我原本想買既魚已經賣晒，老闆於是推薦油班，並稱其味道比龍躉更好。煮法也差不多。
最後，我用蒜蓉、陳皮和粉絲來蒸油班，做出來的菜式快、靚、正，而且零失敗😂 果然，老闆既推薦無錯，現在又多左一款魚可以選擇。
材料
- 油班
- 金銀蒜
- 蒸魚豉油
做法
1. 將一半的蒜蓉炒香至金黃色，再加入另一半生蒜蓉，並加入少許糖、鹽和油拌勻。
2. 將粉絲浸軟備用。
3. 陳皮浸軟後去囊並切絲。
4. 油班洗淨後用廚紙擦乾。
5. 在碟底鋪上浸軟的粉絲，加入金銀蒜及陳皮拌勻。
6. 油班上面放上陳皮絲及少量金銀蒜。
7. 蒸七分鐘，然後倒去多餘水分，淋上熟油和蒸魚豉油即可。
今日下午我去左大埔街市，主要去買魚，依家一般都會去大埔街市比較多，因為食材種類多，價格也相對合理。
小時候我對吃魚的興趣一般，但人大了，口味也改變不少，我愈來愈鐘意吃魚，可能吃魚好處太多：
1. 營養豐富：魚類含高質量蛋白質、維他命（如維他命D和B12）及礦物質（如鋅、鐵和碘）。
2. 健康的脂肪酸：特別係油脂較多既魚，含有Omega-3脂肪酸，對心臟健康和大腦功能非常有益。
3. 降低心臟病風險 : 定期食用魚類可以降低心臟病和中風的風險，因為Omega-3脂肪酸有助於維持血管健康。
4. 改善情緒和認知功能：研究顯示，Omega-3脂肪酸可能有助於減少抑鬱症狀，並提升認知功能，對大腦健康有正面影響。
5. 促進眼睛健康：魚類中既Omega-3脂肪酸和維他命A有助於維持視力和眼睛健康。
6. 良好的蛋白質：魚類相對於紅肉脂肪含量較低，也更易於消化。
這次我揀左紅瓜子，因為比東升班更好味，吃了之後真係返唔到轉頭喇！其實只要是野生海魚，味道就已經非常美味，可能因為野生魚在自然環境下生長，加上經常在水中活動，肌肉相對結實而且肉質也更加鮮嫩。
魚檔幫我處理好條魚，仲叮囑我需要蒸12分鐘。我返到屋企洗好魚，把它放入蒸爐。出爐後加些薑絲和蔥，再淋上熟油和蒸魚醬油，就可以開餐喇！
今日係假期，早上飲完茶後就去大埔街市買海鮮。街市冇紅瓜子賣最後揀左一條東星。只要係海魚，只需蒸熟後放上薑蔥淋熟油，再加蒸魚醬油，就已經非常美味。另外買左隻花蟹打算用蛋白蒸😆蒸完出黎超級好味，蛋白又香又滑，花蟹非常鮮甜😍
食材：
藍花蟹 1隻
蛋白 4隻
水/雞湯/花雕酒/蒸蟹汁 共200ml
蔥 少許
做法：
1. 蟹洗淨後斬件，瀝乾水分，以100度蒸4分鐘。
2. 將蒸蟹後既蟹水倒出，放涼備用。
3. 將水/雞湯/花雕酒/蒸蟹水加入蛋白中，攪拌均勻。
4. 將蟹放在碟，蛋白過篩後以100度蒸12分鐘。
溫馨提示：
1. 第一次蒸4分鐘時，蟹殼要反轉。
2. 我唔飲酒，花雕酒只用左3g 已經好香酒味😜
3. 酒唔好放太多，否則會變苦。
