One year count down @ Amigo (雅谷餐廳)

時間過得真係好快，之前時時說兩年後結婚，今天已經是一年前倒數了。今天起身見到天氣都ok，希望明年今天都是天氣好吧！

其實我今日係要返學的，不過 BF 問我可唔可以唔返…. Check 過今日既堂後，決定做一次逃學威龍。

BF 接我收工後就去左 Amigo 食飯，他一早 book 了枱，這間餐廳相信好多人都識，所以不用再講，而且服務係非常好的。

枱上有本小小的 memo pad, 印上 BF 名字, 因為是他訂位的.

有麵包同多士揀, 你都可以要兩樣, 不過我揀了多士

我要了鵝肝做前菜, 我非常鐘意食鵝肝, 事實又真係好好

蜆肉周打湯味道唔錯, like !

主菜之前上左個西柚雪葩, 其實係清清你口腔內既味道後食主菜

主菜我要牛柳, 牛柳都 ok

之後是甜品同飲品 !

好飽呀

老實講, 食物是不錯….但未至於好好食個種, 不過環境同服務係非常好 !

我同 BF 都非常滿意

 

 

 

 

其實食的過程有個小插曲 .....
BF 食完 Main course 之後說去洗手間，我都覺得怪怪地.... 見他行出去時, 個 waiter 一路同他說話 .... 有古怪呀 !! 之後個 waiter 行過來問我有沒有相機，我話有，拎出來時候，BF 就返來，後面跟住隊 live band，之後突然拿出一束花…. 當時好多人望過黎，BF 仲說有人做見証….. 真係估唔到他竟然做咁既野。Waiter 幫我兩影相，之後有三個人就在我地面前唱歌。

 

 

  

今個晚上真係好開心呢！

Le Creuset

知道 Le Creuset 開倉, 不過我只得星期六日先去到 @@

星期六我在他們關門前去到, 其實只想買個煲, 不過當日真係好多貨都, 估不到 BF 好落力幫我睇, 他見到有個我要的煲, 不過我唔鐘意黑色, 所以放棄 !

今日星期日, 因有事要去 TST, 之後七點去到, 比昨日多左 些貨.... 突然比我見到有個淺藍色的煲, 一手 "立" 左先....    之後睇晒全場, 真係得番這個



但係得 25cm ....其實我覺得真係唔夠大, 但我超鐘意隻色, 於是 BF 問個職員, 個職員話這隻色沒有再大了, 賣光了~~ BF 好努力找, 他好開心找到一個 27cm 米色, 他睇來睇去都覺得應該買 27cm, 又話米色都好好, 我咪話 27cm 其實都不夠大, 這個買來炆野啦 ~~ 下次見到岩 size 先再買個大....  見到他唔心死, 仲四圍睇有沒有其他的時候, 我就快快去付錢



之後他話, 你又唔老實講你好鐘意這個色, 一定要買 ?! 下.... 我講左下次先買大囉, 這個可以滾下湯同炆野麻....  他一句 : 你識炆咩 ? 

收獲唔多, 只買左三樣^^

 

 

 powder blue 25cm, 我真係勁鐘意 !

原價 $2,688 / 現價 @1,150

 

24cm dish 買兩隻, 一紅一藍

原價 $1,208 / 現價 $280

 

 

希望下次再開倉時可以買到我想買的 ! 上次買隻煎 pan 都拎到我死死下, 今次好在有 BF 幫手.

北海道

知道去北海道既機票都幾難訂，所以今日 check 左去北海道既機票同時間。

國泰
每個星期三、四、六、日有機，每天一班機

香港 à 北海道    9:20起飛；14:50到達
北海道 à 香港    16:00起飛；18:40 到達

機票價格 8天內    HK$5,300 + 稅
                 1個月內  HK$7,690 + 稅

但係我係想先由香港飛北海道，再飛大板，再回香港

機票        8天內             HK$5410 + 稅
                21天內           HK$7510 + 稅

北海道 à 大板 ： 天天有機位，飛行時間為 2小時15分鐘

唔….  問題來了，我地 BD 是星期六，最理想出發時間是星期一，依家即係最快就要星期三才出發，玩完北海道再去大板 (主要去環球片場) 唔想浪費左二天時間.....

其實三月尾去北海道未必是太好既時間，因為好可能接近溶雪了，要睇番個年既天氣............。但又唔想在三月去歐洲，去歐洲最鐘意六/七月先去…..

定係先飛去大板先，玩完二/三日之後再飛去北海道呢！ 仲有時間….  可以再想想…  不過我最想坐既破冰船就好似過左時 @@

我想去既地方同想食既野有；
網走，每年聖誕節都好想去北海道過白色聖誕同坐破冰船，但以前份工根本請唔到假，今次終於達成願望了！
好想睇企鵝同北極熊
長腳蟹宴 / 魚生 / 和牛 ............ 等等
** 特別想 book 面對雪山既露天溫泉 (因為 BF 曾經說過好想咁) **

未出發，見到些相已經好開心了

手作過程 - 三角型禮物袋

有 blogger 對我做的三角型禮物袋及花花有興趣，於是答應 post 出每個 step 既過程，其實三角型袋我是之前在 youtube 見過，之後改良左少少的，不過已經搵唔番條 link

先用 trimmer cut 左紙先

 

8" x 4"，size 

 

之後 score

 

 

在 4" 個位 scroe, 如果你是 12" 長，即是 6" 個位 score

 

score 完見到條線

 

濶是 4"，所以在 2" 個位 score .... score 完見圖如下

之後我用我既 eyelet setter 打孔

 

打孔是因為要穿絲帶用

 

個面不想太素，所以我再 cut 三角型出黎貼上去

 

cuttlebug 花花 die cut，一 set 是四個

 

我用左不同色既紙

 

我準備了一粒兩腳釘，用來放在花花上面

 

在最細花花打孔再加上兩腳釘

 

完成品

 

貼好三角型再加上花花後，穿上絲帶

 

這個 gift bag 好簡單，希望幫到想做既 blogger 啦 ^^

 

 

 

 

Easel and Mini Card

買了 set bird punch 一段時間，拎左貨之後就即時開工，不過整來整去都唔滿意，所以最後都沒有落實整去張咭上面。

昨日放假，我終於做了張咭~~~當整完第一張之後，我覺得 可以，但唔係好滿意，於是飯後再開工做了另一張，今次終於好滿意了 ^^

第一張完成既咭..... 好似欠左什麼似的

第二張完成既咭.... 好滿意呀

之前在永信買了紙，好鐘意隻色好 soft，做左兩張 mini card。

一張用了在 paper art 買的膠水筆去花花上面

另一張就用左施華洛水晶

兩張出來的效果都好好，影相好似不太出眾… 哈，如果二揀一，我鐘意膠水筆個張，因為好似 match 好多。

禮物袋

學做禮物袋, 效果都好滿意, 同事見到都說靚 ^^

同大家分享下啦

這個是第一個做出來的效果, 自己都相當滿意

 

之後做少少改變, 其實不會太明顯的

card making

假期時我做了一張咭，這做法同上堂時一樣，只是入面不同，我這張是咭，而上堂個張入面是信封。

我買了水溶性木顏色，所以在這張咭我就試下運用，不過上次買錯了個膠水印台，所以我用番普通 ink pad 再加熱風槍，效果還可以吧。

公仔個肚我用膠水筆去做個效果出來，都幾得意。咭的花邊是用了 MS doily lace punch，這個punch 真的好靚，我好鐘意。之後我用它做禮物袋仔。

張紙的色好靚，多謝 sze sze 比我…. 張咭有種好清新感覺。連 BF 都說張咭靚，可能我好少買粉色野吧！

 

 

 

肚既位置用膠水筆，在 paper art 買的 (diamond)

 

昨晚上完 card making 堂，好快做兩張咭。坐我旁邊同學做得好快，令我我好緊張，於是默默做默默做。

Card making 班告一段落，回顧八月我真係好開心，因為我上左 card making 同 album，大家一班人一齊做手作交換心得真係好開心。

 

返到屋企見到郵政局的信，太好了，又要收貨！

收好貨之後都要快些開工做album ，工具材料都不是太小，足夠我做 album / card 等等。見到好多 blogger 說要戒同忍手不再買野，其實我忍不到呀？！見到鐘意的不會忍到，而且我都沒有買得太多
好期待之前買的love bird punch，希望快些收到啦！

生日咭

又有人生日，所以都是做生日咭，見到嫻子的咭既腳幾特別，於是我試做了一張

張咭加上施華洛水晶真係特別閃

雖然簡簡單單一張咭，不過就代表左我一份心意。

Le Creuset

今日 book 了去 MTM 做 facial，做完 facial 就急趕去睇煲呀…. 從 blog 友 YY 知道 Le Creuset 最後一日 promotion。

去到…. 又唔係好多人，可能好野已經比人買了，找來找去都唔見 YY 個煎 pan，突然一前一亮….  找到了…. 正當好專心時，突然有人問我買什麼，真嚇了一跳，原來見番以前一位舊同事… 哈哈… 之前約N次都就唔岩時間，今次終於見到面。

我本來好想買碗碟，不過…. 岩我的碟又唔岩我要的顏色… 最後就買了個煎 pan，有紅色同藍色，我買藍色，因為我廚房唔可以放任何紅色… 個煎 pan 好重呀，其實我都唔知平不平，但呢隻牌子係好好…. 買住個煎 pan 先，下次再做 promotion 時再去買過，哈哈~~~



和舊同事食完野就趕緊回家，因為我仲要趕做功課呢…. 在車上諗… 其實我一年都用唔到十次個煎 pan，到底係咪買錯呢？ 再冷靜少少時，覺得自己蠢左，應該買個深少少既煎 pan 麻…. 不過深同淺都係少用，算！

希望下次可以再買到更好更平就更開心…. 哈哈！

** 舊既煎 pan 已經在垃圾房喇 **

 

 

 

回顧 2009

2009 是我最失敗的一年，去年 set 的 target 一樣都做不到...  真要檢討檢討。

2010年是一個艱難年，前面的路更難走，我必須克服，否則一年、一年又一年，我唔可以白白虛渡光陰，難行亦要行，加油！