端午節當日去左中環食飯，落車時老公已經問我.... 係要唔要入去睇野？
我話都好，不過吃飽先喇
記得早幾個月幫公司出席workshop 時，我lunch time 趕緊入去行個圈
當時我見到想要既銀包，想問SA 仲有什麼顏色時，每位SA 好忙我又趕時間
咁就只好下次再有機會先喇
今次我覺得應該買到銀包，都幾有信心😂
返到屋企再拎個袋影張相先
好有廣告 feel ^^
好靚丫！
今年既端午節提前包粽子，等我有更多時間準備好送比親朋好友。
今年我跟去年一樣，每個粽子我都抽真空，不同我是我買左包裝盒，所以抽完真空再放去包裝盒，同事收到則話今年是 upgrade version 啊，而我認為整個粽子看起來就像高級禮盒一樣，睇到成品咁靚自己都好開心😄😄
今年生日有小小特別，月初收到自己銀行 RM通知，佢地會送我一張coupon，原來係嘉里酒店 afternoon tea for 2。
第一次去嘉里酒店，感覺還不錯，訂位時已請佢地安排一個較好位置比我😄 酒店安排左窗口位。
下午茶係一個box set ，盒內包括左甜品同埋鹹點，另外每人一杯飲品！
鹹點
煙三文魚卷黑魚子
鴨肝醬配無花果開心果
皇帝蟹肉酥盒檸檬泡泡
甜點
紅桑子蛋糕
朱古力榛子蛋糕
柚子撻
我一直好想去新葡京8餐廳，原因見到佢地點心做得相當精緻，特別係金魚餃。不過假期需要訂位真係唔容易😅 最終我係呢個復活節終於有機會去試下😜
藍天使蝦金魚餃
金魚餃裡面包著一隻蝦，職員話蝦係來自紐西蘭，金魚餃做得非常精緻😍 蝦肉彈牙。如果金魚既皮可以再薄小小就完美🙃
原隻澳洲帶子黑松露雞粒酥
酥皮做得非常好，帶子同黑松露既味道好味，推薦😄
法國鵝肝金錢雞
食肆已經不多見，我認為呢個係全餐最好吃既點心，層次分明，分別是鵝肝、臘腸和叉燒，好食到爆😍！超級推薦😄
瑤柱桂花炒蟹肉腸粉
感覺特別，材料有蟹肉、雞蛋及芽菜，腸粉皮超薄，吃起黎好有口感，掂😛。
蜜汁黑豚叉燒
如果可以做到有濃邊就完美🫢。
埋單，每位客人會收到一塊杏仁餅，杏仁餅上印有餐廳logo，並印有與英記合作
偶然間，我發現了一間相當有特色的食店，假日我同老公決定去嘗試新野。這家店位於樂富與九龍城之間，對於我地黎講，交通相當方便。
食店分為室內和室外區域，依家既天氣好岩坐室外丫，唔熱而且冬天又岩岩過去，坐outdoor 係非常理想！
我們點左2個主菜2杯飲品：
熱榛子朱咖啡
- 拉花拉得幾靚，味道亦係好飲。
吃飽後，我在室內參觀，因為樓上有一個小型展館，展出了六七十年代的家居用品，等大家見識及懷舊一下。
