 重量也是不能多於 23公斤。

其實我知道過重呢個問題，不過就要視乎 check in 既職員是否放你一馬，但看來維珍很嚴，所以我也只好有這個準備吧！

之前去倫敦坐過英航同 Air NewZealand，我也不止寄一個行李，都一樣不需要額外收費，最厲害都是去台灣，由台灣回香港我的行李比限制超出一個 double，那職員還笑笑口問我買那麼多茶葉？ 我很不好意思說那不是茶葉呢！

我還未執拾行李，應該說是未有時間去處理行李，這次應該是我去那麼多次旅行去程最多行李的，想到又要轉車轉酒店，真是煩死了！ BF 為了這次旅行已經買了一個 30" 喼，我總不可能要他一人拖二個喼，還有一人一個 hand carry 行李呢....  想起來都幾頭痛，BF 還叫我帶電腦去，可是我的不是 netbook，係好重的 notebook 呢！ 我會放棄帶喇~~~

是時候要整理一下行李了吧

交通 - 巴黎地鐵

二年前去英國時，見到地鐵圖都好驚，好似好複雜，事實英國地鐵是好清晰。

巴黎.....  我見好多人都說指示不清楚.....  希望到時順利啦，不想用太多時間搵路

曼聯 (old trafford)

今次同 BF 去英國，覺得總要同他去球場，上次我同朋友都沒有去，因為大家興趣不大...  而且我地太多地方想去！

當初 BF 都想去曼聯，但他知道要用一日時間，而且知道我興趣不大，所以他寧願揀去車仔....  等我多些時間去其他地方。

我睇左行程時，其實都可以去....  於是就買火車票，買完之後原來先知道要買理當地車票，因為可以在火車站坐去球場，算了，到時先再買！

買完之後再去曼聯網頁睇下，大件行了，我去個日沒有 Museum and Tour 的票賣? 不是吧？？今次個 trip，想去法國既地方已經所有都去唔到，現在想去球場又沒票？我已買左火車票呢！

於是我 send email 去問，不過我真的好心急，等不到了！ 於是打電話去問，原來當日只會有少量票賣，所以就不提供 online booking ，還問我是否想買，我講比對方知已經買了火車票。於是他幫我在電話登記，比了日子 / 姓名 / 地址 / 電話等等………. 資料佢他們，最後對方比了個登記號碼我，到時去 counter 就可以取票了！

希望到時順順利利啦，否則這一天車票就會浪費了。  每程火車都要 2小時45分鐘呢！

不過去到英國，真係做唔出不同 BF 去朝聖囉！

 

One year count down @ Amigo (雅谷餐廳)

時間過得真係好快，之前時時說兩年後結婚，今天已經是一年前倒數了。今天起身見到天氣都ok，希望明年今天都是天氣好吧！

其實我今日係要返學的，不過 BF 問我可唔可以唔返…. Check 過今日既堂後，決定做一次逃學威龍。

BF 接我收工後就去左 Amigo 食飯，他一早 book 了枱，這間餐廳相信好多人都識，所以不用再講，而且服務係非常好的。

枱上有本小小的 memo pad, 印上 BF 名字, 因為是他訂位的.

有麵包同多士揀, 你都可以要兩樣, 不過我揀了多士

我要了鵝肝做前菜, 我非常鐘意食鵝肝, 事實又真係好好

蜆肉周打湯味道唔錯, like !

主菜之前上左個西柚雪葩, 其實係清清你口腔內既味道後食主菜

主菜我要牛柳, 牛柳都 ok

之後是甜品同飲品 !

好飽呀

老實講, 食物是不錯….但未至於好好食個種, 不過環境同服務係非常好 !

我同 BF 都非常滿意

 

 

 

 

其實食的過程有個小插曲 .....
BF 食完 Main course 之後說去洗手間，我都覺得怪怪地.... 見他行出去時, 個 waiter 一路同他說話 .... 有古怪呀 !! 之後個 waiter 行過來問我有沒有相機，我話有，拎出來時候，BF 就返來，後面跟住隊 live band，之後突然拿出一束花…. 當時好多人望過黎，BF 仲說有人做見証….. 真係估唔到他竟然做咁既野。Waiter 幫我兩影相，之後有三個人就在我地面前唱歌。

 

 

  

今個晚上真係好開心呢！

Le Creuset

知道 Le Creuset 開倉, 不過我只得星期六日先去到 @@

星期六我在他們關門前去到, 其實只想買個煲, 不過當日真係好多貨都, 估不到 BF 好落力幫我睇, 他見到有個我要的煲, 不過我唔鐘意黑色, 所以放棄 !

今日星期日, 因有事要去 TST, 之後七點去到, 比昨日多左 些貨.... 突然比我見到有個淺藍色的煲, 一手 "立" 左先....    之後睇晒全場, 真係得番這個



但係得 25cm ....其實我覺得真係唔夠大, 但我超鐘意隻色, 於是 BF 問個職員, 個職員話這隻色沒有再大了, 賣光了~~ BF 好努力找, 他好開心找到一個 27cm 米色, 他睇來睇去都覺得應該買 27cm, 又話米色都好好, 我咪話 27cm 其實都不夠大, 這個買來炆野啦 ~~ 下次見到岩 size 先再買個大....  見到他唔心死, 仲四圍睇有沒有其他的時候, 我就快快去付錢



之後他話, 你又唔老實講你好鐘意這個色, 一定要買 ?! 下.... 我講左下次先買大囉, 這個可以滾下湯同炆野麻....  他一句 : 你識炆咩 ? 

收獲唔多, 只買左三樣^^

 

 

 powder blue 25cm, 我真係勁鐘意 !

原價 $2,688 / 現價 @1,150

 

24cm dish 買兩隻, 一紅一藍

原價 $1,208 / 現價 $280

 

 

希望下次再開倉時可以買到我想買的 ! 上次買隻煎 pan 都拎到我死死下, 今次好在有 BF 幫手.

北海道

知道去北海道既機票都幾難訂，所以今日 check 左去北海道既機票同時間。

國泰
每個星期三、四、六、日有機，每天一班機

香港 à 北海道    9:20起飛；14:50到達
北海道 à 香港    16:00起飛；18:40 到達

機票價格 8天內    HK$5,300 + 稅
                 1個月內  HK$7,690 + 稅

但係我係想先由香港飛北海道，再飛大板，再回香港

機票        8天內             HK$5410 + 稅
                21天內           HK$7510 + 稅

北海道 à 大板 ： 天天有機位，飛行時間為 2小時15分鐘

唔….  問題來了，我地 BD 是星期六，最理想出發時間是星期一，依家即係最快就要星期三才出發，玩完北海道再去大板 (主要去環球片場) 唔想浪費左二天時間.....

其實三月尾去北海道未必是太好既時間，因為好可能接近溶雪了，要睇番個年既天氣............。但又唔想在三月去歐洲，去歐洲最鐘意六/七月先去…..

定係先飛去大板先，玩完二/三日之後再飛去北海道呢！ 仲有時間….  可以再想想…  不過我最想坐既破冰船就好似過左時 @@

我想去既地方同想食既野有；
網走，每年聖誕節都好想去北海道過白色聖誕同坐破冰船，但以前份工根本請唔到假，今次終於達成願望了！
好想睇企鵝同北極熊
長腳蟹宴 / 魚生 / 和牛 ............ 等等
** 特別想 book 面對雪山既露天溫泉 (因為 BF 曾經說過好想咁) **

未出發，見到些相已經好開心了

手作過程 - 三角型禮物袋

有 blogger 對我做的三角型禮物袋及花花有興趣，於是答應 post 出每個 step 既過程，其實三角型袋我是之前在 youtube 見過，之後改良左少少的，不過已經搵唔番條 link

先用 trimmer cut 左紙先

 

8" x 4"，size 

 

之後 score

 

 

在 4" 個位 scroe, 如果你是 12" 長，即是 6" 個位 score

 

score 完見到條線

 

濶是 4"，所以在 2" 個位 score .... score 完見圖如下

之後我用我既 eyelet setter 打孔

 

打孔是因為要穿絲帶用

 

個面不想太素，所以我再 cut 三角型出黎貼上去

 

cuttlebug 花花 die cut，一 set 是四個

 

我用左不同色既紙

 

我準備了一粒兩腳釘，用來放在花花上面

 

在最細花花打孔再加上兩腳釘

 

完成品

 

貼好三角型再加上花花後，穿上絲帶

 

這個 gift bag 好簡單，希望幫到想做既 blogger 啦 ^^

 

 

 

 

Easel and Mini Card

買了 set bird punch 一段時間，拎左貨之後就即時開工，不過整來整去都唔滿意，所以最後都沒有落實整去張咭上面。

昨日放假，我終於做了張咭~~~當整完第一張之後，我覺得 可以，但唔係好滿意，於是飯後再開工做了另一張，今次終於好滿意了 ^^

第一張完成既咭..... 好似欠左什麼似的

第二張完成既咭.... 好滿意呀

之前在永信買了紙，好鐘意隻色好 soft，做左兩張 mini card。

一張用了在 paper art 買的膠水筆去花花上面

另一張就用左施華洛水晶

兩張出來的效果都好好，影相好似不太出眾… 哈，如果二揀一，我鐘意膠水筆個張，因為好似 match 好多。

禮物袋

學做禮物袋, 效果都好滿意, 同事見到都說靚 ^^

同大家分享下啦

這個是第一個做出來的效果, 自己都相當滿意

 

之後做少少改變, 其實不會太明顯的

card making

假期時我做了一張咭，這做法同上堂時一樣，只是入面不同，我這張是咭，而上堂個張入面是信封。

我買了水溶性木顏色，所以在這張咭我就試下運用，不過上次買錯了個膠水印台，所以我用番普通 ink pad 再加熱風槍，效果還可以吧。

公仔個肚我用膠水筆去做個效果出來，都幾得意。咭的花邊是用了 MS doily lace punch，這個punch 真的好靚，我好鐘意。之後我用它做禮物袋仔。

張紙的色好靚，多謝 sze sze 比我…. 張咭有種好清新感覺。連 BF 都說張咭靚，可能我好少買粉色野吧！

 

 

 

肚既位置用膠水筆，在 paper art 買的 (diamond)

 

昨晚上完 card making 堂，好快做兩張咭。坐我旁邊同學做得好快，令我我好緊張，於是默默做默默做。

Card making 班告一段落，回顧八月我真係好開心，因為我上左 card making 同 album，大家一班人一齊做手作交換心得真係好開心。

 

返到屋企見到郵政局的信，太好了，又要收貨！

收好貨之後都要快些開工做album ，工具材料都不是太小，足夠我做 album / card 等等。見到好多 blogger 說要戒同忍手不再買野，其實我忍不到呀？！見到鐘意的不會忍到，而且我都沒有買得太多
好期待之前買的love bird punch，希望快些收到啦！