Day 1香港 / 大阪 / 黑門市場 / 歷史博物館 / 大阪城公園 / 摩天輪
收工先食完飯再回家整理好行李才出發去機場，今次是坐夜機，起飛時間是 1:50，所以完全唔趕。
好似指定動作大家都會企這裡影相，之後就上機了！
上機空姐先問我們飲什麼，之後就給今天的 menu 同 wine list 我們，到吃飛機餐時已經是二點幾，平時都訓了，現在仲要吃宵夜…
我的主菜揀了魚，吳生好似揀了雞… 最後的朱古力好味，空姐還多給我一粒！
所有都是芝士，我麻麻地~~~
吃時都幾累好想訓，但吃完個餐之後竟然訓唔到，到訓到就已經要落機了！落機時氣溫只得六度！
去到機場我們先去買車飛，買了大阪2天的 day pass，另外買了 pass 去京都用，不過下次再去京都會坐 JR，因為會快些同無太多停站。
我本來訂了在難波的酒店，出發前一星期吳生叫我轉酒店，他揀的我唔鐘意，不過最後尊重他的決定，反正他從來都不會去睇行程，難得今次見他那麼用心。
行李放回酒店之後我們就先去黑門市場吃早餐，那裡好多魚生店
於沒有做定功課那些好吃，最後我胡亂地揀了這三樣吃，其實並非唔好食，但老實說有點失望，可能期望過高吧！
吃完之後真的感覺好凍，之後回酒店穿厚衫就出發去歷史博物館，一出地鐵到地面就可以見到，於是進場去睇睇！事實對日本歷史唔多認識，看起來都幾悶
有位靚女穿和服... 大阪都常見有人穿和服.... 京都更不在話下... 相對東京就比較少見了。
沒有藍天白云.....
之後就步行去大阪城公園，我知道只要遲二星期去就可以看見櫻花，不過這是紙婚之旅，之前我在日本都看過了櫻花，吳生就決定不要遷就櫻花時間而去，不過這個公園如果櫻花盛放一定會好壯觀，但我們比較鐘意紅葉！
貪吃的我們見到有燒物，於是都先買來食，不過真的幾難食啊！
見到好多人在這個紙牌下影相，我請路人幫手，可惜二張相都唔清…. ha
又不是第一次坐凌晨機，不過這次相當累，好想訓覺，我在等升降機企住就;訓左，差點跌低呢….. 所以還是回酒店休息，返到酒店好好訓一會就去梅田了。
因為想去摩天輪同去空中花園看夜景。不過最後去了吃晚餐，哈~~~ 又是沒有做功課，於是在食市中看了一轉後就揀了這間。
我們看餐牌每人點了一樣….哇~~~好好食呀…. 個湯底好濃好好味，二個人吃了2700 yen，又平好多食呀！
之後去了坐摩天輪，太累的關係，而且去空中花園又要再走一段路，我好懶又唔想行，最後冇去！
走時經過餐廳見到好多雪糕，但我好飽，吳生又唔想自己一人吃，最終冇食
回酒店見到便利店買了支雪條…. 麻麻地好吃！
這一天的行程就完結了
